27/07/2026
🚨 देवानगञ्ज घटनाको निष्पक्ष छानबिनको माग
सुनसरीको देवानगञ्ज गाउँपालिका–३, कप्तानगञ्जमा साउने सोमबारको बोलबम यात्राका क्रममा भएको हिंसात्मक झडपबारे प्रतिनिधिसभा सदस्य ई. दीपककुमार साहले निष्पक्ष छानबिनको माग गरेका छन्।
सोमबार राति करिब १० बजे दुई समुदायबीच भएको झडपमा २४ वर्षीय ओमप्रकाश मेहताको मृत्यु भएको छ। घटनामा घाइते भएका ८ जनाको विराटनगरका विभिन्न अस्पतालमा उपचार भइरहेको छ, जसमा अधिकांशलाई गोली लागेको जानकारी दिइएको छ।
