21/07/2026
🚨 Minel atake Thoy Art sou kestyon entegrasyon timoun yo nan Vodou🙆♂️🥱
Minel monte ton an kont Thoy Art pandan yon entèvansyon resan kote li mandel poul sispann enplike timoun yo nan aktivite ki gen rapò ak Vodou.
Daprè Minel, timoun yo bezwen plis aksè ak edikasyon, syans ak teknoloji olye yo angaje yo nan sa li rele pratik mistik. Li fè konnen, selon opinyon pa li, Vodou pa kontribye nan pwogrè peyi a e li kwè li te jwe yon wòl negatif nan devlopman Ayiti pandan plizyè jenerasyon.
Revolisyonè a estime ke lè yon moun gen enfliyans sou anpil timoun, li ta dwe sèvi ak opòtinite sa a pou ankouraje aprantisaj, inovasyon ak devlopman pèsonèl. Li menm ale pi lwen poul deklare ke ankouraje timoun yo antre nan Vodou kapab prepare yon nouvo jenerasyon pou ranplase Ougan ak lòt aktè ki evolye nan sistèm sa a.
Jiskaprezan, Thoy Art poko fè okenn deklarasyon piblik pou reponn ak pozisyon Minel la.
