04/09/2026
Takk for summinga
Du kom med våren,
med mjuke venger og bustete kropp,
frå blome til blome
bar du livet vidare
utan å be om noko tilbake.
Du summa gjennom sommaren,
arbeidde medan vi andre
berre såg blomane stå i flor.
Kanskje visste vi ikkje alltid
kor mykje vi hadde å takke deg for.
No sit du stille
på den siste gule blomen,
og vengene skal snart få kvile.
Takk, vesle humle,
for kvar blome du besøkte,
for frøa du hjelpte fram,
for summinga mellom gras og kronblad,
og for at du gjorde verda
litt meir levande.
No kan du kvile.
Sommaren hugsar deg.
Blomane hugsar deg.
Og eg skal òg gjere det. 🐝🌼
God siste reis, vesle ven.
