03/03/2026
بخدمت جناب سید فدا حسن شاہ صاحب (آر پی او ملاکنڈ)
فرزندِ چترال، فخرِ خیبر پختونخوا
جنابِ عالی!
ہم عوامِ چترال، بالخصوص ضلع اپر چترال کے غیور عوام، آپ کی مخلصانہ قیادت اور جرات مندانہ اقدامات پر آپ کو ہدیہ تبریک پیش کرتے ہیں۔ آپ نے بحیثیت آر پی او (RPO) ملاکنڈ چارج سنبھالتے ہی جس طرح عوامی مسائل کو اپنی ترجیحات میں شامل کیا، وہ ہم سب کے لیے باعثِ فخر ہے۔
آپ کی انتھک کوششوں کی بدولت آج غریب عوام نے سکون کا سانس لیا ہے۔ وہ سنگین مقدمات، ایف آئی آرز اور دہشت گردی کی دفعات جن کا بوجھ عوام عرصہ دراز سے اٹھائے ہوئے تھے، آپ کے کلیدی کردار کی وجہ سے ختم ہوئے۔ آپ نے نہ صرف برسوں پرانے ذاتی اور گروہی اختلافات کا خاتمہ کیا، بلکہ پولیس اور عوام کے درمیان حائل خلیج کو دور کر کے ایک مثالی دوستانہ اور پرامن ماحول بحال کیا۔
آپ نے غریب طبقے کو جس ذہنی کرب اور مصیبت سے نجات دلائی ہے، وہ آپ کی انسانیت دوستی اور انصاف پسندی کا منہ بولتا ثبوت ہے۔ آپ کی یہ ہمدردانہ خدمات چترال کی تاریخ میں ہمیشہ سنہری حروف سے لکھی جائیں گی۔
ہم دعاگو ہیں اور امید کرتے ہیں کہ آپ مستقبل میں بھی علاقے کی بہتری، امن و امان کے قیام اور مظلوموں کی داد رسی کے لیے اسی طرح اپنا کلیدی کردار ادا کرتے رہیں گے۔
شکریہ و نیک تمنائیں،
عوامِ چترال
