18/07/2026
عمرك خلصت كلام مع حد .. ورجعت البيت وكل حاجة خلصت ، بس في دماغك لا ؟؟
فضلت تعيد اكتر من مرة ؟؟
"أنا ليه قلت الجملة دي؟"
"كان المفروض أرد بطريقة تانية."
"هو فهمني غلط؟"
"شكله اتضايق مني."
وتفضل تعيد نفس الحوار...
مرة...
واتنين...
وعشرة
الحقيقة إن مخك مش بيعمل كده عشان يعذبك
هو بيحاول يحميك
لأن أي موقف حسيت فيه بإحراج، أو رفض، أو حتى خوف إن صورتك قدام حد اتأثرت... المخ بيتعامل معاه كأنه ملف لسه متقفلش
فيفضل يراجعه
يمكن يلاقي طريقة كان ممكن تخليك تحس بأمان أكتر
بس المشكلة...
إن المراجعة دي أوقات بتتحول لاستنزاف.
وتلاقي نفسك عايش في موقف... الطرف التاني غالبًا نسيه من بدري
افتكر...
مش كل فكرة بتيجي في دماغك... لازم تقعد معاها
وأوقات... أكتر حاجة محتاجها مخك...
إنه يقتنع إن الموقف خلص فعلًا
Issue 001 🤍🍃
