24/11/2015
تاريخ المهنه :D
شكرا Etop ^_^
ولسه مكملين مع موهبه جديده من مواهب كليتنا :D
لينا محسن
الفرقه الثالثه
مش عارفه ممكن تتسمى ايه بس خلينا نشوف
الموضوع بالنسبالى مش موهبة بدأت معايا من زمان و نمتها لكن كنت بحب دايما فكره الانتاج انى احول حاجه ممكن تبان للناس ان ملهاش لازمه لحاجه ممكن يستفيدوا بيها و بحب التصميمات و الالوان و اى شغل بالورق ...
وانا صغيره كان الموضوع مش فى دماغى كانت حاجات بسيطه بعملها فى المناسبات زى مثلا الهدايا كنت بحب الفها بنفسى و الكروت انا اللى بعملها وبحب اختار الالوان و كده
مكنتش عارفه ان ده ممكن يفيدنى فى حاجه بعد كده او استغله
لغايه ما دخلت الكليه و كان فيه حفله فى اسرة Be the one و كنا بنشوف افكار للحفله و كان من ضمنها حاجات لل Photo session مش انا اللى اقترحت الفكره لكن نفذتها بس ...
و الحاجات عجبت الناس وكان فيه اقبال عليها و لقيت ناس بتسأل عليها و عايزين منها
زودت الحاجات فى الحفله اللى بعدها و لقيت الاقبال بيزيد ...
ساعتها بس بدأت افكر فيها كهوايه وبعدها كشغل جانبى يكسر روتين الشغل الاساسى خصوصا انى بستمتع بشغلها
هى حاجات للتصوير فى الحفلات و الافراح و اى مناسبه حلوه...
هى حاجه مش تقليديه و ممكن ناس متوصلهاش الفكره بس اكتر حاجه عجبتنى فيها ان الناس بتحتاجها وقت ما بيكونوا فرحانين و بيضحكوا بس
كان نفسى ابقى مهندسة ديكور قبل ان يشاء القدر انى ادخل صيدله بس ده عوضنى عن الامنيه دى ..
لسه فى البداية بس ناويه اكمل ان شاء الله
اللى اقترحوا عليا الفكره فى الاسره دعاء عماد و سلمى يوسف..
اخر حاجه عايزه اقولها ان فى حاجات بتحصل صدفه ممكن تغير مسار حياتنا محتاجه بس نستغل اى فرصه تسمحلنا نجرب فيها حاجه جديده...
الصفحه الخاص بشغل لينا
https://www.facebook.com/pages/Enjoy-The-Party/1466856210193139
