The Beauty of Bharary

The Beauty of Bharary ہم تھل بھریڑی کی خوبصُورتی، ثقافت اور مقامی ورثے کو دُنیا کے سامنے پیش کرنے کے لیے کوشاں ہیں It represents Beauty of "Thall Bharary"

Some Results Glimpses 💖
06/09/2026

Some Results Glimpses 💖

بہترین رزلٹ کے نتیجے میں محمد عرفان خان EST Science گورنمنٹ شیخ جاسم بوائز ہائی اسکول بھریڑی کو CEO ایجوکیشن جھنگ جناب ت...
05/09/2026

بہترین رزلٹ کے نتیجے میں محمد عرفان خان EST Science گورنمنٹ شیخ جاسم بوائز ہائی اسکول بھریڑی کو CEO ایجوکیشن جھنگ جناب تنویر احمد غزالی نے تعریفی سرٹیفکیٹ سے نوازا 💖

شہباز علی بھریڑی — تھانہ کوٹ شاکر کے مخلص اور عوام دوست افسر 💖تھانہ کوٹ شاکر میں تعینات شہباز بھریڑی اپنی مخلصانہ طبیعت،...
04/09/2026

شہباز علی بھریڑی — تھانہ کوٹ شاکر کے مخلص اور عوام دوست افسر 💖

تھانہ کوٹ شاکر میں تعینات شہباز بھریڑی اپنی مخلصانہ طبیعت، خوش اخلاقی اور عوام کے ساتھ بہترین رویے کی وجہ سے ایک قابلِ تعریف افسر کے طور پر پہچانے جاتے ہیں۔ وہ خصوصاً غریب اور ضرورت مند عوام کی بات توجہ سے سنتے ہیں اور ان کے مسائل کے حل کے لیے ہر ممکن تعاون کرنے کی کوشش کرتے ہیں۔

شہباز بھریڑی کا عوام کے ساتھ نرم اور شائستہ رویہ، ہر شہری کو عزت دینا اور مشکل وقت میں لوگوں کا ساتھ دینا ان کی شخصیت کا نمایاں وصف ہے۔ ان کی کوشش ہوتی ہے کہ تھانے سے رجوع کرنے والے ہر شخص کو عزت، توجہ اور مناسب رہنمائی فراہم کی جائے۔

ایسے مخلص، فرض شناس اور عوام دوست اہلکار ہی پولیس اور عوام کے درمیان اعتماد کا رشتہ مضبوط کرتے ہیں۔ شہباز بھریڑی کی عوامی خدمت اور غریب لوگوں کے ساتھ تعاون قابلِ تحسین ہے۔
تحریر محمد یعقوب خان مزاری

سرکاری اسکول ، معیاری اسکول 💖اس بار جب کلاس نہم کا رزلٹ دیکھا تو واقعی حیرانگی کی حد نہ رہی گورنمنٹ شیخ جاسم بوائز ہائی ...
03/09/2026

