Aya's Design

Aya's Design انا آية چرافيك ديزاينر
"بتدور على حاجة كريتڤ؟ خلينا نعمل تصميم مع بعض يظهر شغلك بشكل مميز!" 🤎

هاي يشباب ده اخر تصميم انا عملته عايزه اعرف رايكوا
29/04/2025

هاي يشباب ده اخر تصميم انا عملته عايزه اعرف رايكوا

03/12/2024

معلومة علي السريع علشان عارفه خلقك ضيق 😂

2️⃣التسلسل الهرمي (Hierarchy) في التصميم
🔥التسلسل الهرمي هو ترتيب العناصر حسب أهميتها لتوجيه عين المشاهد.
ـــــــــــــــــــــــــــــــــــــــــــــــــــــ
🔥طرق إنشاء التسلسل الهرمي:

1. الحجم: العناصر الأكبر تُلفت الانتباه أولًا (مثل العناوين).

2. اللون: استخدام ألوان ملفتة للأهم، وألوان هادئة للباقي.

3. المساحة: اترك مسافة حول العناصر المهمة لتبرز.

4. الموقع: ضع العناصر الرئيسية في أعلى أو منتصف التصميم.

02/12/2024

معلومة علي السريع علشان عارفه خلقك ضيق 😂

🔥تعال هقولك ازاي تحقق التوازن في تصميمك علشان تبقي ماشي علي الأساسيات مظبوط 😉

1️⃣التوازن (Balance) في التصميم:
🔥التوازن: هو توزيع العناصر بشكل منظم ومريح للعين بهدف تحقيق الانسجام البصري (بمعني أن العين تبقي مستريحه وهي بتشوفه) ميكونش زحمة أو فاضي بشكل مبالغ فيه.
ـــــــــــــــــــــــــــــــــــــــــــــــــــــ
🔥أنواع التوازن:

1. متماثل (Symmetrical):
💡توزيع متساوي على الجانبين (بيدي احساس بالنظام )

2. غير متماثل (Asymmetrical):
💡توزيع غير متساوي لكن متوازن بصريًا وده بيعتمد علي حجم ولون العناصر (يعني اهم حاجة تبقي كبيرة والحجات المهمة لو حجمها اصغر تبقي بلون مميز علشان بردو ميبقاش في دوشة)

3. شعاعي (Radial):
💡العناصر مرتبة حول نقطة مركزية.
💡يستخدم في الشعارات أو التصاميم الدائرية.
ـــــــــــــــــــــــــــــــــــــــــــــــــــــ
🔥كيفية تحقيق التوازن:

1. وزع العناصر التقيلة والخفيفة بصريًا بشكل متناغم.
2. اختر ألوان متناسقة علشان يكون في هدوء بصري.
3. اختبر التصميم: هل هو مريح للعين وموجه بوضوح؟ (مهمة جداا)🚧

🎯ملخص:
التوازن يجعل التصميم احترافيًا وجذابًا، سواء كان متماثلًا، غير متماثل، أو شعاعيًا، ما دام يحقق التناغم البصري المطلوب.

01/12/2024

معلومة علي السريع علشان عارفه خلقك ضيق 😂

تعال اشرحلك ايه هو التباين بس متقولش لحد برده (قوله ادخل page Aya's Design وانت هتعرف)👀🤭

0️⃣التباين (Contrast) في التصميم الجرافيكي👀
🔥التباين هو الفرق الواضح بين العناصر في التصميم، وهدفه جذب الانتباه، إبراز الأهم، وتنظيم المحتوى.

🎯أهمية التباين:

1. يوضح الفكرة: يخلي النصوص والعناصر المهمة واضحة وسهلة القراءة.

2. يجذب الانتباه: العناصر اللي فيها تباين عالي بتلفت النظر بسرعة.

3. يرتب العناصر: يساعد على توجيه عين المشاهد لتعرف الأهم.
ـــــــــــــــــــــــــــــــــــــــــــــــــــــــــــــ
🎯أنواع التباين:

1. الألوان: فرق بين الفاتح والغامق (مثال: خلفية سوداء ونص أبيض).

2. الحجم: عناصر كبيرة بجانب صغيرة (مثال: عنوان كبير ونص صغير).

3. الشكل: اختلاف الأشكال (مثال: دائرة مع مربع).

4. الخطوط: تغيير سماكة أو نوع الخط (مثال: عنوان بخط عريض ونص بخط رفيع).

5. الاتجاه: تغيير الاتجاه (مثال: سهم موجه لأعلى مع نص أفقي).
ـــــــــــــــــــــــــــــــــــــــــــــــــــــــــــــ
🎯نصائح لاستخدام التباين:

1. حدد العنصر الأهم وميّزه بلون أو حجم مختلف.

