Ye Aung Thu - Photographer

15/05/2026

Back to the 2000s

Taken in Yangon’s Jetty.

05/05/2026

DAY ###X

ကရင်တောင်ပိုင်းမိုးရဲ့ အချိန်မရွေးရွာနေတဲ့ရက်ပိုင်းတွေထဲက မနက် အစောကြီးကနေ ညနက်တဲ့အထိ ရိုက်ဖြစ်တဲ့ Training နေ့တွေ။

နေ့လည်ပိုင်းမိုးတချက်ရွာပြီးတဲ့နောက် ညဦးပိုင်းကျ ကောင်းကင်က စပြန်ကြည်လင်သွားတယ်။

“မင်းတို့ ပြည်သူ့တွေထမင်း အလကားစားဖို့ရောက်လာတာလား? “

“မဟုတ်ပါဘူးဆရာ”

“ဟုတ်ပါတယ်ကွာ မင်းတို့ ရေပေါ်ဆီတွေပါ “

“မဟုတ်ပါဘူးဆရာ”

“ မဟုတ်ဘူးဆိုရင် ငါတို့ကို သက်သေပြလေ။ ပြည်သူတွေကို ကာကွယ်မယ်ဆို မင်းတို့ သက်သေပြလေ ဒီလောက်နဲ့ မောနေရင် မင်းတို့ ဘယ်လိုကာကွယ်မှာလဲ “

ကြယ်လေးတွေ မြင်နေရတယ် တကွင်းလုံး SOF အဖွဲ့ရဲ့ လေ့ကျင့်သံတွေ ဟိန်းနေတယ်။

ညဦးပိုင်းကနေ ညနက်တဲ့အထိ လိုက်ရိုက်ရင်း
အတွေးထဲမှာ ဒီတော်လှန်ရေးကာလ ဖြတ်သန်းတာတွေကြည့်ရင်း တွေးမိတာ PDF တယောက်ဖြစ်လာဖို့ဆိုတာ မလွယ်ဖူးပဲ။ တလရ ရဲဘော် တယောက်ဖြစ်လာဖို့လဲ မလွယ်တဲ့ကိစ္စပဲတွေးနေရင်း သတိဆွဲထားတဲ့ ရဲဘော်တွေကို သင်တန်းဆရာတွေ က ဖုန်းမီးနဲ့ အနားကပ်ထိုးပြီး အော်နေ ဆူနေ ကြိမ်းမောင်းနေ

အဲ့မှာ ဟာ ဆိုပြီး မြင်လိုက်တာက ဆရာတယောက်က ခေါင်းတွေကို မီးထိုးပြီး ပြောနေတယ် နောက်တယောက်က ရင်ဖက်မှာ နောက်တယောက်က ခန္ဓာကိုယ်မှာ … အတွေးထဲ ဝင်လာတဲ့ စိတ်ကူးနဲ့ ကိုယ်ခံစားမိတာကို long exposure ရိုက်ချလိုက်တယ်
ဦးနှောက်ခြင်း နှလုံးသားခြင်း ခန္ဓာကိုယ်ခြင်း တယောက်နဲ့ တယောက်ဆက်သွယ်နေတဲ့ ရဲဘော်ရဲဖက်စိတ်တွေ ရဲ့ အလင်းရောင်တွေကို တွေ့ရှိခံစားမိတဲ့ ခံစားချက်နဲ့ပေါ့။ ဒီပုံက WPP မှာလဲပါခဲ့သလို နိုင်ငံတော်တော်များများမှာလဲ ပြပွဲတွေမှာ ကျောင်းတွေမှာ ပြသခဲ့ပါတယ်။

အခုလဲ PDF ( People's Defence Force ) တည်ထောင်ခြင်း ၅နှစ်ပြည့် အထိမ်းအမှတ်နဲ့ ပြန်တင်လိုက်ပါတယ်။
တော်လှန်ရေးမှာ ပါဝင်ပေးဆပ်ခဲ့တဲ့သူတွေ အားလုံးကို လေးစားခြင်းဖြင့်

ကိုရဲ
5 May, 2026

29/04/2026

Photo Vs Photography?

