Myo Kyaw Htun - Blog

25/08/2026

နှေးနှေးနဲ့ ဖြည်းဖြည်းမတဲ့ အကျင့် ရလာပါတယ်။
လူနည်းတဲ့အချိန်ဆို Video ရိုက်ဖြစ်တယ်။ ပြန်ကြည့်ပြီး ကိုယ်မတဲ့ပုံစံ၊ Form မမှန်တာတွေရှိရင် နောက်တစ်ခါ ပြန်ပြင်လို့ရအောင်ပါ။
ဒီလိုနဲ့ပဲ ကိုယ်လုပ်နေတာကို ပြန်ကြည့်ပြီး ပြုပြင်တတ်တဲ့အကျင့် ရလာပါတယ်။

25/08/2026

နှေးနှေးနဲ့ ဖြည်းဖြည်းမတဲ့ အကျင့် ရလာပါတယ်။

လူနည်းတဲ့အချိန်ဆို Video ရိုက်ဖြစ်တယ်။ ပြန်ကြည့်ပြီး ကိုယ်မတဲ့ပုံစံ၊ Form မမှန်တာတွေရှိရင် နောက်တစ်ခါ ပြန်ပြင်လို့ရအောင်ပါ။

ဒီလိုနဲ့ပဲ ကိုယ်လုပ်နေတာကို ပြန်ကြည့်ပြီး ပြုပြင်တတ်တဲ့အကျင့် ရလာပါတယ်။

23/08/2026

ဒီအချိန်က ကျွန်တော် အများကြီးလုပ်နေခဲ့ပေမယ့်… အများကြီးမှားနေခဲ့တဲ့ အချိန်လည်း ဖြစ်ခဲ့တယ်။

ပေါင် ၁၆၁ နဲ့ ၁၅၈ ပေါင် ကြားကာလမှာ ကျွန်တော် လေ့လာမိခဲ့တာတွေကို ပြန်ပြောပြထားတဲ့ video ပါ။

19/08/2026

Barbell complex လုပ်နေတာတွေ့လို့ စမ်းကြည့်တာ နောက်လုပ်ဖြစ်မလားလာမေးရင် မလုပ်ဖြစ်လောက်ဘူးလို့ ဖြေမိမှာ။

18/08/2026

ဒီအကြောင်းကတော့ ကျွန်တော်ရဲ့ အဆီချ၊ ကြွက်သားထိန်းခဲ့တဲ့ အကြောင်းကို မှတ်တမ်းတင်ထားတဲ့ ပုံစံနဲ့ ပြန်ပြောပြချင်တာပါ။

မရည်ရွယ်ဘဲ ပေါင် ၁၄၀ ကနေ ၁၆၁ အထိ တက်လာခဲ့တာ
-------------------------------------------------------

အချိန်ကာလတော်တော်ကြာ—မှတ်မိသလောက် ပြောရရင် ဆယ်နှစ်ကျော်—ဘယ်အချိန် ချိန်ချိန် ပေါင်ချိန်စက်က နံပါတ်က ၁၄၀၊ ၁၄၅ ဝန်းကျင်မှာချည်းပဲ။

အစားအသောက်နဲ့ ပတ်သက်လို့ ဘာစားလဲမေးရင် “အကုန်စားတယ်”။ ဘယ်အချိန်စားလဲမေးရင်လည်း “ကြိုက်တဲ့အချိန်၊ ဆာတဲ့အချိန်စားတယ်” လို့ပဲ ဖြေလို့ရတယ်။

အရက်သောက်လားမေးရင် ဘီယာ သို့မဟုတ် ဝိုင်သောက်တယ်။ ပုံမှန်တော့ မဟုတ်ပေမယ့် တစ်လတစ်ခါ၊ တစ်ပတ်တစ်ခါလောက် သောက်ဖြစ်တယ်။ သောက်ရင်လည်း မူးတဲ့အထိ သောက်တတ်တယ်။ (အခုစာရေးတဲ့အချိန်အထိ မသောက်တာ ရက်ပေါင်း ၁,၀၀၀ ကျော်သွားပါပြီ။)

လေ့ကျင့်ခန်းလုပ်လားမေးရင် ဝိတ်မတဲ့လေ့ကျင့်ခန်းကတော့ ကိုယ်ကြိုက်တဲ့လေ့ကျင့်ခန်းဖြစ်နေလို့ တစ်ပတ်ကို အနည်းဆုံး ၄ ရက်ကနေ ၅ ရက်အထိ လုပ်လေ့ရှိတယ်။

ဝတဲ့အထဲပါလားမေးရင် မပါဘူးလို့ ပြောလို့ရတယ်။ ဗိုက်ကတော့ ချပ်နေတဲ့အထဲ မပါပေမယ့် abs လို့ခေါ်တဲ့ ဗိုက်ကြွက်သားကို ညှစ်လိုက်ရင် လေးခုလောက် ပေါ်နေတတ်ပြီး အောက်ဗိုက်မှာတော့ အဆီနည်းနည်းရှိတယ်။

