FLFN Media

14/05/2026

Vacancies – Department of Nutrition and Dietetics - Posts of Demonstrators

11/05/2026

Vacancies: Post of Demonstrator- Department of Nutrition and Dietetics

05/05/2026

වයඹින් වයඹට තේමාව යටතේ ගැයුණු 27 වන ගීතය මේ සමග අමුණා ඇත. මෙම ඉංග්‍රීසි භාෂාවෙන් ගීතය රචනා කරන ලද්දේ කෘෂිකර්ම හා වැවිලි කළමනාකරණ පීඨයේ සේවය කරන ආචාර්ය ගීති පමුණුව මහත්මිය විසිනි. සංගීතවත් කර නිෂ්පාදනය කරන ලද්දේ මහාචාර්ය ගමික ප්‍රතාපසිංහ මහතා විසිනි. ගයනා කරනුයේ කෘතීම බුද්ධි රොබෝ යුවලක් විසිනි.

Do you still remember…

ස්තුතියි,

Prof. Gamika A. Prathapasinghe
Dean/ Faculty of Livestock, Fisheries and Nutrition
Wayamba University of Sri Lanka.

59 likes, 15 comments. "Do you still remember…"

05/05/2026

වයඹින් වයඹට තේමාව යටතේ ගැයුණු 26 වන ගීතය මේ සමග අමුණා ඇත. මෙම ගීතය රචනා කර ඇත්තේ පශු සම්පත් හා පෝෂණ පීඨයේ අවසන් වසර ශිෂ්‍යාවක් වන භාග්‍යා ප්‍රමෝධි සුමතිපාල මෙනවිය විසිනි. සංගීතවත් කර නිෂ්පාදනය කරන ලද්දේ මහාචාර්ය ගමික ප්‍රතාපසිංහ මහතා විසිනි. මෙම රසවත් පද මාලාවෙන් අර්ථ ගැන්වෙන්නේ අවසන් වසර ශිෂ්‍ය ශිෂ්‍යාවන් තම සරසවි මෑණියන් හැරදා යාමට සැරසෙන විට ඇති වන ප්‍රියයන්ගෙන් වෙන්වීමේ විස්සෝපයයි.

මෙසේ සමු ගන්නා අප පීඨ ශිෂ්‍ය මහත්ම මහත්මීන් සෑම වසරකම පෙබරවාරි 4 වන දින තම අඹු සැමියන් සහ දරු දැරියන් සමග අප විශ්ව විද්‍යාලයේ මාකඳුර පරිශ්‍රයට වන්දනා ගමනක් මෙන් පැමිණ දවස පුරා සතුටු සාමිචියේ යෙදීමේ සිරිතක් පවතී.

අද දිනද එවැනි උත්සවශ්‍රීයකින් අප පීඨ පරිශ්‍රය අලංකාර වී ඇත.
පීඨාධිපති කාර්යාලයේ සිට මා මෙම සටහන තබන මේ මොහොතේ ද එවැනි ආදී විද්‍යාර්ථයින් සිය පවුල් සමග එහෙ මෙහේ ඇවිදිනු පෙනේ. එවැනි පසුබිමක අද දින මෙම ගීතය ඔබ වෙත ඉදිරිපත් කිරීමට හැකිවීම මා ලද භාග්‍යක් සේ සලකමි.

මතක දිනපොතේ

ස්තුතියි

Prof. Gamika A. Prathapasinghe
Dean/ Faculty of Livestock, Fisheries and Nutrition
Wayamba University of Sri Lanka.

https://www.youtube.com/shorts/uclpxPmgNS4

05/05/2026

වයඹින් වයඹට තේමාව යටතේ ගැයුණු 25 වන ගීතය මේ සමග අමුණා ඇත. මෙම වසරේ පළමු ගීතය වන මෙය රචනා කරන ලද්දේ කෘෂිකර්ම පීඨයේ සේවය කරන ආචාර්ය ගීති පමුනුව මහත්මිය විසිනි. සංගීතවත් කරන ලද්දේ මහාචාර්ය ගමික ප්‍රතාපසිංහ මහතා විසිනි.

වයඹ සරසවි මෑණියනි

ස්තුතියි

Prof. Gamika A. Prathapasinghe
Dean/ Faculty of Livestock, Fisheries and Nutrition
Wayamba University of Sri Lanka.

පද රචනය: ආචාර්‍ය ගීති පමුණුවසංගීතය: මහාචාර්‍ය ගමික ප්‍රතාපසිංහගායනය: කෘතීම බුද්ධිය ඇසුරින්වයඹ සරසවි මෑණියනි ඔබ ....

