https://www.facebook.com/106754258827982/

វត្តពោធិលង្កា ក្រុងសៀមរាប, វត្តពោធិលង្កា ភូមិស្លក្រាម សង្កាត់ស្លក្រាម ក្រុងសៀមរាប ខេត្តសៀមរាប សូមស្វាគមន៍, Siem Reap (2026)

03/09/2026

ធម្មទេសនា ព្រះតេជគុណ ពិន ចន្រ្ទា សម្ដែងព្រះធម៌វត្តកេសរារាម ក្រុងសៀមរាប

31/08/2026

វត្តពោធិលង្កា បានទទួលធុងសំរាមចំនួន៣ ពីរដ្ឋបាលក្រុងសៀមរាប ប្រគេន នៅធុងសំរាម សម្រាប់ប្រើប្រាស់ទុកដាក់សំរាមនៅក្នុងវត្ត

ថ្ងៃចន្ទ ៣រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែសីហា ឆ្នាំ២០២៦

30/08/2026

#អបអរសាទរ
ពិធីប្រគល់បណ្ណសរសើរ និងរង្វាន់លើកទឹកចិត្តដល់សិស្សឆ្នើម ប្រចាំឆ្នាំសិក្សា ២០២៥-២០២៦
#សាលាបឋមសិក្សាពោធិលង្កា

29/08/2026

អបអរសាទរ
ពិធីប្រគល់បណ្ណសរសើរ និងរង្វាន់លើកទឹកចិត្តដល់សិស្សឆ្នើម ប្រចាំឆ្នាំសិក្សា ២០២៥-២០២៦
សាលាបឋមសិក្សាពោធិលង្កា

28/08/2026

វិរតិ មាន ៣ យ៉ាង
១. សម្បត្តវិរតិ, ២. សមាទានវិរតិ, ៣. សមុច្ឆេទវិរតិ

សម្បត្តវិរតិ គឺជាការតាំងចិត្តវៀរចាកអំពើបាប ទុច្ចរិត ឬការប្រព្រឹត្តខុសនានា នៅពេលដែលអ្នកជួបប្រទះហេតុការណ៍ ឬវត្ថុអាក្រក់នោះផ្ទាល់មុខ។ ជាទូទៅ វាគឺជាសីលដែលកើតមានឡើងភ្លាមៗដោយធម្មជាតិ តាមរយៈការពិចារណាឃើញទោសទាក់ទងនឹងសកម្មភាពនោះ ដោយពុំចាំបាច់មានការសមាទាន (ការតាំងចិត្តទុកជាមុន) ឡើយ

សមាទានវិរតិ ប្រែថា ការវៀរដោយអំណាចសមាទាន គឺបានប្ដេជ្ញាថាវៀរមកពីដំបូង ។ ការវៀរបែបនេះ បានខាងការវៀររបស់សាធុជនដែលសមាទានសីល ដូចឧបាសក, ឧបាសិកា និងភិក្ខុសាមណេរ

សមុច្ឆេទវិរតិ ប្រែថា ការវៀរដោយអំណាចកាត់ផ្ដាច់ឫសគល់អកុសលដោយល្អ។ ការវៀរបែបនេះ បានខាងការវៀររបស់ព្រះអរិយបុគ្គល ដែលមិនប្រព្រឹត្តកន្លងក្នុងសេចក្ដីបញ្ញត្តិនោះ។ ចាចាប់ផ្ដើមតាំងពីលោកបានជាព្រះអរិយហើយ

23/08/2026

ផលនៃចិត្តដែលជ្រះថ្លា…

21/08/2026

#សីល
ធម៌ ៤យ៉ាង គឺ ចេតនា ១ ចេតសិក ១ សំវរៈ ១ អវីតិក្កមៈ ១ របស់បុគ្គលវៀរចាកអំពើ មានបាណាតិបាត (ការសម្លាប់សត្វ) ជាដើម ឬថា របស់បុគ្គលកាលបំពេញនូវវត្តប្រតិបត្តិ ហៅថា សីល

