Quel est le site Web ?

https://www.facebook.com/100357392876494/

Alaa eddine ben djazia

Name: Alaa eddine ben djazia
Address: Sougueur, Tiaret, DZ
Telephone: +213542190668

Page d'Accueil
Algérie
Tiaret
Alaa eddine ben djazia

تربية الخيول العربية الأصيلة بتيات❤🐴

06/01/2026

مربوحة ان شاء الله ❤️🇩🇿🫶

01/01/2026

شـفتك يـامحبوب فالحلم الـبارح
وطيفك جاني زارني نا عڤب الليل

جـاني فـي لمنـــام خـلاني فـارح
وذكرني بأيام يامس حتي ڤبيل

ذكـرني بـالصيد والطير الجـارح
ورجعني للوقت والماضي الجميل

بن_جازية ربي يحفظه ويعلي مقامه

30/12/2025

زعما تاي مر ولا أنا لساني
نهدَر ونصبر والهمّ داني
نقول اللي فات راهو فات
ويرجع ليلي يثقّل كياني
تعلمت من الوقت ما نطيّح
راسي للريح ولا الزماني
اللي خان اليوم ننساه
والوفا نبقيه عنواني
ما نمدّ يدي للي جفّاني
ولا نطلب عذر من خاني
الحرّ يمشي مستقيم
ولو الطريق كثر شوكاني
الوجع علّمني الوقفة
والصبر ربّاني رْباني
نكسِر الصمت كي يلزم
ونصمت وقت اللي يحكاني
شفت الدنيا كيف تدور
تضحك نهار وتبكّي ثاني
واللي يحسبها دايمة
يجهل حكم ربي العالي
زعما تاي مر ولا أنا لساني
أنا واقف مثل الجبال
لا تميلني لا ريح ولا زماني

جازية ربي يحفظه
ليك وحشة

30/12/2025

علي بن جازية إبن مسعود بن جازية ولد حاج علي الله يرحمو
ذالك الشبل من ذالك الأسد هكذا نفتخر بأبناء عندما يرتدون اللباس التقليدي الجزائري رمزٌ للأصالة والعراقة، لأنه يحكي قصة أمة.
Alaa Eddine

30/12/2025

نمسيكم بالخير يالحباب كي مسيتــــو
وكان عدت خيكـــــم ها ردو لســــــوال

راني متوحش خيالكم علاه صديتـــــو
ومن دونكـــم لحــــزان عنــــي تطــوال

ما نفــــــرح كـــــــان انتـــــم خصيـــتو
وفي شوفتكـــــم تتريقـــــــل لحـــــوال

هاني جيـــت و حبكـــــم توحشتــــــــو
وحبكــــم فــــــي القلب مانـــــي بــدال

ها ارواحو نشايخـــو راكــــــم طولتــــو
وحسيت في قلبي ضلمة ما بان الحــال

لو بيدي من عنــدي والله مـــــا رحتـــو
وجملتكـــم دايرهــــا كي جملــة لعيــال

نفــــــرح يا لصحــــاب كان ليا جيتـــــو
نفرح فــــرح كبيـــــر ويرتـــــاح البــــال

ونحزن كــان لقلبــــي راكــــم هجرتــــو
ويــن نلقـــــى خيالكــم ما عنــــدي دلال

حبيتكــم خاطــــــر قلوبكــــم صفيتــــو
وفيكـــــــــم حرايـــــر رجالــــــة وابطال

لا تروحــــــــــو قلبــــــي راكــــم ديتـــو
وفرڨة لحبــــــاب لا تنفعهـــــا لمــــــوال