2. اختَر ألوانًا متباينة بحذر (علشان منعكش)🫣

3. حافظ على توازن التباين علشان التصميم ما يكونش مشتت (يعني متخليش كل حاجة كبيرة متخليش معظم الحجات بلون مميز كده هنشتت الي بيتفرج وهنتعبله عينه بردو) 🫣

🔥باختصار:
التباين يخلي تصميمك واضح، جذاب، واحترافي. لما تستخدمه صح، عين المشاهد هتتنقل بسهولة بين العناصر، وهتوصل فكرتك بوضوح ( خليك مميز ربنا يوفقك) 🤍

30/11/2024

معلومة علي السريع علشان عارفه خلقك ضيق 😂

تعمل ايه لو عايز تبدأ في مجال الجرافيك ديزاين؟🤔
تعال هقولك علي كام حاجة بس متقولش لحد🤫

1️⃣افهم الأساسيات:
ابدأ بتعلم أساسيات التصميم زي:
🔥التوازن، التباين، المحاذاة، والتسلسل الهرمي (الي قولنا عليهم قبل كده)😌

🔥اتعرف على أنواع الجرافيك ديزاين (زي السوشيال ميديا، البراندينج، والطباعة) وحدد ميولك.

2️⃣تعلم الأدوات الأساسية:
ركز على برامج التصميم الأساسية:
🔥Adobe Photoshop (للتصميم العام والتعديل على الصور).

🔥Canva (لو عايز تبدأ بتصميمات بسيطة).
🎯نصيحة: ممكن تبدأ بيه في الأول علشان تكسر حاجز الرهبة الأولي ليك في التصميم والتعرف علي بعض الأدوات البسيطة

3️⃣طبق اللي بتتعلمه:
اختار مشاريع بسيطة زي:
🔥تصميم بوستات سوشيال ميديا - كروت شخصية (Business Cards).

🔥أهم حاجة التطبيق العملي مش بس حفظ الأدوات.

4️⃣استلهم وطور نفسك:
اتفرج على تصميمات محترفين على مواقع زي:
🔥Behance

🔥نصيحة: قلد كل الأفكار الي تشوفها في الاول هي هي بظبط علشان تحفظ الأدوات، بعد كده ابدأ استلهم وعدل عليها بأسلوبك 🫡

5️⃣أنشئ بورتفوليو بسيط:
🔥اجمع أفضل تصميماتك في مكان واحد:
ممكن تستخدم Behance أو LinkedIn لعرض شغلك.

🔥ما تقلقش لو المشاريع بسيطة، الأهم إنها تعبر عن شغلك.

6️⃣دور على فرص عمل أو تطوع:
🔥اشتغل مجانًا أو بمقابل رمزي في البداية علشان تاخد خبر (الجزء ده هيطورك وهيظهر شغلك بشكل مش طبيعي)

🔥ابعت لكل البراندات أو لكل الأشخاص الي ممكن يحتاجوا تصاميم عرفهم بيك واعرض عليهم شغل مجانا في الاول بس.
🔥سجل في مواقع العمل الحر زي:
"Upwork-Fiverr-Mostaql"

7️⃣استمر في التعلم والتطوير:
🔥تابع كورسات مجانية على يوتيوب ، دور لحد م تلاقي حد تفهم منه كويس وتبقي مبسوط ومستريح وانت بتتفرج عليه.
عندك مثلا ("orange square" لأستاذ "أحمد البحقيري" قناة مفيدة جدا جدا -"Nour Design" ) دول أكتر الحجات الي انا شخصياً استفدت منها تقدروا تدوروا بنفسكوا كمان 🎖️

🔥جرب كل مرة حاجة جديدة في التصميم (ألوان، أشكال، أفكار).

🔥نصيحة أخيرة:
ابدأ صغير لكن كن ملتزم. كل يوم خطوة بسيطة هتوصلك بعيد وبالتوفيق للجميع 💕

29/11/2024

معلومة علي السريع علشان عارفه خلقك ضيق 😂

أساسيات التصميم الجرافيكي (الجزء الثاني)😉

5️⃣التكرار (Repetition):

استخدام نفس الألوان أو الأنماط أو الخطوط بشكل متكرر.
يعزز الهوية البصرية ويعمل تناسق في التصميم.

6️⃣القرب (Proximity):

العناصر اللي ليها علاقة ببعض تكون قريبة علشان توضح ترابطها.
بيساعد على تنظيم التصميم وتسهيل الفهم.

7️⃣المساحة البيضاء (White Space):

هي الفراغات بين العناصر، مش شرط تكون بيضاء أي مساحة فاضية بتعتبر مساحة بيضاء.
دي بتدي راحة للعين وبتبرز العناصر المهمة.

🔥نصيحة: ما تخافش من المساحات الفارغة، هي اللي بتخلي التصميم أنيق.

28/11/2024

معلومة علي السريع علشان عارفه خلقك ضيق 😂

تعرف ايه هي أساسيات التصميم
امممم شكلك متعرفش خلينا اقولك عليهم

1️⃣التوازن: علشان التصميم يكون مريح ومستقر بصريًا.

2️⃣التباين: علشان تبرز العناصر المهمة وتجذب الانتباه.