17/08/2026

វីដេអូ
https://youtu.be/9sac-JUHzY8?si=_ihhZ7WcOUens0Nr

17/08/2026

អារាមរោបា វនរោបា យេ ជនា សេតុការកា
បបញ្ច ឧទបានញ្ច យេ ទទន្តិ ឧបស្សយំ។
តេសំ ទិវា ច រត្តោ ច សទា បុញ្ញំ បវឌ្ឍតិ
ធម្មដ្ឋា សីលសម្បន្នា តេ ជនា សគ្គគាមិនោ។
ជនណាដាំសួនផ្កា ច្បារដើមឈើ ធ្វើស្ពាន សាងរោងរានឱ្យទានទឹក ជីកស្រះអណ្តូងសម្រាប់ងូតផឹក ទាំងថ្ងៃយប់ព្រឹកដល់ជននានា។
ជនណាឱ្យទីសំណាក់អាស្រ័យ ដល់អ្នកដទៃដោយចិត្តសទ្ធា បុណ្យតែងចម្រើនកើនវឌ្ឍនា គ្រប់ទិនទិវាដល់ជននោះៗ។
ជននោះឈ្មោះថា តាំងនៅក្នុងធម៌ និងបរិបូណ៌ដោយសីលខ្ពង់ខ្ពស់ រមែងទៅកាន់សួគ៌ាសោឡស ថ្កុំថ្កើងស្រួចស្រស់សុខសាន្តរីករាយ

17/08/2026

អានាបានស្សតិកម្មដ្ឋាន (ខ្យល់មាន ៤ ត្រកូល)
១.ភិក្ខុ កាលដកដង្ហើមចេញវែង ក៏ដឹងច្បាស់ថា អាត្មាអញដកដង្ហើមចេញវែង កាលដកដង្ហើមចូលវែង ក៏ដឹងច្បាស់ថា អាត្មាអញដកដង្ហើមចូលវែង។

២.ភិក្ខុ កាលដកដង្ហើមចេញខ្លី ក៏ដឹងច្បាស់ថា អាត្មាអញដកដង្ហើមចេញខ្លី កាលដកដង្ហើមចូលខ្លី ក៏ដឹងច្បាស់ថា អាត្មាអញដកដង្ហើមចូលខ្លី។

៣.ភិក្ខុសិក្ខាថា អាត្មាអញនឹងកំណត់ដឹងច្បាស់នូវកាយ គឺខ្យល់ចេញទាំងពួង ហើយដកដង្ហើមចេញ។ ភិក្ខុសិក្សាថា អាត្មាអញ នឹងកំណត់ដឹងច្បាស់នូវកាយ គឺខ្យល់ចូលទាំងពួង ហើយដកដង្ហើមចូល។

៤.ភិក្ខុសិក្សាថា អាត្មាអញនឹងរំងាប់នូវកាយសង្ខារ [អស្សាសបស្សាសៈ] ដកដង្ហើមចេញ។ សិក្សាថា អាត្មាអញនឹងរំងាប់នូវកាយសង្ខារ ដកដង្ហើមចូល។

