29/02/2024
دوسگے بھائیوں کے قتل سمیت قتل اقدام قتل سرقہ بالجبر حبس بے جا میں رکھنے پولیس ملازمین پر فائرنگ ،ہوائی فائرنگ لڑائی جھگڑا اور دیگر نوعیت کے 10 سے ذاہد مقدمات میں مطابق ملزم اسلام آباد سے گرفتار،آلہ قتل برآمد ،دیگر سہولت کار بھی گرفتار،ایس ایس پی بھمبر راجہ محمد اکمل خان نے ڈی ایس پیز محمد نصیر خان خواجہ عبدالقیوم ،پی ڈی ایس پی راجہ اشفاق خان کے ہمراہ پریس کانفرنس میں بتایاکہ شہریوں کے جان و مال کا تحفظ پولیس کی اولین ذمہ داری ہے۔حکومت آزادکشمیر،آئی جی پولیس کی خصوصی ہدایات پر جرائم پیشہ عناصرکے گرد گھیرا تنگ کیاجارہاہے۔جرائم کی بیخ کنی کررہے ہیں،ایس ایس پی بھمبر نے اسلام آباد پولیس،سی ٹی ڈی،گجرات پولیس و پنجاب پولیس کے تعاون پر بھی شکریہ اداکیا۔ایس ایس پی نے کہاکہ ڈی ایس پی محمد نصیرخان ڈی ایس پی خواجہ عبدالقیوم کی پوری ٹیم کو سراہتے ہیں۔تھانہ سٹی کی حدود درائیاں میں دو سگے بھائیوں کوسابقہ دشمنی و رنجش پر بے دردی سے قتل کرنے والا ملزم قیصر اور دیگر ساتھی ملزمان گرفتار ہوچکے ہیں۔گزشتہ سال اگست اور ستمبر کی درمیانی رات درائیاں میں دوہرے قتل کا واقع ہوا۔ جس میں دوبھائی مقدس صدیق ،احسن صدیق کواشتہاری قیصر نے فائرنگ کرکے قتل کیا ،خطرناک اشتہاری کے خلاف
12 سنگین مقدمات کا اندراج تھا،پولیس پر بھی یہ فائرنگ میں ملوث تھا ۔ڈی ایس پی محمدنصیر،ڈی ایس پی خواجہ قیوم کی ٹیم نے اس سے قبل 5 سہولت کارسہیل ،شامو وغیرہ کو اسلحہ سمیت گرفتارکئے۔ملزم کے بھائی کو بھی گرفتار کیاگیا۔جدید ٹیکنالوجی ،ڈرون کیمرہ کا استعمال،سرچ آپریشن کیاگیا ۔یہ ملزم خندقیں کھود کرچھپ جاتا تھا، اسلحہ بھی چھپایارکھا۔ملزم کے بین الصوبائی سطح پر اشتہاری مجرموں سے روابط تھے۔یہ ملزم پولیس پارٹی مدعیان کو بھی دھمکیاں دیتاتھا۔ملزم کے گھر کے پاس وسیع گھنا جنگل ہے جس میں یہ اکثر اوقات روپوش رہا۔
ایس ایس پی نے بتایاکہ ملزم کو گرفتار کرنے والی پولیس ٹیم ایس آئی عمیررشید،اے ایس آئی وسیم رزاق ،محمدشہباز،عنصر امین و دیگر کو شاباش دیتے ہیں دوران پریس کانفرنس مختلف اخبارات ٹی وی چینلز کے نمائندگان ممبرز پریس کلب ودیگر موجودتھے رپورٹ بلال کشمیری
