17/05/2024
រូបភាពផ្កាយរណប អំពីបឹងទឹកសាបដ៏ធំបំផុតនៅអាស៊ីអាគ្នេយ៍ នោះគឺ បឹងទន្លេសាប ។ នៅរដូវប្រាំងបឹងទន្លេសាបមានបណ្តាយប្រហែល ១៥០គីឡូម៉ែត្រ និងទទឹងអតិបរមាមានប្រហែល ៣២គីឡូម៉ែត្រ និងផ្ទៃទំហំ ៣០០០គីឡូម៉ែត្រការ៉េ។ បឹងទន្លេសាបជាមជ្ឃមណ្ឌលនេសាទមួយយ៉ាងធំគឺជាមជ្ឈមណ្ឌលត្រីធំជាងគេនៅលើពិភពលោក ពីព្រោះទីនោះមានព្រៃលិចទឹក ដែលជម្រកដ៏សម្បូរអាហារនៃសត្វត្រីទាំងឡាយ។ បឹងទន្លេសាបអាចស្រូបយកទឹកជំនន់ទន្លេមេគង្គមួយផ្នែកធំនៅរដូវវស្សា និងបញ្ចេញ មកវិញ នៅរដូវប្រាំង ធ្វើឱ្យចរន្តទឹកទន្លេមេគង្គ ក្លាយជាបាតុភូតជលសាស្រ្តធម្មជាតិដែលកម្រ មានក្នុងពិភពលោក គឺទឹកហូរត្រឡ ប់។ បឹងទន្លេសាប មានត្រីចំនួន ១៧៥ ប្រភេទ ល្មូន ៤២ប្រភេទ បក្សី ២២៥ប្រភេទ ថនិកសត្វ ៤៦ប្រភេទ ។
📸 ទិន្នន័យ Copernicus EU Sentinel ឆ្នាំ 2021