អធិប្បាយ
ព្រះយោគាវចរ កាលបើតម្កល់ចិត្តក្នុងទ្រូងនឹងល្អហើយ បន្ទាប់មកត្រូវដកដង្ហើមចេញវែង ដកដង្ហើមចូលវែងរឿយៗ ទន្ទឹមនឹងការដកដង្ហើមចេញវែងចូលវែងនោះ ត្រូវមានស្មារតីរលឹក និងញាណ ដឹងនូវខ្យល់ដកដង្ហើមចេញវែង ចូលវែង ដែលកំពុងប្រព្រឹត្តឡើងចុះនោះផង។ កាលចំរើនដោយការរលឹក និងដឹងនូវខ្យល់ដកដង្ហើមចេញវែង ចូលវែង គឺយោគាវចរចេះតែចំរើនទៅ សេពទៅ ធ្វើទៅ ធ្វើឲ្យច្រើនរឿយៗទៅ ក្នុងពេលចំរើន បើសិនសតិ និងញាណរលត់ គេចចេញពីខ្យល់ចេញចូល គប្បីទាញទប់ចិត្តឲ្យមានសតិ និងញាណកំត់ដឹងនូវខ្យល់ចេញចូលវិញ។ មុនដំបូងការហាត់សតិ និងញាណកំណត់ដឹងនូវខ្យល់ចេញចូល យោគាវចរអ្នកសិក្សាថ្មីៗ នៅមានរលត់សតិ និងញាណ ក្នុងកាលខ្លះ មិនរលត់ក្នុងកាលខ្លះជាធម្មតា តែដល់យោគាវចរព្យាយាមហាត់រលឹក ហាត់ដឹងនូវខ្យល់ចេញចូលរឿយៗទៅ សតិ និងញាណក៏ដល់នូវការចាស់ក្លាបន្តិចម្តងៗ រហូតដល់សតិ និងញាណលែងរលត់សោះ អាចកំណត់ដឹងនូវខ្យល់ដកដង្ហើមចេញវែង ចូលវែង បានគ្រប់វារៈប្រព្រឹត្តឡើងចុះជាប្រក្រតីបាន។ កាលបើខ្យល់ដកដង្ហើមចេញវែង ចូលវែង ប្រព្រឹត្តទៅបានស្រួលជាប្រក្រតី ជាអារម្មណ៍របស់សតិ និងញាណ បន្ទាប់មក ខ្យល់នោះក៏ធ្លាក់ចុះមក មានសភាពខ្លីប្រព្រឹត្តឡើងចុះ កាលបើខ្យល់ដកដង្ហើមចេញខ្លី ចូលខ្លីកើតឡើងហើយ យោគាវចរត្រូវមានស្មារតី និងញាណកំណត់ដឹងនូវខ្យល់ដកដង្ហើមចេញខ្លី ចូលខ្លី ឈប់គិតអំពីខ្យល់ដកដង្ហើមចេញវែង ចូលវែង។

កាលបើយោគាវចរមានសតិ និងញាណ កំពុងតែកំណត់ដឹងខ្យល់ដកដង្ហើមចេញខ្លី ចូលខ្លី ក្នុងពេលនោះ សភាពនៃខ្យល់ក៏កើតឡើងយ៉ាងសម្បើម ប្រព្រឹត្តទៅក្នុងករជកាយ ពួកខ្យល់ខ្លះប្រព្រឹត្តឡើងទៅលើ ខ្លះប្រព្រឹត្តចុះក្រោម ខ្លះប្រព្រឹត្តកាត់ទទឹងកាយ ខ្លះមានសភាពជាដុំស៊កសៀតណែនក្នុងកាយ ខ្លះរាយបែកផ្សាយទៅពេញកាយ បណ្តាលឲ្យរសេបរសីប តឹងមុខមាត់ ណែនខ្លួន ដៃ ជើង ពោះ ទ្រូង ក ក្បាលជាដើម ពួកខ្យល់ទាំងនេះ មានសភាពគ្រោតគ្រាត ជាពួកខ្យល់ប្រព្រឹត្តទៅក្នុងកាយមិនទៀងទាត់សោះឡើយ កាលបើខ្យល់មានសភាពគ្រោតគ្រាតកើតឡើងហើយ តែងតាក់តែងទុក្ខវេទនាឲ្យកើតឡើង កាលបើទុក្ខវេទនានេះកើតឡើងហើយ ក្នុងខណៈនោះ យោគាវចរអង្គខ្លះ ត្អូញត្អែរអំពីរឿងលំបាកតាមផ្លូវកាយខ្លះ ភ័យតក់ស្លុតខ្លាចស្លាប់ រហូតដល់ឈប់ចំរើននូវធម៌ក៏មាន។ ក្នុងបញ្ហាដែលយោគាវចរដល់នូវភាពជាអ្នកសោយនូវទុក្ខវេទនាយ៉ាងខ្លាំង ឬល្មម ឬតិច ជាអ្នកតក់ស្លុង រន្ធត់ ខ្លាចរអាចិត្ត រហូតដល់លះបង់កម្មដ្ឋាន ឈប់ចំរើនព្រោះតែសេចក្តីអាល័យក្នុងជីវិត នោះក៏មកតែអំពីធ្វើទុកក្នុងចិត្តមិនត្រូវទំនង តាមឧបាយនៃបញ្ញាមែនពិត។