3️⃣المحاذاة: علشان التصميم يظهر منظم واحترافي.

4️⃣التسلسل الهرمي: علشان توجه المشاهد علي اهم حاجة ياخد باله منها 😉

🔥دول بيعتبروا العمود الفقري لأي تصميم، ولو أتقنتهم، هتبقي حد جامد لاكن لسة ليهم باقي بس خليني أقولهم ليك في يوم تاني🤫

معلومة علي السريع علشان عارفه خلقك ضيق 😂 🔥ازاي تحط اربع الوان في التصميم الواحد ؟وتعملها بأحترافيه😉1️⃣ اللون الأساسي (Pr...
27/11/2024

معلومة علي السريع علشان عارفه خلقك ضيق 😂

🔥ازاي تحط اربع الوان في التصميم الواحد ؟
وتعملها بأحترافيه😉

1️⃣ اللون الأساسي (Primary Color):
ده اللون الرئيسي اللي هيظهر أكتر في التصميم ويكون محور الاهتمام.

2️⃣ اللون الثانوي (Secondary Color):
لون يكمل الأساسي ويضيف توازنًا للتصميم.

3️⃣ لون محايد (Neutral Color):
زي الأبيض، الأسود، أو الرمادي لعمل مساحات هادئة.

4️⃣ لون التمييز (Accent Color):
لون قوي ومميز لجذب الانتباه بيكون عادي لون من الألوان الاوليه أو الثانوية لاكن عموما يكون مناسب زي مثلا لو انت مستخدم في التصميم بتاعك الوان بين الرمادي والبيبي بلو أو درجات الازرق ممكن تستخدم اللون البرتقالي لاكن بيكون لعناصر معينة زي الازرار أو الأجزاء المهمة محتاج العميل يركز عليها

نصائح للمحترفين:

✅ اختَر ألوانك بناءً على الهدف:
هل التصميم مبهج؟ جدي؟ احترافي؟ خلي الألوان تعكس الرسالة.

✅ اختبر تباين الألوان:
تأكد إن النصوص واضحة وبارزة على الخلفيات. التباين مهم لراحة العين.

🎯 تذكر: المحترف هو اللي يعرف إمتى الألوان تعمل فرق اعملها بأحترافيه!

معلومة علي السريع علشان عارفه خلقك ضيق 😂 🎨 ازاي تختار الألوان بشكل احترافي؟اختيار الألوان مش بس بيعتمد على الذوق الشخصي،...
26/11/2024

معلومة علي السريع علشان عارفه خلقك ضيق 😂
🎨 ازاي تختار الألوان بشكل احترافي؟

اختيار الألوان مش بس بيعتمد على الذوق الشخصي، لكنه علم وفن هقولك دلوقتي شوية أساسيات هتساعدك:

1️⃣ افهم معنى الألوان:

الأزرق: الثقة والهدوء.
الأحمر: القوة والعاطفة.
الأخضر: الطبيعة والصحة.
الأصفر: السعادة والتفاؤل.
✅ استخدم الألوان اللي تناسب رسالة التصميم.

2️⃣ دائرة الألوان هي صديقك!

جرب تنسيق الألوان:

متقابلة: (Complementary) زي الأزرق والبرتقالي.
متجاورة: (Analogous) زي الأزرق والأخضر.
ثلاثية: (Triadic) زي الأحمر والأصفر والأزرق.

4️⃣ قلل عدد الألوان:

الأفضل استخدام 2-3 ألوان رئيسية مع ظلال خفيفة منها. البساطة دائمًا تكسب!

5️⃣ اختبر تصميمك:

اسأل نفسك: هل الألوان تعكس الشعور المطلوب؟
علي حسب هدف كل لون.

🔥 تذكر: الألوان قوة، اختَرها بعناية لتوصّل الرسالة الصح!

ودي حاجة بسيطة كده اتمني انكوا تكونوا استفادتوا منها ❤️

24/11/2024

معلومة علي السريع علشان عارفة خلقك ضيق😂

👀 ليه تحتاج جرافيك ديزاينر لشغلك؟
🔥 يبني هويتك: لما يكون عندك تصميم واضح وهوية بصرية مميزة، الناس بتشوفك كشخص موثوق وشغلك بيبان إنه احترافي. العملاء بطبعهم بيثقوا أكتر في اللي عنده شكل معروف وواضح بدل ما يروحوا لا حد عشوائي خليك مصدر لثقتهم الاول 😉
🔥 يزود أرباحك: كل عنصر بصري مُتقن بيجذب العملاء ويدفعهم لاتخاذ قرار أسرع.
🔥خطوة للأمام: خلي شغلك مواكب للتطور بتصميم يخلّيك دايماً في الصورة.

Address

١٤ شارع المرغني
Nasr City

Website

Alerts

Be the first to know and let us send you an email when Aya's Design posts news and promotions. Your email address will not be used for any other purpose, and you can unsubscribe at any time.

Shortcuts

Share

Category