22/04/2026

ဒီသင်တန်းမှာ အခြေခံရိုက်ကူးခြင်းတွေ၊ နည်းစနစ်တွေ အဓိကထားပြီး မပြောတာက အဲ့အကြောင်းအရာတွေက ကြိုက်တဲ့နေရာမှာ လေ့လာလ်ို့ရပါတယ်။ ခုသင်တန်းအတွင်းမှာတော့ ဓာတ်ပုံရဲ့ သဘောတရားအနှစ်သာရတွေ၊ ချက်ခြင်း လက်တွေ့ စက္ကန့်ပိုင်း အချိန်ထဲမှာ ဆုံးဖြတ်ချက်ချနိင်ဖို့ အတွေးအခေါ်နဲ့ concept တွေ အယူအဆတွေပဲ ပြောဖို့ တွေးထားတာဖြစ်တယ်။ ကျွန်တော် ဖြတ်သန်းလာတဲ့ လုပ်ငန်းကာလအတွင်းက ကိုယ်တွေ့ရှိခဲ့တဲ့ အတွေ့အကြုံတွေ၊ သင်ယူခဲ့ရတာတွေကို ပြန်မျှဝေမှာဖြစ်တယ်။

နာရီ ၃၀ ကျော် ဆိုတာက တကယ်တော့ weekend မှာ တူတူ ဘီယာသောက် ကော်ဖီဆိုင်ထိုင် အတူတူ နားထောင်သလိုမျိုး တနေ့ ကော်ဖီတခွက်စာသာပါပဲ။ စုထိုင်ပြီး ပွါးကြ Case study တွေလုပ်ကြ Assignment လေးတွေ တူတူ ရိုက်ရင်း ပြန်ကြည့်ကြပေါ့။ အဓိကတော့ ဓါတ်ပုံကို တန်ဖိုးထား ချစ်မြတ်နိုးတဲ့ နိုင်ငံတကာက ကိုယ့်မြန်မာကွန်မြူနတီလေး တခု ဖြစ်လာဖို့ပါပဲ။

တကယ်လို့ အခြေခံ နည်းစနစ်တွေအကြောင်း နားထောင်ချင်တယ်ဆိုလဲ YouTube Channel ( https://youtube.com/?si=P5VV5gZilBW8Iznw ) မှာ ရှင်းပြဖို့ လုပ်ထားတာရှိတယ်။

အဲ့မှာလဲ အခြားအကြောင်းအရာတွေ တင်ထားတာ လဲ သွားနားထောင်နိုင်တယ်။ မေလ ကုန်ကနေစပြီး ကင်မရာ ဆက်တင်တွေ အခြေခံ နည်းစနစ်တွေ အသစ်အသစ်တွေ နောက်ပိုင်း တောက်လျှောက် တင်ပေးဖို့ရှိတယ်။

20/04/2026

🔹 ရဲအောင်သူသည် ၂၀၀၈ ခုနှစ် နာဂစ်မုန်တိုင်းကာလမှ စ၍ သတင်းဓာတ်ပုံကို စတင်လေ့လာပြီး ယင်းလောကသို့ ဝင်ရောက်ခဲ့သည်။၂၀၁၂ ခုနှစ်တွင် ပြင်သစ်သတင်းတိုက် Agence France-Presse (AFP) သို့ ဝင်ရောက်ခဲ့ကာ၂၀၂၂ ခုနှစ်အထိ ဆယ်စုနှစ်တစ်ခုကြာ တာဝန်ထမ်းဆောင်ခဲ့ပြီး AFP သတင်းဌာန၏ Photo of the Year ဂုဏ်ပြုမှတ်တမ်းများတွင် အကြိမ်ကြိမ် ဖော်ပြခြင်း ခံခဲ့ရသည်။

🔹 ကမ္ဘာ့သတင်းမီဒီယာလောကတွင် လူသိများပြီး ထင်ရှားသော ဂုဏ်ပြုဆုများရရှိခဲ့သည့်အနက်
🔖 World Press Photo Award (၂၀၂၅)
🔖 The Human Rights Press Awards HRPA (၂၀၁၉)
🔖 Myanmar National Press Award (၂၀၁၆)
🔖 The Human Rights Press Awards HRPA (၂၀၁၆)
🔖 Green Economy Green Growth Grand Prize (၂၀၁၃) တို့ပါဝင်သည်။

🔹 သူ၏ ဓာတ်ပုံများကို The New York Times၊ The Guardian၊ Time Magazine နှင့် Le Monde ကဲ့သို့သော ကမ္ဘာကျော် သတင်းစာနှင့် မဂ္ဂဇင်းများတွင် ဖော်ပြခြင်း ခံရသည်။