ក្នុងគម្ពីរវិសុទ្ធិមគ្គភាគ ២ មានសេចក្តីថា កាលបើយោគាវចរមានសតិ និងញាណកំណត់នូវខ្យល់ដកដង្ហើមចេញ និងចូលទៅ កាលបើមានសភាពខ្យល់គ្រោតគ្រាតកើតឡើងក្នុងករជកាយយ៉ាងច្រើន យោគាវចរមិនត្រូវមានចិត្តទៅជាប់ជំពាក់ក្នុងខ្យល់ទាំងអស់នោះឡើយ ត្រូវតែមានសតិ និងញាណកំណត់ដឹងខាងដើម កណ្តាល និងខាងចុងនៃកាយ គឺខ្យល់អស្សាសបស្សាសៈឲ្យពិតប្រាកដ ហើយដកដង្ហើមចេញចូលតែម្យ៉ាងបានហើយ កាលបើយោគាវចរប្រតិបត្តិយ៉ាងនេះមិនយូរប៉ុន្មាន ពួកខ្យល់ដ៏គ្រោតគ្រាតដែលកើតឡើងហើយ ក្នុងករជកាយទាំងនោះ ក៏បាត់ទៅ ក៏ស្ងប់ទៅដោយពិត។

ខាងដើម កណ្តាល ខាងចុងនៃខ្យល់អស្សាសៈ គឺខ្យល់ដកដង្ហើមចេញត្រង់ផ្ចិតជាខាងដើម បេះដូងជាកណ្តាល ចុងច្រមុះជាខាងចុង។

ខាងដើម កណ្តាល ខាងចុងនៃខ្យល់បស្សាសៈខ្យល់ដកដង្ហើមចូល ត្រង់ចុងច្រមុះជាខាងដើមនៃខ្យល់ បេះដូងជាកណ្តាលនៃខ្យល់ ផ្ចិតជាខាងចុងនៃខ្យល់។

កាលបើខ្យល់គ្រោតគ្រាតកើតឡើងពាសពេញក្នុងករជកាយ ត្រូវយោគាវចរតម្កល់ស្មារតី និងញាណត្រង់ចំណុច ៣ មានខាងដើមនៃខ្យល់ជាដើម ឲ្យស្មើល្អ ហើយដកដង្ហើមចេញចូល មិនយូរប៉ុន្មាន កងខ្យល់គ្រោតគ្រាតក៏ស្ងប់រលត់បាត់ទៅ។

កាលបើខ្យល់គ្រោតគ្រាតក្នុងករជកាយទាំងអស់ស្ងប់រម្ងាប់រលត់បាត់ទៅហើយ កាលបើពិនិត្យមើលខ្យល់ក្នុងករជកាយទាំងអស់ នឹងឃើញថា ខ្យល់អស្សាសៈបស្សាសៈ មានសភាពល្អិតៗ ស្តើងៗ ប្រព្រឹត្តឡើងចុះ ទន្ទឹមនឹងខ្យល់អស្សាសៈបស្សាសៈល្អិត ប្រព្រឹត្តឡើងចុះនោះ ភាពត្រជាក់ស្រួលក៏ផ្សាយចេញទៅក្នុងករជកាយបន្តិចម្តងៗ រហូតដល់ពេញករជកាយទាំងមូល មានសភាពត្រជាក់ទាំងអស់ កាលបើភាពត្រជាក់ផ្សាយទៅពេញស៊ប់ក្នុងករជកាយយ៉ាងនេះ សុខវេទនាក៏កើតឡើង ក្នុងខណៈដែលសុខវេទនាកើតឡើង យោគាវចរខ្លះក៏ដល់នូវសេចក្តីរីករាយ ស្រស់ស្រាយសប្បាយចិត្ត រហូតដល់សរសើរប្រាប់ដល់សព្រហ្មចារី ដែលនៅប្រតិបត្តិធម៌ជាមួយគ្នា ហើយក៏ជាប់ចិត្តក្នុងសុខវេទនានោះ ក្នុងបញ្ហាកាលដែលសុខវេទនាកើតឡើងហើយ យោគាវចរបែរជាសរសើរ ហើយជាប់ចិត្តក្នុងសុខវេទនានោះ មកតែអំពីការធ្វើទុកក្នុងចិត្តមិនត្រូវតាមឧបាយនៃបញ្ញាមែនពិត។

