14/07/2026
: জনীয়াৰ মহম্মদপুৰৰ পৰা ৰূপাকুছি হৈ মন্দিয়ালৈ সংযোগ স্থাপন কৰা এই পথছোৱা বৰ্তমান সম্পূৰ্ণ জৰাজীৰ্ণ হৈ পৰিছে। দীঘলীয়া সময় ধৰি মেৰামতিৰ অভাৱত পথটোৰ বিভিন্ন অংশত সৃষ্টি হৈছে ডাঙৰ-ডাঙৰ গাঁত। সামান্য বৰষুণ হ'লেই পথটো কদৰ্যময় হৈ পৰে আৰু যাতায়ত প্ৰায় অসম্ভৱ হৈ উঠে। পথৰ দুৰৱস্থাৰ বাবে প্ৰতিদিনে শিক্ষাৰ্থী, চাকৰিয়াল, ব্যৱসায়ী, কৃষক আৰু সাধাৰণ পথচাৰীয়ে চূড়ান্ত সমস্যাৰ সন্মুখীন হ'বলগীয়া হৈছে। বিশেষকৈ অসুস্থ লোকক চিকিৎসালয়লৈ নিয়াৰ ক্ষেত্ৰত জৰুৰীকালীন বাহনো এই পথত চলাচ
ল কৰিব নোৱাৰা অৱস্থাত হাহাকাৰ কৰিবলগীয়া হৈছে । ইমান বছৰৰ পিছতো পথছোৱাৰ উন্নয়নৰ ক্ষেত্ৰত সংশ্লিষ্ট বিভাগ আৰু জনপ্ৰতিনিধিসকলে কোনোধৰণৰ ঠিক কৰাৰ বাবে কোনো পদক্ষেপ গ্ৰহণ কৰা নাই। নিৰ্বাচনৰ সময়ত উন্নয়নৰ প্ৰতিশ্ৰুতি দিয়া হ'লেও বাস্তৱত পথটোৰ অৱস্থা দিনক দিনে অধিক শোচনীয় হৈ পৰিছে। এই পৰিস্থিতিত ক্ষোভ প্ৰকাশ কৰি স্থানীয় ৰাইজৰ লগতে বিভিন্ন দল-সংগঠনে অতি শীঘ্ৰে পথছোৱা মেৰামতি কৰি যাতায়তৰ উপযোগী কৰি তোলাৰ দাবী জনাইছে।
24 Assam