05/05/2026

වයඹින් වයඹට තේමාව යටතේ ගැයුණු 24 වන ගීතය මේ සමග අමුණා ඇත. මෙම වසරේ අවසාන ගීතය වන මෙම ඉංග්‍රීසි ගීතය මහාචාර්ය ගාමිණී ෆොන්සේකා මහතා වෙනුවෙන් ලියන ලද්දකි. අප පීඨයේ පළමු පීඨාධිපති ධුරයද අප සරසවියේ දෙවන උප කුලපති ධුරයද හෙබවූයේ මහාචාර්ය ගාමිණී ෆොන්සේකා මහතායි. එකල අප සරසවියේ කුලපති ධුරය හෙබවූයේ ආචාර්ය පණ්ඩිත් ඩබ්. ඩී . අමරදේව ශුරින් විසිනි.
මෙම ගීතය රචනා කොට සංගීතවත් කරනු ලැබුයේ මහාචාර්ය ගමික ප්‍රතාපසිංහ මහතා විසිනි. රංගනයෙන් දායක වන්නේ පශු සම්පත් හා පක්ෂි විද්‍යා දෙපාර්තමේන්තුවේ රසායනාගාර සහායක අජන්ත කුමාර මහතායි. ගායන කරනු ලබන්නේ කෘතීම බුද්ධි රොබෝ යුවලකි.

සියලු දෙනාට සුභ නව වසරක් වේවා

You are the guiding light...

ස්තුතියි

Prof. Gamika A. Prathapasinghe
Dean/ Faculty of Livestock, Fisheries and Nutrition
Wayamba University of Sri Lanka.

පද රචනය සහ සංගීතය: මහාචාර්‍ය ගමික ප්‍රතාපසිංහ ගායනය: කෘතීම බුද්ධිය ඇසුරින්You are the guiding light, GaamineeWho crowned Wayaamba with victoryYou are the gui...

05/05/2026

වයඹින් වයඹට තේමාව යටතේ ගැයුණු 23 වන ගීතය මේ සමග අමුණා ඇත. ආදර ගීත සඳහා වූ ඉල්ලීමට ප්‍රතිචාර වශයෙන් මෙම ගීතය රචනා කර ඇත්තේ ආචාර්ය නදීෂා දිල්රුක්ෂි මහත්මිය විසිනි. සංගීතවත් කරන ලද්දේ මහාචාර්ය ගමික ප්‍රතාපසිංහ මහතා විසිනි. මෙම වීඩියෝව නිෂ්පාදනය කරන ලද්දේ අප පීඨයේ අවසන් වසර සිසුවකු වන බී. සුතර් ශන් මහතා විසිනි.

ජය පොකුණ සහ එහි මැද ඇති දූපතට ගමන් කිරීමට ඉදි කර ඇති මල් පාලම මේ වන විට ගීතයේ අර්ථයට ගැලපෙන ලෙස බහුල ලෙස භාවිතා වනු පෙනේ.

මම පුංචි රෝස මල...

ස්තුතියි,

Prof. Gamika A. Prathapasinghe
Dean/ Faculty of Livestock, Fisheries and Nutrition
Wayamba University of Sri Lanka.

https://www.youtube.com/shorts/s4N2Hl80oDg

05/05/2026

වයඹින් වයඹට තේමාව යටතේ ගැයුණු 22 වන ගීතය මේ සමග අමුණා ඇත. මෙම ගීතයද නිර්නාමික පද රචකයෙකු විසින් මා හට ලැබෙන්නට සලසන ලද්දකි. නව උප කුලපති තුමාට කෙරෙන ආශීර්වාදාත්මක ගුණ වර්ණනාවක් මෙම ගීතයේ අඩංගු වේ. වෙසෙසින්ම, මහාචාර්ය ඒකනායක මහතා මීට පෙර උප කුලපති ධුරය දරද්දී වෛද්‍ය පීඨය සහ තාක්ෂණ පීඨය පිහිටුවීමට කරන ලද කාර්‍ය භාරයද පද රචකයා විසින් මනරම් ලෙස පද වැලෙහි අඩංගු කර ඇත.

මෙම ඉතා රමණීය වූ පද වැල සඳහා මහාචාර්ය ගමික ප්‍රතාපසිංහ මහතා විසින් මහත් පරිශ්‍රමයකින් අලංකාර තනුවක් යොදා කෘතීම බුද්ධි රොබෝ වරයකු ලවා ගායනා කර මෙසේ ඉදිරිපත් කෙරේ.

ඉදිරියේදී මෙම ගීතය අප පීඨයේ රසායනාගාර සහායක හේමන්ත ධර්මසිරි මහතා විසින් මීට වඩා මිහිරි ලෙස ගායනා කර ඉදිරිපත් කිරීමට පුණුවීම් වල යෙදෙමින් සිටී.

ලැබූ පරිනත දැනුම..

ස්තුතියි.

Prof. Gamika A. Prathapasinghe
Dean/ Faculty of Livestock, Fisheries and Nutrition
Wayamba University of Sri Lanka.

https://www.youtube.com/shorts/pX3uXJf4YyU

05/05/2026

වයඹින් වයඹට තේමාව යටතේ ගැයුණු 21 වන ගීතය මේ සමග අමුණා ඇත. මෙම අති අලංකාර පද රචනය ආචාර්ය කැලුම් විජේනායක මහතා විසින් කරන ලදී. මෙම ගීතය ගයන්නේ මාකඳුර පරිශ්‍රයේ පොදු සේවා ඒකකයේ වැඩ පරීක්ෂක තනතුර දරන ඩබ්ලිව් ජේ සුලක්ඛන මහතා විසිනි. සංගීතවත් කර නිපදවනු ලැබුවේ මහාචාර්ය ගමික ප්‍රතාපසිංහ මහතා විසිනි.

