26/02/2026
សម្តេចបិតាសន្តិភាព
សម្តេច ហ៊ុន សែន ដែលមហាជនដាក់រហស្សនាមឱ្យថា ជាបិតាសន្តិភាពរបស់កម្ពុជា បានលះបង់ទាំងកម្លាំងកាយចិត្ត និងស្មារតី ដោយមិនគិតពីការ នឿយ ហត់ រយៈពេល១៤ឆ្នាំ (១៩៨៥ ដល់ ១៩៩៨) ដើម្បីចរចានាំយកសន្តិភាពមកឱ្យប្រជាជន និងប្រទេសកម្ពុជា ដើម្បីបញ្ចប់សង្រ្គាម ឬរម្លត់ភ្លើងសង្រ្គាម ដែលឆាបឆេះដុតកម្លោចកម្ពុជាអស់រយៈពេលជិត៣០ ឆ្នាំ (១៨មីនា១៩៧០ ដល់ ២៩ ធ្នូ១៩៩៨)។
យុទ្ធសាស្រ្ត ដើម្បីបញ្ចប់សង្រ្គាមរបស់សម្តេច គឺកាត់បន្ថយសត្រូវ បង្កើនមិត្តភាព ឬបន្ថយសត្រូវបន្ថែមមិត្ត និងបំបែកកម្លាំងសត្រូវពីសត្រូវ ដើម្បីធ្វើឱ្យកម្លាំងសត្រូវចុះខ្សោយ។
ក្នុងនោះមានយុទ្ធសាស្រ្តឌីហ្វីដ(DIFID) ៥ចំណុច និងនយោបាយ ឈ្នះ ឈ្នះ ៣ចំណុច ត្រូវបានសម្តេចដាក់ឱ្យអនុ វត្តន៍បន្ថែមទៀត។
ក្រៅពីនេះ ចាប់ពីឆ្នាំ១៩៨៥ ដល់ឆ្នាំ១៩៩១ សម្តេចបានស្វែងរកការ ចរចាសន្តិភាព ជាមួយសម្តេចបិតាឯករាជ្យជាតិ សម្តេចព្រះ នរោត្តម សីហនុ គឺរយៈ៦ឆ្នាំ។
យុទ្ធសាស្រ្តទាំងនេះ ត្រូវបានដាក់ឱ្យអនុវត្តន៍ តាំងពីក្រោយការវាយឱ្យដួលរលំរបបខ្មែរក្រហមភ្លាមៗ ដោយរណ សិរ្សសាមគ្គីសង្រ្គោះជាតិកម្ពុជា នៅខែមករា ឆ្នាំ១៩៧៩។
ចាប់ពីពេលនោះមក(១៩៧៩) សម្តេច និងថ្នាក់ដឹកនាំ នៃគណបក្សប្រជាជនកម្ពុជា ចាប់ផ្តើមកសាងប្រទេសពីបាត ដៃទទេ។ ភ្នំពេញគ្មានអ្វីទាំងអស់ គឺមាន តែមនុស្ស៧០នាក់ប៉ុណ្ណោះ ដែលត្រូវបានរកឃើញថា បានរស់នៅក្នុងភ្នំពេញ។ ភ្នំពេញ គឺជាខ្មោចទីក្រុងផង ជាទីក្រុងខ្មោចផង។ នៅតាមដងផ្លូវនានាស្ងាត់ជ្រងំ មានតែស្មៅ និងព្រៃដុះជុំជិត។
ហេដ្ឋារចនាសម្ព័ន្ធ នៃក្បាលម៉ាស៊ីនដឹកនាំជាតិ និងហេដ្ឋារចនាសម្ព័ន្ធផ្សេងទៀត ត្រូវបានបំផ្លាញទាំងស្រុង សូម្បីប្រព័ន្ធទឹកស្អាត និងអគ្គិសនី ផ្លូវថ្នល់ ស្ពាន និងគ្រប់វិស័យផ្សេង ទៀត។
បច្ចុប្បន្នទោះបីកាអភិវឌ្ឍហាក់យឺតយ៉ាវ មិនទាន់សមតាមបំណងចង់បានរបស់មហាជន ប៉ុន្តែ កម្ពុជាមានអ្វីៗគ្រប់យ៉ាង ដូចបណ្តាប្រទេសកំពុងអភិវឌ្ឍដទៃ ទៀតដែរ។
សម្តេច ហ៊ុន សែន ជាអតីតវីរកងទ័ព នៃចលនាជាតិ សីហនុ និយម និងជាឧបនាយករដ្ឋមន្រ្តី រដ្ឋមន្រ្តីក្រសួងការបរទេស ពីឆ្នាំ១៩៧៩ដល់ឆ្នាំ១៩៨៥ ក្នុងវ័យ២៧ឆ្នាំ ហើយចាប់ពីពាក់កណ្តាលឆ្នាំ១៩៨៥ ក្នុងវ័យ៣៤ឆ្នាំដល់ឆ្នាំ២០២៣ សម្តេចតេជោ បានកាន់តំណែងជានាយករដ្ឋមន្រ្តី៕
