01/11/2024
1. Ginoo kong Jesucristo
2. Mituo Ako
3. 3 ka Amahan Namo, 3 ka Maghimaya ka Maria, 3 ka Himaya sa Amahan
4. Maghimaya ka Rayna
5. Requiem
Mao kining mosunod:
Tungod sa timaan sa Santa Cruz, sa among mga kaaway, bawion mo kami Ginoong Dios namo.
Sa ngalan sa Amahan + sa Anak ug sa Espiritu Santo. Amen.
1. Ginoo kong Jesucristo
Ginoo kong Jesucristo Dios ug tawo nga matuod, magbubuhat ug manunubos ko, tungod sa pagka Dios mo nahigugma ako kanimo labi sa nga tanan, busa nagbasol na ako ug daku uyamot ug naghinulsul na ako sa akong mga sala nga tanan sa bug-os kong kasing-kasing, ug nagsaad na ako sa malig-on nga dili na magpakasala pag-usab ug likayan ko na man ang mga kahigayonan sa pagpakasala ug magakompisal man ako ug magatuman sa penitencia nga isugo kanako. Ihalad ko man kanimo ang akong kinabuhi, mga buhat ug kabudlayan nga tanan, nga igabayad ko sa akong mga sala ug milaom ako sa imong Diosnong kaayo ug kalooy nga walay katapusan nga pasayloon mo ako tungod sa pagpasakit ug pagkamatay Mo sa Krus ug hatagan Mo ako sa imong Santos nga grasya nga ikabalhin ko sa akong mga gawi ug ikapadayon ko pagtuman sa mga maayong buhat kutob sa ikamatay ko. AMEN.
2. Mituo Ako
Mitoo ako sa Dios, ang Amahan Makagagahum sa tanan
Magbubuhat sa langit ug sa yuta.
Mitoo ako kang Jesucristo Iyang Bugtong Anak, atng Ginoo.
Gipanamkon Siya sa lalang sa Espiritu Santo
Ug natawo kang Santa Maria ng ulay.
Nag-antos Siya ubos sa sugo ni Poncio Pilato
Gilansang sa kruz, namatay ug gilubong.
Minaog Siya sa mga nangamatay.
Sa ikatulong adlaw nabanhaw Siya.
Misaka Siya sa langit ug nagalingkod sa too sa Dios Amahan
Makagagahum sa tanan.
Gikan didto mobalik Siya aron sa paghukom sa mga buhi ug sa mga minatay.
Mitoo ako sa Espiritu Santo
Sa Santa Iglesia kristiano
Sa panag-ambit sa mga Santos
Sa kapasaylo-an sa mga sala
Sa pagkabanhaw sa lawas
Ug sa kinabuhing walay katapusan.
Amen.
3. 3 ka Amahan Namo, 3 ka Maghimaya ka Maria, 3 ka Himaya sa Amahan
4. Maghimaya ka Rayna
Maghimaya ka Rayna, Inahan sa kaluoy ug kinabuhi,
Kinatam-is ikaw ang gi-lauman namo, Maghimaya Ka!
Nagapanawag kami kanimo,
Kaming mga hininginlang anak ni Eba,
Nagapanghupaw kami, Nanag-agulou, nanagpanghilak,
Dinhi niining walog nga luhaan.
Dad-a ang among mag-alampo,
ipakita mo kanamo kanang imong ga mata nga maloloy-on
Kon tapos na kining paghingilin ipakita mo kanamo
Ang imong Anak nga si Hesus,
Ang Mahal nga Bunga sa tiyan mo.
Ay maaghop!, Ay maluluy-on,
Ay matam-is nga Birhen Maria!
Ig-ampo mo sila Santa nga Inahan sa Dios, aron mahimo silang takus pagdangat sa mga saad ni Kristo. Amen.
5. Requiem
Pahulay nga dayon ihatag kanila O Ginoo, ug ang kahayag nga way pagkapalong modan-ag unta kanila hangtod sa kahangtoran.
Nga ilang kalag ug ang kalag sa tanang nangamatay mopahulay na unta sa kalinaw. AMEN.
Sa ngalan sa Amahan + sa Anak + ug sa Espiritu Santo. AMEN.
Ctto: Rev. Fr. Darwin Gitgano