سرکاری اسکول ، معیاری اسکول 💖
اس بار جب کلاس نہم کا رزلٹ دیکھا تو واقعی حیرانگی کی حد نہ رہی گورنمنٹ شیخ جاسم بوائز ہائی اسکول بھریڑی کے ہونہار طالب علم کرامت علی نے علاقہ تھل کے تمام اسکولوں کو پیچھے چھوڑتے ہوئے 529/555 نمبر حاصل کیے.
اس عظیم کامیابی پر ہیڈ ماسٹر گورنمنٹ شیخ جاسم بوائز ہائی اسکول بھریڑی جناب اعجاز حسین باقی صاحب ، کلاس انچارج محترم شیراز حسین بھریڑی (فزکس ٹیچر), جملہ اسٹاف ، طلبہ اور والدین کو مبارکباد 💜
جب میں نے رزلٹ کا بغور جائزہ لیا تو معلوم ہوا ہے کہ نہ صرف نمایاں نمبر لیکر کامیابی حاصل کی بلکہ مجموعی طور پر کامیابی کا تناسب 86 فیصد جبکہ بورڈ کی کامیابی کا تناسب 51 فیصد تھا جو کہ بہت اچھا رہا ،
مزید جب ہم تفصیل کیساتھ رزلٹ کو دیکھتے ہیں تو فزکس، ریاضی ، بائیولوجی ، کمپیوٹر سائنس، ترجمتہ القرآن مجید اور اسلامیات جوکہ بالترتیب کلاس انچارج شیراز حسین بھریڑی صاحب (STI SSE Physics), برکت علی بھٹی صاحب (SST Math), نعیم اللّٰہ خان صاحب (EST Math), مزمل ممتاز صاحب (STI SSE CS)، قاری اعجاز صاحب (EST Arabic) اور انور صدیقی صاحب (EST G) پڑھاتے رہے ان مضامین میں 100 فیصد رزلٹ رہا ،
اس کے علاؤہ علاقہ تھل میں انگریزی مضمون کا اس سے اچھا رزلٹ کبھی نہیں آیا اور اس پر تعریف بھی بنتی ہے جو کہ اس مرتبہ آیا اس میں 88 فیصد طلباء نے کامیابی حاصل کی جوکہ ایک نہایت ہی محنتی اور ایماندار شخصیت جناب محمد تقی سجاد صاحب (STI SSE English) انتہائی لگن کیساتھ پڑھاتے رہے ،
اس کیساتھ ساتھ کیمسٹری اور اُردو کا نتیجہ بھی 90 فیصد سے زائد رہا جو کہ محترم جناب عرفان خان صاحب (EST Science) اور جناب حاجی اعجاز صاحب (EST G)
پڑھاتے رہے ، اس بار کیمسٹری دہم کا رزلٹ نہایت ہی شاندار رہا اور تقریباً 21 اسٹوڈنٹس نے 90 فیصد سے زائد نمبرز حاصل کیے ،

پہلے ہمیشہ پرائیویٹ ادارے ہی نمبر لیتے تھے لیکن اس بار سرکاری گورنمنٹ شیخ جاسم ہائی اسکول بھریڑی نے واقعی کمال کر دیا ہے ،
علاقہ تھل کے لوگوں سے گزارش ہے کہ سرکاری اسکول پر اعتماد کریں ،
💖

مبارکباد 💖
02/09/2026

مبارکباد 💖

گورنمنٹ ہائی اسکول شیخ جاسم بوائز بھریڑی ، نہم کلاس رزلٹ 2026💖
02/09/2026

گورنمنٹ ہائی اسکول شیخ جاسم بوائز بھریڑی ، نہم کلاس رزلٹ 2026
💖

ظفر بھائی کو تئیس سالہ شاندار فوجی خدمات کے بعد ریٹائرمنٹ پر دلی مبارکباد! 🇵🇰🫡وطنِ عزیز کی خدمت اور ذمہ داریاں فرض شناسی...
30/08/2026

ظفر بھائی کو تئیس سالہ شاندار فوجی خدمات کے بعد ریٹائرمنٹ پر دلی مبارکباد! 🇵🇰🫡
وطنِ عزیز کی خدمت اور ذمہ داریاں فرض شناسی، نظم و ضبط اور بہادری سے نبھانا یقیناً قابلِ فخر اعزاز ہے۔ اللہ تعالیٰ آپ کی تمام خدمات قبول فرمائے اور زندگی کے اس نئے سفر کو صحت، خوشی، سکون اور کامیابیوں سے بھر دے۔ 🤲
ریٹائرمنٹ پر بہت بہت مبارکباد اور نیک تمنائیں! 🇵🇰
پاکستان زندہ باد! 🫡🇵🇰

سلسلہ نمبر 2 ---------------- مُحسنِ قوم بھریڑی، الحاج الحافظ استاد غلام رسول بھریڑی باروی (مرحوم) 23 مارچ 1962ء، بروز س...
29/08/2026

سلسلہ نمبر 2 ---------------- مُحسنِ قوم بھریڑی، الحاج الحافظ استاد غلام رسول بھریڑی باروی (مرحوم)