🔹 YAT Bus Photo Training များကို ၂၀၁၃ ကတည်းက စတင်သင်ကြားခဲ့ပြီး မြန်မာသတင်းစာပညာသိပ္ပံ (MJI) နှင့် CMMD သတင်းစာပညာသင်တန်းကျောင်းတို့တွင်လည်း သင်ကြားပေးခဲ့သည်။ IMS, Internews အစရှိသည့် အဖွဲ့အစည်းများအတွက် သင်တန်းများကိုလည်း ပြုလုပ်ခဲ့ပြီး ယခုကာလတွင် အဆင့်မြင့်ကျောင်းများ၊ တက္ကသိုလ်များနှင့် ပြည်တွင်းပြည်ပ သင်တန်းကျောင်းများတွင် နိုင်ငံတကာ မျိုးဆက်သစ် ဓာတ်ပုံဆရာများအတွက် နည်းပညာပိုင်းဆိုင်ရာ ကျွမ်းကျင်မှု၊ ဘေးကင်းလုံခြုံရေးနှင့် ပဋိပက္ခများကို မှတ်တမ်းတင်ရာတွင် လိုအပ်သော ကျင့်ဝတ်ဆိုင်ရာ အကြောင်းအရာများကို လမ်းညွှန်ပြသပေးလျက် ရှိသည်။

🔹 ပြပွဲပေါင်း ၉ ခုကိုလည်း ပြသခဲ့ပြီးဖြစ်ကာ ကိုယ်ပိုင်ဓာတ်ပုံများအပြင် ပြပွဲစီစဉ်သူ (Curator) အဖြစ်လည်း ဆောင်ရွက်လျက်ရှိသည်။

🔹 ရဲအောင်သူ သင်ကြားမည့် Art of Photography သင်တန်းနှင့် ပတ်သတ်၍ အသေးစိတ်အချက်အလက်များကို ယခုလင့်ခ်တွင် ဖတ်နိုင်ပါသည်။ https://www.facebook.com/share/p/14cq7HbiHKe/

18/04/2026

သင်တန်းတခုလုပ်မယ်ဆိုပြီး စဉ်းစားတော့ သင်ရမယ့် အကြောင်းအရာတွေ တွေးရင်း ဓာတ်ပုံဆိုင်ရာ ခေါင်းစဥ်တွေ ခေါင်းထဲမှာ အများကြီးပေါ်လာတယ်။

အဓိက ဒီတစ်ခေါက်သင်တန်းကို အခကြေးငွေနဲ့ သင်ရမှာဖြစ်တော့ ခေတ်ပျက် ခေတ်ဆိုးတခုမှာ သင်တန်းအပြီး တကယ်နားလည်ပြီး တကယ်အလုပ်ခွင်ထဲမှာပါ Professionals တွေ အနေနဲ့ ပြန်ရပ်တည်လို့ရအောင် ဖြစ်မယ်။ နည်းစနစ်ဆိုင်ရာ အကြောင်းအရာတွေသာမကဘဲ သင်တန်းတခုလုံးကို ကိုယ့်ရဲ့ ဖြတ်သန်းမှုမှာ ကြုံခဲ့တဲ့ အမှားတွေ အမှန်တွေ လေ့လာလို့ရအောင်ရယ်၊ ကိုယ့်လိုအချိန်တွေ အကြာကြီး မဖြစ်ပဲ ဒီသင်တန်းအပြီးမှာ မြန်မြန်ဆန်ဆန် အခြေခံအတွေးအခေါ်တွေရပြီး ဆက်ပြီးလေ့လာရပ်တည်နိုင်အောင် တွေးထားတယ်။

ကိုယ်ဖြတ်သန်းလာတဲ့ ဓါတ်ပုံပညာလုပ်သက် ၁၈ နှစ် အတွင်းမှာ လေ့လာမိတဲ့ အကြောင်းအရာတွေ သင်တန်းကာလ အချိန်ကာလတိုတခုထဲမှာပဲ အားလုံးခြုံပြီး ဒီသင်တန်း နံမည်ကို Art of photography လို့ နံမည်ပေးလိုက်တယ်။

သင်တန်း ဆိုတာထက်.. တနေ့ နှစ်နာရီ အတူတူ ထိုင်ပြီး ဓါတ်ပုံ အကြောင်းတွေ (Course) အနေနဲ့ သင်တန်း အချိန် စုစုပေါင်း နာရီ ၃၀+ ထိုင်ဆွေးနွေးကြမယ်။ တကယ် အိမ်စာတွေကိုလိုက်ပြီး ရိုက်မယ့်သူတွေအတွက် ပြန်ပြီးကြည့်ပေး ဆွေးနွေး (Mentoring) လုပ် တွေးထားတယ်။

အဓိက ဆွေးနွေးဖြစ်မယ့် အကြောင်းအရာတွေလည်း ပုံမှာ ရေးပေးထားပါတယ်။ ဒါတွေကို အေးဆေး စကားပြောကြရင်း လေ့လာ ဆွေးနွေးကြဖို့ စီစဉ်ထားပါတယ်။

