25/05/2020
بردة بلاو على طريقتي 🤍
لتحضير البرياني :
تمن مغسول حسب الكمية الي تردوها واكيد تنكعوه بالمي اقل شي نص ساعة
بهاي الاثناء بقدر احمس ٢ بصل مقطع شرائح بزيت واضيفلة ورق غار وحبتين نومي بصرة و٢ طماطة مقشرة ومثرومة ناعم وبهارات برياني او كبسة وبابريكا وملح ونص خاشوكة اكل معجون واتركهم يحمسون لحد ما تصير صلصة ثخينة بعدين اضيف التمن واحمسه وياهم وشوي زعفران او صبغة واضيفلة مي مغلي واهدرة ع نار ناصية
لتحضير الحشو :
٣ قطع صدر دجاج مقطعة مكعبات احمسهم بزيت وية بصل بعدين اضيفلة صلصة ع صفحة احضرها مكوناتها خاشوكتين لبن وبهارات دجاج او كص دجاج وبابريكا وفصين ثوم مهروس وملح وقشر ليمون مبروش وعصير ليمون واضيفهم فوك الدجاج واتركهم ع نار متوسطة لحد ما يستوي الدجاج بالكامل وينحمس وقبل لا اطفيه اخليله علبة قشطة متوسطة واخلطه واطفيه واضيف الدجاج فوك التمن واخلطهم سوة . لتحضير العجينة :
كوب ونص طحين او شوي اكثر
خاشوكة كوب خمرة
رشة ملح
خاشوكتين اكل زيت زيتون او عادي
ثلث ارباع كوب حليب سائل ودافي اعجنها واضيفلها شوي طحين اذا احتاجت بعد وامسح وجها بزيت واتركها تختمر
بعد ما اطفي التمن والعجينة مختمرة افرد العجينة بالشيبك واجيب تبسي او قالب مدهون بالزيت واخلي بيه العجينة بعدين التمن واغلقها زين وادخلها الفرن من فوك وجوة لحد ما تحمر من الجهتين واصبها وازينها بالمكسرات والكشمش .