အကြမ်းဖျင်းပြောရရင် lean type ထဲမှာပဲ ရှိနေခဲ့တာပေါ့။

ဒါတွေကတော့ ကျွန်တော့်ရဲ့ အလေ့အကျင့်ဖြစ်နေတဲ့ နေထိုင်မှုပုံစံတွေပါ။

ဘယ်လိုအမှားတွေကြောင့် ဒီလိုဖြစ်လာတာလဲ
--------------------------------------------

ဒီလိုမျိုး အချိန်တော်တော်ကြာ နေလာခဲ့တဲ့သူက ဘယ်လိုလုပ်ပြီး ပေါင် ၂၀ ဝန်းကျင်လောက် တက်လာခဲ့လဲဆိုတဲ့ အမှားတွေကို မှတ်မိသလောက် တစ်ခုချင်းစီ ပြန်ပြောပြပါမယ်။

အသက်အရွယ်ကြောင့် ဖြစ်လာတဲ့ ပြောင်းလဲမှုတွေ
------------------------------------------------

အခု အသက် ၄၁ ရောက်လာတဲ့အချိန်မှာ အရင် အသက် ၃၀ တုန်းကလို စိတ်ကသာ တွေးနေပေမယ့် ခန္ဓာကိုယ်ကတော့ အဲ့လို လုံးဝမတွေးတော့ပါဘူး။ 😅

အိပ်ချိန် ပိုလိုအပ်လာတယ်။ အားကစားလုပ်ပြီး နားချိန် ပိုလိုအပ်လာတယ်။ အသက်အရွယ်နဲ့အမျှ metabolism လည်း ပြောင်းလဲလာနိုင်တယ်။

ဒါကြောင့် လွန်ခဲ့တဲ့ ၁၀ နှစ်ကျော်က အသက် ၃၀ ဝန်းကျင်တုန်းကလို လုပ်ချင်သလိုလုပ်ပြီး စားချင်သလိုစားနေလို့ အမြဲတမ်း အတူတူမဖြစ်တော့ဘူးဆိုတာ နောက်ပိုင်းမှ သတိထားမိလာတယ်။

အစားအသောက်ကို မစောင့်ကြည့်ခဲ့တာ
--------------------------------------

အစားအစာ ဘာစားလဲ၊ ဘယ်လောက်စားလဲ၊ ဘယ်အချိန်စားလဲ လာမေးရင် တကယ်တမ်း ဘာမှတိတိကျကျ အဖြေမရှိခဲ့ပါဘူး။

စားချင်တာစားတယ်။ ဗိုက်ဆာရင်စားတယ်။ ကြိုက်တဲ့အစားအစာတွေ့ရင် စားတယ်။ တစ်ခါတလေလည်း စားချင်မှစားတယ်။

ညဘက် အချိန်မတော် ရုပ်ရှင်ကြည့်ရင်း အာလူးကြော်၊ လက်ဖက်သုပ်၊ ကိုလာလိုဟာတွေ ထစားထသောက်တာလည်း ရှိတယ်။

အဓိကကတော့ ကိုယ်စားနေတာ ဘယ်လောက်ရှိသွားလဲဆိုတာ မသိခဲ့တာပါ။

အရက်သောက်တဲ့ပုံစံ
---------------------

ကောင်းတာက နေ့တိုင်း ဘီယာ၊ အရက် ဆက်တိုက်သောက်တာတော့ မဟုတ်ဘူး။

မကောင်းတာက ကိုယ့်ကိုယ်ကို မထိန်းနိုင်တဲ့အထိ သောက်တတ်တာပါပဲ။

အဲ့ဒီလို စားသောက်နေထိုင်ပုံတွေကို တစ်ခုချင်းစီကြည့်ရင် “ဒါလောက်နဲ့ ဘာဖြစ်မှာလဲ” လို့ ထင်နိုင်ပေမယ့် နှစ်တွေကြာလာတဲ့အခါ စုစုပေါင်းအကျိုးသက်ရောက်မှုက မတူတော့ဘူးဆိုတာ နောက်ပိုင်းမှ နားလည်လာတယ်။

လေ့ကျင့်ခန်းလုပ်ပေမယ့် ဘာလုပ်နေမှန်း မသိခဲ့တာ
-------------------------------------------------

ဝိတ်မတာကို ကြိုက်နှစ်သက်လို့ လုပ်ဖြစ်တယ်။ ဗိုက်ကြွက်သားလေ့ကျင့်ခန်းတွေလည်း လုပ်ဖြစ်တယ်။

စိတ်ထဲမှာ မျှော်လင့်တာက Facebook တို့ Instagram တို့မှာ ကိုယ်အားကျရတဲ့သူတွေလို ဖြစ်လာတော့မယ်ဆိုတဲ့ စိတ်နဲ့ပေါ့။

ဘယ်လိုလေ့ကျင့်ခန်းလုပ်လဲ လာမေးရင်လည်း အဖြေကောင်းကောင်းမရှိဘူး။

လုပ်တတ်တဲ့ biceps exercise၊ shoulder press၊ chest press စတာတွေ လုပ်တယ်။ Machine သုံးလို့ရတဲ့အချိန် သုံးတယ်။ မရတဲ့အချိန် မသုံးဘူး။

