09/07/2026
-City of Imus
🌍 Basura Mo, May Cash at Reward Pa!
Alam mo ba na may pera sa basura? Sa lungsod ng Imus, buhay na buhay ang mga programang pangkalikasan na hindi lang nakakatulong sa komunidad, may dagdag-kita pa para sa iyo!
Hindi kaya ng pamahalaan mag-isa, kaya kailangan ang tulong ng bawat Imuseño sa pamamagitan ng mga ito:
●3R’s Program (Reduce, Reuse, Reward): Hinihikayat ang lahat ng 97 barangay na mag-ipon ng mga kalakal o recyclables mula sa bahay. Pwede itong dalhin sa inyong barangay para maipakilo at mapalitan ng cash!
●3C’s Program (Cook, Collect, Contribute): Huwag itapon kung saan-saan ang mga nagamit na mantika! Kolektahin ito at ibigay sa barangay para maging eco-friendly Bio-Fuel.
Bukod sa mga ito, tuloy-tuloy din ang lungsod sa mga daily clean-up drives at dredging na malikita sa larawan para mapanatiling malinis at ligtas ang Imus at kita din ang magandang resulta nito.
Diba nakakahiya naman sa kanila na araw-araw na naglilinis. Umulan man or umaraw tapos tayo panay tapon ng kalat kung saan-saan sabay reklamo at puro kyaw-kyaw pag nag-baha. 😅
Pero honestly, goodjob ang ating syudad sa kalinisan. Meron pa din namang rooms for improvement (lahat naman tayo meron unless perfect ka) pero +A sa effort ang ating syudad.
Kaya simulan natin sa ating mga tahanan. Mag-segregate, magbenta, at makibahagi para sa mas malinis na Lungsod ng Imus! 💚
Maari din kayong makipag-ugnayan sa Office of the City Environment and Natural Resources Officer - Imus City.
