14/06/2022
"ခလုတ်"
ဒီဘ၀ ဒီသံသရာမှာ
တစ်ကြိမ်သာ ဆုံခဲ့တွေ့ခဲ့ ကြ
သူ့ အရင်လူရဲ့ လောင်းရိပ်အောက်မှာ
မွန်းကြပ်လို့ ရုန်းထွက်ပြေးလာတဲ့
လမ်းခုလတ်မှာ ကျွန်တော် နှလုံးသားနဲ့
တိုက်မိခဲ့ပေါ့.....၊
အတိတ်ဆိုး ၊ အိမ်မက်ဆိုး တွေ နှိပ်စက်လို့
အဲ့ဒီ နေ့စွဲတွေမှာ သူပင်ပန်းနေမယ် ဆိုတာ
ကျွန်တော် ရိပ်စားမိခဲ့ ...
ပျော်စရာတွေ ဖန်တီးဖို့ ရည်ရွယ်ချက်ရှိရှိ
ကျွန်တော် နှလုံးသား ဟာ ၀င်တိုက်ခဲ့တယ်
မေတ္တာလဲ စစ်ပါရဲ့ ၊ ချစ်တာလဲ စစ်ပါရဲ့
သံယောဇဉ်ကြိုးလေးတွေလဲ တွယ်ငြှိခဲ့ပါရဲ့
သို့ပေမယ့် "ခလုတ်" တစ်ခုပဲဖြစ်ခဲ့တယ်
ကျွန်တော် နှလုံးသားဟာ သူ့အတွက်တော့
လမ်းသွားရင်း တိုက်မိခဲ့တဲ့ "ခလုတ်" တစ်ခုပဲ
"ခလုတ်" တစ်ခုလို သူသဘောထားတဲ့အခါ
သူ့မှာ ဘာနာကျင်မှု့မှ ဒီ "ခလုတ်" စီကမရတဲ့အခါ
ခဏခဏ သူတိုက်ချင်ခဲ့ ပုံပဲ ..... သူခဏခဏတိုက်ချင်
ခဲ့တာ နှလုံးသား တစ်ခု (သို့) ဘ၀တစ်ခုမှန်း သူမသိခဲ့
တစ်ချိန်မှာ သိသွားတဲ့အခါ ဒီလူ့ကိုပဲ အပြစ်ဆိုလိုက်ပါ
နောက်တစ်ကြိမ် ပြန်တိုက်မိခဲ့ရင်သာ နှလုံးသားတစ်ခုလို့
မြင်နိုင်ပါစေ ......။
"ကိုယ့်ကြောင့် မနာကျင်ခဲ့ရရင်
ခဏခဏ ၀င်တိုက်ပါနော် တစ်ချို့ ခလုတ်တွေက မင်းကို
နာကျင်စေမှာ ကိုယ်ကတော့ မင်းကို ....... မင်းကို
နာကျင်စရာတွေ ဘယ်တော့မှ မပေးပါဘူးနော်"
"ကိုယ်တော့ခဏခဏ နာကျင်ရတယ် "
-လွင်ခါး
