12/09/2026
Kungiyar Jama’atu Izalatil Bidi’ah Wa Iqamatis Sunnah Ta Kai Ziyarar Jaje Ga Alhaji Sa’idu Abubakar Kwati.
Jim Kadan Bayan Kammalla Sallar Juma’ah a Masallacin Nasarawa Tawagar Shugaban Kungiyar Jama’atu Izalatil Bidi’ah Wa Iqamatis Sunnah reshen Karamar Hukumar Kontagora Sun Ziyarci Alhaji Sa’idu Abubakar Kwati Wanda Shine Shugaban Kwamitin Tafsir Na Wannan Kungiya,Bisa Ibtila’i na Gobara da ya tashi a Yadin da Yake Ajiye tankokinsa,Wanda cikin taimakon Ubangiji ta’ala Hukumar Kashe Gobara Tayi Nasarar kashe Wannan Gobara da ya tashi,Kuma ba’a Samu hasarar Rayuwa ba.
Shugaban Kungiyar Yayi Addu’a Cikin alhini da tausayawa dangane da abinda aka rasa na dukiya,Yayi Addu’ar Allah ya Tsare gaba,ya bada hakuri da juriya,ya Kuma musanya Abinda aka rasa da Mafificin Alheri.
Alhaji Sa’idu Abubakar Kwati Yayi Jinjina tare da Godiya Gameda da Wannan Ziyara,ya Kuma Bayyana Wannan ibtila’i a Matsayin jarabawa,ya Kuma kara Godewa Allah da Abin ya tsaya a Iya dukiya Kawai.
Jibwis Kontagora
Jibwis Niger State
Jibwis Nigeria TV