حبكـــم بالـــــذات هــــو لــــي شتيتـــو
حبكم بالذات كي حــــب العـــم والخال

نمسيكم بالخير ارواحو كــــان حبيتـــو
ونديرو قعـــــدات سهرتهــــم تطـــــوال

: ملكي محمد
#علاء الدين بن جازية كابر على أصل وتاريخ جدودي

30/12/2025

ماهي بعيدة ذيك الدار يا سامــــع ليــا
ولا يغــرك مـــــــــال ولا تغـــرك ليــــام
لا تغــــــرك قصــــور ياســــــــر مبنيـــة
وذي الدنيــــا محـــال لكــــانــت بدوام
ياك الموت لابدة وحكايتــــو مخفيــــة
وما تدريــــش الرحلة واش مــن عـــام
كون مولا عقــل خيـــي وصـــرش ليـــا
لا تبع الفانية وبعـــــد عــن كـــل حــرام
كون مولا خير وبعد على كـــل بليــــة
وكون زاهد في الدنيا لا تخلطش لكلام
نوصيـــــك ونعطيك يا خيــــي وصيــة
أتهلى في الصبيـــان ولا تنســى ليـتــام
اتفرج وشـوف قبــــلك ماتنفــــع حيـــة
وعمـــــــر بنادم يفــــــوت كـــي لمنـــام
مادامـــــــت افـــراح ولا زهــــو الدنيـــا
واخرتها قطعـــــــــة بيضــة ما تتســـام
اتفطــــــــن وكــــون مــــــــــولا عقليـــة
وصون دينك ماتكونش لعــان وشتــــام
أتأمــــل بعينيـــــــك لقبــــور المنسيــــة
أدســـــــــــت لوراق وترفعـــت لقــــلام
يا حصراه ولي نوصيــك اتصنــــت ليـــا
قـوم للصــــــلاة ولا تنســــــــى الصيــام
ماتنسى القـــرأن ديما فــــــي الفجريــة
وتتسجــــل افعــــالك قـــــــاع بالتمـــام

محمد ملكي

30/12/2025

فالدنيا ياصاحبي لا حال يدوم
الدَّايم وجه الله والباقي فاني
لا تفرح بيها إذا عطفت في يوم
راها تغدر بيك في اليوم الثاني
تبني وتعلي وعاشقها مذموم
ولي تبعها تخليه إيعاني
دار شقى وعذاب ومحاين وهموم
وترجع من كان عالي تحتاني
تذل لي كان غالي سيد القوم
وتخليه غريب من وطنو جالي

28/12/2025

نديــرو جولــة للـــمرســم ثــم نباتو
وكل لاخــر فيــنا يتفكــــر الذكريات
نتفكر ساعــات فـــي وقــــت فاتـــو
ويا ما خلاو فــي قلبـــي من كــيات
اتعرى ذاك البــر مانشـــــتي شوفاتو
وهدة مـن الزينين فيهــم مـــن مات
وطايح مـن الشوق دمعـي برواڨاتو
وذاك البر الزين هجــــــروه السادات
الناس الزينة ياحصراه كي هجراتو
طاح الغــــيم ولحـــــزان تمســـــات
كنا مجموليـــــن ومزيــن سهراتـــــو
وهذا العــام ماهـــــو كي لــــي فات
لو طلو علــى قلبي تســـمعو بكيـاتو
جات الفرڨة بأرياحها عنـي تقــــوات
مثل السحــــــاب لي درڨ نجمــــاتو
ومثل الشــجرة مـــــن ورڨها تعرات
أتهـرى لوكـــــر وطاحـــو حجراتــــو
ومحتاهـــم للقلب مـــــن خيبـــــات
محتاهــــم للقلــــب مكثـــــر حيراتو
اتوحشنا لـــــيام وهــــــذوك الاوقات

ملكي محمد

28/12/2025

يا نفسي توبي مــن التعـــــواج اخطيـك
وتحزم يا قلبـــــــي وانســـــى لي فـــات
الدنيا لا ضحكتلك فـــي التالي تبكيــــك
وانت في غفلـــــــة ماتـــــدري هيهــــات
أتحزم واقصـــد ربــــــــي لـــي يعطيـــك
وجاهــد نفســـــــك مــــــن الطيحــــــات
بعد على لحـــــرام يا خيـــــي نوصيــــك
وماتنساش عندك لا تفــــرط في للصــلاة
إدعي ربي فـــــي السجـــــدة يحميـــــك
ويخفف عنك ياســـــر مـــــن الخيبــــات
إدعي ربــــــي ثانــــــي يرضـــى عليــــك
وتعيـــش متهنــــــي فـــــي ذي الحيـــاة
كون مولا خير النـــاس قــــاع تشتيــــك
صدق وصـــــوم وتزود مــــن الخيـــرات
ماتدي غير لي كتبــــــها ربــــــــي ليــــك
وكلش بالتمام مكتوبة فـي الصفحـــــات
هذي حال الدنيا ماعنـــــدها ما ماتعطيك
وحليلو لي الدنيـــــــا عنــــــــو ڨســـــات

محمد ملكي
❤️

Adresse

Sougueur
Tiaret

Téléphone

+213542190668

Site Web

facebook.com

Notifications

Soyez le premier à savoir et laissez-nous vous envoyer un courriel lorsque Alaa eddine ben djazia publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.