වයඹ නිල් ගගනතේ...

ස්තුතියි,

Prof. Gamika A. Prathapasinghe
Dean/ Faculty of Livestock, Fisheries and Nutrition
Wayamba University of Sri Lanka.

ගායනය: ඩබ්ලිව්. ජේ. සුලක්ඛන පද රචනය: ආචාර්‍ය කැලුම් විජේනායකසංගීතය: මහාචාර්‍ය ගමික ප්‍රතාපසිංහවයඹ නිල් ගගනතේ අළු.....

05/05/2026

වයඹින් වයඹට තේමාව යටතේ ගැයුණු 20 වන ගීතය මේ සමග අමුණා ඇත. පසුගිය සතියේ ඉදිරිපත් කෙරුණු ගීතය සමග මා කල ඉල්ලීමට ඉතා කඩිනම් ප්‍රතිචාරයක් ලෙස මෙම පද රචනය මා අතට පත් විය. එසේම පද රචකයා කවුරුන්ද යන වග ප්‍රසිද්ධ නොකරන ලෙසද උපදෙස් ලැබිණි. එහෙයින් දැනට මෙය නිර්නාමික පද රචකයකුගේ නිර්මාණයක් ලෙස ඉදිරිපත් කෙරේ. වයඹ උප කුලපති ධුරයේ නැවත වරක් වැඩ බාරගත් මහාචාර්ය පියල් ඒකනායක මහතා පිළිබඳව මෙම අර්ථවත් ගීතය නිර්මාණය වී ඇත.

සුපුරුදු පරිදි සංගීතවත් කර නිපදවනු ලැබුවේ මහාචාර්ය ගමික ප්‍රතාපසිංහ මහතා විසිනි.

නායක ඔබයි පෙර ගමන සැරසූ..

ස්තුතියි

Prof. Gamika A. Prathapasinghe
Dean/ Faculty of Livestock, Fisheries and Nutrition
Wayamba University of Sri Lanka.

සංගීතය: මහාචාර්‍ය ගමික ප්‍රතාපසිංහ ගායනය: කෘතීම බුද්ධිය ඇසුරින් නායක ඔබයි පෙර ගමන සැරසූ අරුණ ගෙන දෙයි විදු පියස ද....

05/05/2026

වයඹින් වයඹට තේමාව යටතේ ගැයුණු 19 වන ගීතය මේ සමග අමුණා ඇත. ප්‍රේම ගී නිර්මාණ ඉදිරිපත් කරන ලෙස ඉල්ලීම් කිහිපයක් ලැබුණි. නමුත් අඩ සිය වස ඉක්මවා වයස ගිය මා කොතෙක් උත්සාහ කලද එය නිෂ්පල විය. පසුව ඒ සඳහා මා විසින් කරන ලද විවෘත ආරාධනකට ප්‍රතිචාරයක් ලෙස මෙම ගීතය මා අතට පත් විය.

මෙම ගීතය රචනා කර ගයන්නේ මාකඳුර පරිශ්‍රයේ පොදු සේවා ඒකකයේ වැඩ පරීක්ෂක තනතුර දරන ඩබ්ලිව් ජේ සුලක්ඛන මහතා විසිනි. සංගීතවත් කර නිපදවනු ලැබුවේ මහාචාර්ය ගමික ප්‍රතාපසිංහ මහතා විසිනි.

ඔබද ගී පද රචනයේ යෙදෙන්නෙක් නම් එම නිර්මාණ මා හට යොමු කල හොත් හැකි පමණින් තනුවක් යොදා ගීතයක් ලෙස ඉදිරිපත් කිරීමට කැමැත්තෙමි. මෙම ව්‍යායාමයේ එකම අරමුණ වයඹ විශ්ව විද්‍යාලයේ කීර්ති නාමය ඉහල දැමීම හා එහි උපාධි පාඨමාලා ප්‍රචලිත කිරීමයි. එම නිසා ඔබගේ පද රචනාවල වයඹ සරසවිය උකහා දැක්වෙන පද තිබීම වැදගත් සේ සලකන්න.

සරසවි බිමේ හමුවුන...

ස්තුතියි
Prof. Gamika A. Prathapasinghe
Dean/ Faculty of Livestock, Fisheries and Nutrition
Wayamba University of Sri Lanka.

පද රචනය සහ ගායනය: ඩබ්ලිව්. ජේ. සුලක්ඛන සංගීතය: මහාචාර්‍ය ගමික ප්‍රතාපසිංහසරසවි බිමේ හමුවුන සොඳුරු රුවැතියේ ඇයිද න....