YKK

04/10/2025

လူတစ်ယောက်ကို
အချိန်အကြာကြီး ချစ်ပြီးသွားတဲ့အခါ
နောက်ထပ် ထပ်ချစ်ဖို့
မလွယ်တော့ဘူး ။

သူနဲ့ ပြီးခဲ့တဲ့ဇာတ်လမ်းကို
နောက်တစ်ယောက်နဲ့
အစကနေ
ပြန်စရမှာကို
ပျင်းသွားတတ်တာမျိုးလေ။

ဒီစကားလုံးတွေထပ်ပြီးပြောရမယ်
ပြီးတော့...
ထွက်မသွားဖို့
ထပ်ပြီးတော့ ကိုယ့်ဖက်က
ချည်ရမယ်

ဘယ်တော့များ ထားသွားမလဲ
နောက်တစ်ခေါက် ထပ်ပြီးကြောက်ရွံနေရမယ့်
အဖြစ်မျိုးတွေကို
မလိုချင်တော့တာ။

စသည်ဖြင့်ပေါ့

ပျော်လဲ ပျော်ဖူးသွားပြီ
ငိုလဲ ငိုခဲ့ပြီးသွားပြီ

တချိုတွေ Ro ပြနေတယ်ဆိုတာ
တစ်ချိန်က
ကိုယ်လုပ်ခဲ့တဲ့ အရာတွေပဲလို့
တွေးမိတဲ့အခါ
ရင်ခုန်စရာ ပျော်စရာမကောင်းဘူးတော့ဘူး

ဒီလိုပါပဲ...
လူတစ်ယောက်နဲ့
နှစ်တွေအကြာကြီးချစ်ပြီး
နောက်ဆုံး ကွဲကွာသွားရတဲ့အခါ

နောက်ထပ် ထပ်ချစ်ဖို့ မလွယ်ကူတော့ဘူး။

#ကျေးကို
(ရင်နှင့်ရင်း၍ ရေးသည်)

16/07/2025

လူတစ်ယောက်ကို ...
မပိုင်ဆိုင်ရမှန်းသိရဲ့နဲ့
ချစ်ခဲ့ဖူးလား ...

ပြီးတော့လေ
တစ်နေ့ကျ
ခွဲသွားမယ်မှန်းသိရဲ့နဲ့
လူတစ်ယောက်ကို
ဆွဲထားခဲ့ဖူးလား ။

အရမ်းနာကျင်ရတာနော်

သိပ်ကို နာကျင်ရတာ ။

#ကျေးကို

16/07/2025

Aလေ

မင်းက...
ရာသီဥတုလေးနဲ့ တူတယ်

ဒီနေ့နဲ့ မနက်ဖြန်
တူချင်မှ တူတာလေ ...

နွေးထွေးချင်တဲ့အချိန်
အရမ်းနွေးထွေးတတ်ပြီး
အေးစက်သွားတဲ့အခါကျ
သူများနဲ့မတူ တိတ်ဆိတ်နေတတ်တာလေ

ဒီနေ့ ...
အရမ်းပျော်စရာကောင်းလို့
မနက်ဖြန် ...
ပျော်ရမယ်လို့
တရားသေ တွက်ထားလို့လဲ ရမနေဘူး

ဒီနေ့ ...
အရမ်းချွဲပြီးကပ်နေလို့
သိပ်ချစ်တာပဲဆိုပြီးတွေးနေလဲ
နောက်တစ်နေ့ကျ ...
စကားတစ်လုံးမှ မပြောပဲ
တစ်နေ့လုံး
ပျောက်ချင်ပျောက်နေတတ်တာလေ ။

မင်းက ...
ရာသီဥတုလေးနဲ့တူတယ်
မင်း စိတ်မှာ ဖြစ်တဲ့အတိုင်းနေတယ်
မင်းကိုယ်တိုင်လဲ အစိုးမရသလို
ကိုယ်လဲ ချယ်လှယ်လို့မရဘူး

တချို့ရက်တွေက
မင်းက သိပ်ချစ်စရာကောင်းသလောက်
တချို့ရက်တွေက
မင်းက ...
သိပ်မုန်းချင်စရာကောင်းလောက်အောင်
ကိုယ့်ကို အဖက်မလုပ်တာလေ ။

ဒါပေမယ့်
မင်းကို ချစ်တယ် ။

#ကျေးကို

16/07/2025

🤪😜😜

မင်းကို မေးချင်နေမိတဲ့
မေးခွန်းတွေထဲက တစ်ခုပါ ...

ကိုယ် ရှိနေရုံနဲ့
မလုံလောက်ဘူးလား ...

နေရာတကာမှာ
ကိုယ့်ကိုယ်ကိုယ် မေ့တဲ့အထိ
ဂရုစိုက်နေမိတဲ့ ကိုယ်က
ပိုများ ပိုနေတာလားလို့ ...

ဒါမှမဟုတ်
ကိုယ့်ချစ်ခြင်းတွေက
မင်းအတွက် မလောက်ငှရအောင်
ဘယ်နေရာမှာများ လိုအပ်ချက်ရှိနေလို့လဲလို့
အဖြေတွေ ရှာနေမိတယ် ...

တခြားတစ်ယောက် နဲ့
စကားတွေ ပြောနေရမှ
ပျော်တတ်တာလား ...

ပြီးတော့လေ ...

ကိုယ်ခဏလေး မျက်ကွယ်ရာရောက်ရင် ...
ကိုယ်မဟုတ်တဲ့ အခြားတစ်ယောက်က
အလိုလို မင်းအနား ရှိလာတာပါပဲ ...

ဒါက သဘာ၀ပဲလား
တစ်စုံတစ်ယောက်မရှိပဲ
ဘ၀ကို တည်တည်ငြိမ်ငြိမ်လေး
မဖြတ်သန်းနိုင်ဘူးလားဟင် ...

ကိုယ်တစ်ယောက်လုံး ရှိနေပြီလေ ...
မင်းကို အများကြီးလဲ ချစ်ပေးတယ်
တစ်ချိန်လုံးလဲ ဂရုစိုက်တယ် ...

ဒါပေမယ့်
ဘာလို့ ကိုယ်တစ်ယောက်တည်းနဲ့
မလုံလောက်ရတာလဲ ။

#ကျေးကို