18/05/2026
18 Me 2026 , Jou fèt drapo 🇭🇹 peyi nou an " Ayiti “, se yon moman pou nou reflechi sou eritaj, rezistans ak idantite pèp ayisyen an. Dat sa a fè nou sonje koman zansèt nou yo te goumen pou libète ak diyite.
Nan ane 1804, Ayiti te deklare endepandans li, se te premye nasyon nwa ki reyalize sa, e sa te soulinye fòs ak detèminasyon pèp la nan batay kont esklavay. Jodi a se yon okazyon pou chak ayisyen, kèlkeswa kote nou ye, sonje sakrifis sa yo ak valorize richès kilti a.
Jou sa a se yon apèl pou nou ini, pou nou pote ansanm konsyans ak fyète, kèlkeswa barikad ki ka egziste nan sosyete a. Se yon chans pou reflechi sou avni peyi a, popilasyon an ki kontinye fè fas ak vyolans chak jou, e kap Mande edikasyon ,sante ak devlopman ekonomik.
N'ap chèche kreye yon Ayiti ki pi djanm, ki respekte tout moun, e ki ka sèvi kòm modèl pou lòt nasyon atravè mond lan. Sa se yon mesaj pou tout ayisyen: sonje ke fòs nou se nan solidarite 🤝ak lanmou pou patri nou. pou nou reyalize sa ki te rèv zansèt nou yo.
