13/07/2026
السلام عليكم
هدي تحذير وتنبيه مهم لكل ساكنة الدوار 🚨🚨🔔
في إطار الحفاظ على البيئة وحماية الماء الصالح للشرب ديالنا، قامت الجمعية المحلية بوضع هذه اللافتة كتذكير للجميع.
من أجل الحفاظ على البيئة والماء الصالح للشرب، نذكركم بما يلي
1. ممنوع السباحة في الوادي والصهريج
الوادي والصهريج هما المصدر ديالنا للماء. السباحة فيهم كتسبب تلوث مباشر وكتعرض صحة الجميع للخطر.
2. ممنوع التصبيين في مجاري المياه
الغسيل والصابون والمواد الكيميائية كتخرب جودة الماء وكتضر الفرشة المائية اللي كنعتامدو عليها كاملين.
3. ممنوع رمي الأزبال والنفايات
الأزبال ماشي بلاصتها فالواد ولا فالجناب. خلينا البلاصة نقيّة بحال ما كنبغيوها لولادنا.
علاش هادشي مهم؟
الماء نعمة كبيرة ورزق من الله. إلا ما حافظناش عليه اليوم، غدا ولادنا فين غادي يشربو؟
البيئة النقية والواد النظيف هما وجه الدوار ديالنا وقدام الضياف.
تنبيه قانوني:
أي مخالفة لهذه التعليمات تعرض صاحبها للمتابعة طبقا لـ:
قانون: 28-00*
قانون جبائي: 447-2017*
الرسالة واضحة: كلنا مسؤولون✅
يد في يد باش نحافظو على النظافة ديال دوارنا وعلى الماء ديالنا.
اللي شاف شي واحد كيخالف هاد القوانين ينصحه بالتي هي أحسن والسلام عليكم ورحمه وبركاته