ဘယ်လောက်အလေး မခဲ့လဲဆိုတာတွေကိုလည်း မှတ်ထားလေ့မရှိဘူး။ Video နဲ့ photo တွေရိုက်ထားလို့သာ “ငါ ဒီလောက်တော့ မနိုင်ခဲ့တယ်” ဆိုတာလောက် သိရတယ်။

အတိုချုံးပြန်ပြောရရင်—

အလေးဘယ်လောက်မလဲ မှတ်တမ်းမရှိဘူး။
အကြိမ်အရေအတွက် ဘယ်လောက်လုပ်လဲဆိုတာလည်း မမှတ်မိဘူး။
ဘယ်ခန္ဓာကိုယ်အစိတ်အပိုင်းအတွက် လေ့ကျင့်နေတာလဲဆိုတာလည်း သေချာမသိဘူး။
နောက်တစ်ကြိမ် ပိုကောင်းအောင် ဘယ်လိုတိုးတက်အောင်လုပ်မလဲဆိုတာလည်း မစဉ်းစားခဲ့ဘူး။
အနားယူတာကိုလည်း သိပ်ဂရုမစိုက်ခဲ့ဘူး။

အဓိကက Gym သွားတာနဲ့ တိုးတက်အောင်လေ့ကျင့်တာ မတူဘူး ဆိုတာကို အဲ့ဒီအချိန်က မသိခဲ့တာပါ။

အနားယူတာနဲ့ အိပ်စက်တာကို ဂရုမစိုက်ခဲ့တာ
--------------------------------------------

ညဘက် ကော်ဖီသောက်ထားတာတောင် ခေါင်းချတာနဲ့ အိပ်နိုင်လို့ အိပ်တာအတွက်က ပူစရာမလိုဘူးလို့ ထင်ခဲ့တယ်။

ဒါပေမယ့် အားကစားလုပ်ပြီး ခန္ဓာကိုယ်ကို ပြန်နားပေးဖို့ဆိုတာ မစဉ်းစားမိခဲ့ဘူး။

အိပ်တာဆိုရင်လည်း ဘယ်လောက်အိပ်သင့်တယ်ဆိုတာ မတွေးဖြစ်ခဲ့ဘူး။

ဘောလုံးပွဲတွေထိုင်ကြည့်တတ်လို့ တချို့ရက်တွေဆို ၃ နာရီလောက်ပဲ အိပ်တဲ့နေ့တွေတောင် ရှိခဲ့တယ်။

ဒီလိုနဲ့ ပေါင် ၁၄၀ ကနေ ၁၆၁ အထိ
---------------------------------

အခုလို အမှားတွေကြောင့်ပဲ မထင်မှတ်ဘဲ အချိန်တော်တော်ကြာ တန့်နေခဲ့တဲ့ အလေးချိန် ပေါင် ၁၄၀ ဝန်းကျင်ကနေ ၂၀၂၆ ခုနှစ်အစလောက်မှာ ပေါင် ၁၆၁ လောက်အထိ ရောက်သွားခဲ့တာပါပဲ။

ပေါင် ၁၅၂ နဲ့ ဆက်ချနေတုန်းပဲ
------------------------------

အခုစာရေးနေတဲ့အချိန်မှာတော့ ပေါင် ၁၅၂ လောက်ပဲ ပြန်ဖြစ်နေပါပြီ။

ဘယ်လိုတွေ ပြင်ခဲ့လဲဆိုတာကို အချိန်ရရင် ရသလို စာရေးချင်ရေးမယ်၊ video တင်ချင်တင်မယ်ပေါ့။ 😄

စိတ်ဝင်စားရင်လည်း ဘာတွေသိချင်တယ်၊ ဘာအကြောင်းဆက်ရေးစေချင်တယ်ဆိုတာ comment မှာ တစ်ခုခုရေးခဲ့ပေးပါလား။

19/07/2026

2026 မှာ volume များများ sets များများ လုပ်ဖြစ်တာ ဘာလဲဆိုရင် အောက်ပိုင်း လေ့ကျင်ခန်းတွေများပါတယ်။ Leg days စလုပ်ခါစက total volume 1,000kg ကနေလုပ်လာလိုက်တာ ၆လတာအတွင်း တစ်ရက် sets တွေပေါင်းကြည့်ရင် 11,000kg 12,000kg ဝန်းကျင်ရှိနေပြီ။ ‌

လေ့ကျင့်ခန်းမှန်မှန်သာ လုပ်ပါ။ ခန္ဓာကိုယ်က အရင်ရက်တွေ လုပ်ခဲ့တဲ့ အလေး‌ချိန်တွေ အကြိမ်အရေအတွက်တွေ ပို မ လာနိုင်ပါလိမ့်မယ်

24/05/2026

23/05/2026

Beach vibe

Shot with Sony A7iii and Viltrox 28mm f4.5