ليه الإعلان "المتصور بموبايل" بيبيع أكتر من السينمائي؟
الناس بطلت تصدق إعلانات التلفزيون الملمعة.
دلوقتي عصر الـ UGC (User Generated Content).
لما العميل يشوف حد "شبهه" ماسك المنتج في بيته وبيتكلم بطبيعته، الثقة بتزيد الضعف. الإعلان اللي شكله "مش إعلان" هو اللي بيكسب في 2026. وفر فلوس الكاميرات الغالية، واهتم بفكرة الفيديو ومصداقيته.
03/01/2026
إزاي تلاقي زوايا جديدة لإعلانك؟
عطلان ومش لاقي كلام جديد تقوله عن منتجك؟
ادخل اقرأ "ريفيوهات أمازون" لمنتجات منافسة.
هتلاقي الناس بتقول مشاكلها (دي زاوية ألم)، أو بتقول إيه اللي عجبها (دي زاوية فايدة).
كلام العملاء هو أحسن سكريبت لإعلانك الجاي.
03/01/2026
بتبيع نفس المنتج بنفس الكلام لكل الناس؟
يبقى بتخسر 80% من السوق!
يعني إيه Marketing Angle؟ يعني لو بتبيع "مج حراري"، ممكن تبيعه بـ 3 طرق مختلفة (زوايا):
1️⃣ زاوية التوفير: "بطل تشتري قهوة من الشارع ووفر فلوسك."
2️⃣ زاوية المزاج: "قهوتك سخنة لآخر رشفة وانت سايق."
3️⃣ زاوية الهدية: "أشيك هدية لمديرك في المكتب."
المنتج واحد.. بس السبب اللي يخلي العميل يشتري مختلف.
الشطارة مش إنك تغير المنتج، الشطارة إنك تغير "المدخل" اللي بتكلم بيه العميل.
#ماركتنج #تسويق
02/01/2026
الـ CTR واطي؟📉
العيب في الصورة!
لو نسبة النقر (CTR) قليلة (أقل من 1% مثلاً)،
ده معناه إن الناس بتشوف إعلانك وتطنشه.
الحل مش تغيير الجمهور..
الحل تغيير التصميم أو العنوان (Headline).
التحليل هو اللي بيقولك المشكلة فين بالظبط.
02/01/2026
ما يفوقش بالـ Likes.. العبرة بالـ ROAS 📈
الـ ROAS (Return On Ad Spend) يعني:
كل جنيه دفعته جابلي كام جنيه مبيعات؟
لو الإعلان جايب 1000 لايك بس مفيش بيع.. يبقى فاشل.
لو الإعلان جايب 10 لايكات بس باع بـ 10,000 جنيه.. يبقى هو ده "الباشا".
ماتخليش الأرقام الكدابة تخدعك.
01/01/2026
مرة عميل عملي بلوك...
عشان ظهرتله في الإعلانات كتير حصلت معاك قبل كده إن حد اشتكى من كتر إعلاناتك؟
وإزاي تتفادى الـ Ad Fatigue (ملل الإعلانات)؟
01/01/2026
أسوأ شعور في الدنيا..
عميل دخل الموقع، اختار المنتج، وصل للدفع، ومشي!
الناس دي "فلوس سايبة".
إعلان بسيط وكود خصم 5% ليهم ممكن يرجع نصهم يشتري فوراً.
01/01/2026
العميل مبيشتريش من أول مرة!
الإحصائيات بتقول إن العميل محتاج يشوفك 7 مرات تقريباً عشان ياخد قرار الشراء.
لو بتعمل إعلان مرة واحدة وتختفي، أنت بتضيع 80% من المبيعات.
إعادة الاستهداف (Retargeting) هو إنك تظهر تاني للناس اللي دخلت موقعك أو تفاعلت معاك.. بس بعرض جديد أو تذكير.
Be the first to know and let us send you an email when Ali Reda - Media buyer posts news and promotions. Your email address will not be used for any other purpose, and you can unsubscribe at any time.
