16/02/2026
PAALALA PO SA LAHAT NG PASAHERO
Sa bawat biyahe ng jeep, may driver na umaasa sa bawat pamasahe para may maiuwi sa pamilya.
Pakiusap po na iwasan natin ang “123” o ang hindi pagbabayad ng pamasahe, lalo na kapag rush hour at mas delikado ang biyahe. Ang pagsabit ay hindi lang bawal, maaari rin itong magdulot ng aksidente.
Hindi po biro ang gastos sa araw-araw — boundary, diesel, maintenance, at pagod ng maghapon. Maliit man ang pamasahe para sa ilan, malaking bagay po ito sa mga naghahanapbuhay nang marangal.
Kung sakaling kapos o may problema, mas mabuting makiusap nang maayos kaysa manlamang. Ang respeto at malasakit sa kapwa ay libre, pero napakahalaga.
Maraming salamat po sa pag-unawa. Sana’y maging ligtas at maayos ang biyahe nating lahat. 🚍
