07/02/2026
CNF Palai cu RCSS nih tuahmi Shan Ramkulh Ni puai ah aa tel
February 7, 2026
Shan hriamtlai phu tthawng bik a simi RCSS/SSA nih nihin ah Shan Ramkulh Ni k*m 79 tlinnak cu an headquarters Loi Taing Liang ah hlunghlai taktak in an tuah.
Nihin Shan Ramkulh Ni tuahnak ah CNF palai zong an i tel pin ah RCSS/SSA leader Yaw Sit cu Chin puan laksawng ah an pek lio hmuh a si.
Nihin puai ah Mongla Ralkap (NDAA), United Wa State Army (UWSA), Shan National Defense Force (SSNDF hi tthalpau dohthlennak ah aa telmi a si). Atulio SAC ralhrang he aa do cuahmahmi Chin National Front (CNF) zong an i tel ve. DKBA le adangdang hriamtlai phu zong nih an telpi hna.
Nihin Shan Ramkulh Ni lawmhnak ah RCSS lutlai General Yaw Sit nih a chimmi cu, "chanthar Myanmar le tlangcung hruaitu hna nih a luan ciami palhnak in fim i laak ding, hmailei caah i timhtuah ding, midang palhnak nakin mah palhnak i hmuh ding in a sawm hna. Pakhat le pakhat zumhnak ser i, k*m 1947 ah min an rak thutmi Panglong hnatlaknak le Panglong biakamnak hna kha tlamtling tein tuah ding. Pakhat le pakhat i serhsat/hrem le i ukpen si loin pakhat le pakhat hlawknak caah hmaitonh i tonnak in aphi kawl tti. Cun ram himnak le kilvennak caah federal ralkap dirh ding" tibantuk pawl a chimmi ah aa tel.