ក្នុងសេចក្តីប្រតិបត្តិនេះ កាលបើសុខវេទនាកើតឡើងហើយ ព្រោះការត្រជាក់ស្រួលកើតឡើងក្នុងករជកាយ យោគាវចរ មិនត្រូវជាប់ចិត្តរីករាយក្នុងសុខវេទនានោះទេ គប្បីខំប្រឹងកំណត់នូវក្រុមខ្យល់អស្សាសៈបស្សាសៈដ៏ល្អិតនោះរឿយៗបន្តទៅទៀត ខ្យល់អស្សាសៈបស្សាសៈដ៏ល្អិតដែលជាអារម្មណ៍របស់សតិ និងញាណនោះ ដែលយោគាវចរមានសតិ និងញាណកំណត់ដឹង ចំរើន សេព ធ្វើ ធ្វើឲ្យច្រើនហើយ កាន់តែល្អិតទៅៗ ម៉ត់ទៅៗ រហូតដល់ល្អិតក្រៃពេក មិនដល់នូវការប្រព្រឹត្តឡើងចុះបានមែនពិត។ កាលបើព្រះយោគី បានចំរើននូវខ្យល់អស្សាសៈបស្សាសៈ តាមលំដាប់នៃត្រកូលខ្យល់ទាំង ៤ បានល្អហើយ ត្រូវចំរើននូវកម្មដ្ឋាននោះឲ្យបានស្ទាត់ជំនាញគ្រប់ឥរិយាបថទាំង ៤ គឺ ដេក ដើរ ឈរ អង្គុយថែមទៀត ដើម្បីធ្វើឲ្យស្ទាត់ជំនាញល្អ។

ក្នុងខណៈ ដែល ព្រះយោគី តាមដាន ខ្យល់អស្សាសៈ បស្សាសៈ ល្អិត នោះរឿយៗ ទៅ ខ្យល់ល្អិត នោះក៏ដល់នូវ ការរលត់ទៅ សូន្យទៅ អស់ទៅម្តងៗ ហើយ កើតឡើងវិញ ញឹកញយៗ ចិត្ត ក្នុងខណៈនេះ ក៏ដល់នូវភាពនឹងល្អ ហៅថាសមាធិចិត្តដោយពិត មានអារម្មណ៍តែមួយ។ រីឯសភាពនៃចិត្តក្នុងខណៈដែលមានខ្យល់ល្អិតៗជាអារម្មណ៍ ឬមានខ្យល់អស់សូន្យតាមខណៈៗ ជាអារម្មណ៍ ពេលខ្លះប្រកបដោយសោមនស្សវេទនា ព្រោះមានសេចក្តីសុខកើតឡើង ពេលខ្លះប្រកបដោយឧបេក្ខាវេទនា ជាចិត្តមានសភាពស្មើៗ កណ្តាលៗ ប្រព្រឹត្តទៅព្រងើយកន្តើយ ព្រោះរលត់នូវសុខវេទនា ទុក្ខវេទនា សោមនស្សវេទនា ទោមនស្សវេទនា តែចិត្តប្រកបដោយឧបេក្ខាវេទនា ដែលកើតឡើងនោះ មុនដំបូងជាចិត្តទន់ស្រាល ជាបរិត្តចិត្តកើតឡើង ១ខណៈៗ ផ្សាយទៅហើយរលត់ទៅវិញ។

យោគាវចរដែលបានចម្រើនអានាបានស្សតិសមាធិ បានសម្រេចនូវចិត្តមានសភាពជាឧបេក្ខា ត្រូវហាត់បង្វឹកធ្វើចិត្តជាឧបេក្ខាឲ្យបានចាស់ក្លារឹងមាំដោយវសីទាំង ៥។

(បឋមវិបស្សនា ព្រះកេតុធម្មោ សំ ប៊ុនធឿន❤️)

វត្តពោធិលង្កា ក្រុងសៀមរាប

03/09/2026

31/08/2026

30/08/2026

29/08/2026

28/08/2026

23/08/2026

21/08/2026

17/08/2026

17/08/2026

17/08/2026

Address

Telephone

Website

Alerts

Contact The Business

Shortcuts

Share

Category

Listing takedown request