07/08/2026
ຂ່າວສານ ກັມມາທິການ ການຕ່າງປະເທດ
ໃນວັນທີ 06 ສິງຫາ(08) 2026
ຄະນະກັມມາທິການ ການຕ່າງປະເທດ ພ້ອມດ້ວຍຄະນະ ນຳໂດຍ ພຣະອາຈານໃຫຍ່ ປອ ດຳຣົງ ພິມມະຈັກ ຮອງປະທານ, ຫົວໜ້າກັມມາທິການ ການຕ່າງປະເທດ ສູນກາງອົງການພຸດທະສາສະໜາສັມພັນ ແຫ່ງ ສປປ ລາວ ພ້ອມດ້ວຍອົງຮອງຫົວໜ້າກັມມາທິການ ການຕ່າງປະເທດ ປະກອບມີ:
1. ພຣະອາຈານໃຫຍ່ ປອ. ດາວສະເດັດ ເລີດມະນີ ຄະນະບໍລິຫານງານປະຈຳການ, ຮອງຫົວໜ້າກັມມາທິການ ການຕ່າງປະເທດ
2. ພຣະອາຈານໃຫຍ່ ປທ. ລຳເງິນ ສຸວັນນະສານ ຄະນະບໍລິຫານງານປະຈຳການ, ຮອງໜ້າກັມມາທິການ ການຕ່າງປະເທດ
3. ພຣະອາຈານໃຫຍ່ ປທ. ພູຄຳ ແກ້ວປະທຸມ ຄະນະບໍລິຫານງານປະຈຳການ ຮອງຫົວໜ້າກັມມາທິການ ການຕ່າງປະເທດ
ພ້ອມດ້ວຍຄະນະກັມມາທິການ ໄດ້ເຮັດພິທີສາມີຈຳກັມ ພຣະມະຫາເຖຣະ ໃນນະຄອນຫຼວງວຽງຈັນ ທີ່ ຫໍທັມມະສະພາ ສູນກາງອົງການພຸດທະສາສະໜາສັມພັນ ແຫ່ງ ສປປ ລາວ
ປະເພນີສັກກາຣະສາມີຈິກັມ ກະທຳຄອງວັດ ຂອງພຸດທະບໍຣິສັດທັງຫຼາຍ ຖືເປັນອະຣິຍະປະເພນີອັນປະເສີດດີງາມ ທີ່ ສືບເນື່ອງມາແຕ່ໃນສະໄໝພຣະພຸດທະການ ພຣະສົງອົງຄະເຈົ້າ ພໍ່ແມ່ຄູບາອາຈານ ໄດ້ກະທຳສືບໆ ກັນມາ ບໍ່ໄດ້ຂາດ ເປັນການບຳເພັນສາຣານິຍຍະທັມ ກັລະຍານະທັມ ເຖຣັສສະທັມ ທັງຫຼາຍ ອັນເປັນປະຕິປະທາ ຂອງພຣະອະຣິຍະເຈົ້າທັງປວງ ເປັນເຫດປັດໄຈກໍ່ອຸປະນິດໄສແຫ່ງ ມັຄ ຜົລ ພຣະນິພພານ.
ສາທຸ ສາທຸ ສາທຸ ຂໍອະນຸໂມທະນາບຸນນຳທຸກທ່ານ.
🙏🙏🙏