⭕️ သင်တန်းရက် - May 9 to June 27, 2026 weekly (Saturday & Sunday) - စုစုပေါင်း ၁၅ ရက်
⭕️ အချိန် - 7:30 to 9:30 pm (mm time)
⭕️ သင်တန်းကြေး - USD 95 / THB 3,000 / MMK 390,000
⭕️ Class type - Live Zoom & Video Courses (online) .. သင်တန်းမှာ ပျက်တာမျိုးရှိခဲ့ရင်လည်း ဗီဒီယိုတွေကို ၆ လ အတွင်း မိမိ လိုအပ်သလို ပြန်လည်လေ့လာကြည့်နိုင်ခွင့်ရှိမှာဖြစ်ပါတယ်။

📷 စာရင်းပေးဖို့ကို ပေ့ချ်ကို ဆက်သွယ်ပါ။ admin team က စာရင်းသွင်းပေးပါလိမ့်မယ်။
📷 မေလ ၅ ရက်နေ့အထိ စာရင်းပေးလို့ရတယ်။

03/02/2026

Day 116

An X-ray showing a gunshot wound to the leg of a protester, injured during the violent crackdown following Myanmar’s military coup.

30/03/2025

လက်ရှိမြန်မာနိုင်ငံမှာ ဖြစ်ပေါ်နေတဲ့ ငလျင်ဘေးသင့်ဒေသတွေဆီ ကူနိုင်ဖို့အတွက် Photography Sharing Workshop တစ်ခုလုပ်ပါမယ်..

- သတင်းဓာတ်ပုံဆိုင်ရာ ဗဟုသုတတွေ၊ အရေးပေါ်အခြေအနေတွေမှာ မှတ်တမ်းဓာတ်ပုံရိုက်ကူးတဲ့ အခြေခံအချက်အလက်တွေနဲ့ သတိထားစရာတွေ အခြေခံဗဟုသုတများကို ဦးစားပေးပြောမှာပါ
- ဆက်ရှင်တွေက ဧပြီ ၁ ရက်နေ့ကနေ ၄ ရက်နေ့ထိ.. ၄ ဆက်ရှင်ရှိပါမယ်
- မြန်မာစံတော်ချိန် ညန ၆ နာရီခွဲကနေ ၉ နာရီဖြစ်ပါမယ် (စုစုပေါင်း ၁၀ နာရီစာပါ)
- ဒီကနေရတဲ့ ငွေကြေးအားလုံး (အားလုံး) ကို ငလျင်ဘေးသင့်ဒေသတွေဆီ ပို့ပါမယ်
- ၄ ရက်စာ workshop တက်ဖို့အတွက် တစ်ယောက်စာ seat တစ်ခုကို မြန်မာငွေကျပ် ၅ သောင်း/ ဘတ်ငွေ ၄၀၀ / စလုံးဒေါ်လာ ၂၀ ပါ.. NUGpay, SDB တွေကနေ လွှဲလို့ရပါမယ်
- တက်ရောက်ချင်သူတွေက ပုံပါ QR တွေကနေ ငွေလွှဲပြီး စလစ်နှင့်အတူ telegram အကောင့်ကို *ပေ့ချ်မက်ဆင်ဂျာမှာ* လာပေးပြီးရင် workshop ရဲ့ telegram group ထဲ ထည့်ပေးပါမယ်
- ဧပြီ ၄ ရက်နေ့အထိ ပါဝင်လို့ရပါမယ်

** အကယ်၍ မအားလို့ ဝေါ့ရှော့ အပြည့် မတက်အားရင်လည်း workshop တက်မယ့် seat ကိုပဲ ဝယ်ယူထားပြီး တက်နိုင်တဲ့နေ့ join လို့ရပါတယ်**

23/03/2025

Day 826

I saw the eyes of the little children…

Eyes filled with fear,
trembling in the darkness,
hiding where the moonlight never reaches.

I saw them…
their silent cries echoing through the caves,
their tiny hands clutching one another,
waiting for the sky to quiet.

I saw them…
shadows flickering in the dim light,
hearts pounding with every distant roar,
children who should be playing,
now learning to be afraid.

I saw them…
I saw them…
May 7, 2023
Photographer's Diary

အေးဆေး အချိန်ရမှ နားထောင်ပါ။ ပုံပြင်တပုဒ်မဟုတ်တဲ့ သက်ရှိ လက်ရှိဘဝတွေအကြောင်း နဲ့ ကလေးတွေရဲ့ ကောင်းကင်တွေ အကြောင်း ..

Full story to listen -
https://www.youtube.com/watch?v=gIumn_XaKAc

Day 826 I saw the eyes of the little children…Eyes filled with fear,trembling in the darkness,hiding where the moonlight never reaches.I saw them…their silen...

20/02/2025

This photo taken on February 3, 2019 shows a guard dog at an illegal poppy field in Myanmar's Shan State.

Full story - https://youtu.be/X-nYRHwLrEk?si=1Cii9CNmOZJvZG5o