23 مارچ 1962ء، بروز سوموار کا دن تھا۔ گاؤں بھریڑی میں ہر طرف خوشی کا سماں تھا۔ رسم و رواج کے مطابق پورے گاؤں میں گڑ تقسیم کیا جا رہا تھا، کیونکہ اللہ تبارک و تعالیٰ نے مہر شیر محمد بھریڑی کے گھر ایک چاند سا بیٹا عطا فرمایا تھا۔ اس نومولود کا نام "غلامِ رسول" رکھا گیا۔

یہی بچہ آگے چل کر نہ صرف اپنے خاندان بلکہ پوری قومِ بھریڑی کے لیے ایک قابلِ فخر شخصیت بننے والا تھا۔ آپ نے گاؤں کے واحد مدرسے میں مولانا حافظ محمد علی کی زیرِ نگرانی حفظِ قرآن کریم مکمل کیا۔ اسی دوران استادِ محترم حافظ محمد علی کی غیر موجودگی میں امامت کے فرائض بھی انجام دینا شروع کر دیے۔

غلامِ رسول ایک ایسا نوجوان تھا جس کے چہرے سے شرافت، نیک نیتی، سادگی اور عشقِ رسول ﷺ نمایاں نظر آتا تھا۔ بعد ازاں حافظ محمد شفیع باروی نے مدرسے کی ذمہ داریاں سنبھالیں اور انہی کے توسل سے حافظ غلام رسول نے ولیِ کامل حضرت غریب نواز محمد عبداللہ المعروف پیر بارو شریف رحمۃ اللہ علیہ کے دستِ مبارک پر بیعت کی۔

اللہ تعالیٰ نے استادِ محترم الحاج حافظ غلام رسول باروی کو جوانی ہی میں اپنے گھر اور اپنے محبوب رسول ﷺ کے درِ اقدس کی حاضری اور زیارت کا شرف بھی عطا فرمایا۔

حافظ محمد شفیع باروی کی موجودگی میں اور ان کی وفات کے بعد حافظ غلام رسول باروی نے باقاعدہ مسجد میں امامت کے فرائض سنبھال لیے۔ آپ نے تقریباً 35 سال تک، تا دمِ مرگ، جامع مسجد شہر بھریڑی میں امامت کے فرائض انتہائی اخلاص، پابندی اور ذمہ داری کے ساتھ سرانجام دیے۔ آپ نے اپنی پوری زندگی دینِ اسلام اور رضائے الٰہی کی خاطر جانفشانی سے کام کرتے ہوئے گزاری۔ آپ صرف امامِ مسجد ہی نہیں بلکہ بہت سے لوگوں کے لیے استاد، رہنما، خیرخواہ اور دینی تربیت کا ذریعہ بھی تھے۔

حافظ غلام رسول باروی صاحب ایک ایسی شخصیت کے مالک تھے جن میں دینی خدمت کے ساتھ ساتھ کئی خوبیاں جمع تھیں۔ آپ نے جوانی ہی میں حجِ بیت اللہ کی سعادت حاصل کی اور مکہ مکرمہ و مدینہ منورہ کا یہ مبارک سفر بحری جہاز کے ذریعے کیا۔ آپ ایک اچھے الیکٹریشن بھی تھے۔ بھریڑی میں جب پہلی مرتبہ بجلی آئی تو آپ نے اسی دور میں یہ ہنر سیکھا اور اپنی اس صلاحیت کے ذریعے بھی لوگوں کے کام آتے رہے۔ آپ کی شخصیت میں علم، عمل، سادگی، شرافت، خدمتِ خلق اور محبتِ رسول ﷺ کا حسین امتزاج نظر آتا تھا۔

استادِ محترم کا ایک نمایاں وصف یہ بھی تھا کہ آپ سرکارِ دو عالم حضرت محمد مصطفیٰ ﷺ کی آمدِ مبارک کا جشن منانے میں ہمیشہ پیش پیش رہتے تھے۔ فروری 2012ء میں جشنِ عید میلاد النبی ﷺ کے سلسلے میں تیاریاں عروج پر تھیں۔ ہر طرف جشنِ میلاد النبی ﷺ کے جلوس کی تیاریاں جاری تھیں اور حافظ غلام رسول باروی صاحب بھی اسی سلسلے میں لوگوں سے رابطے میں تھے، تاکہ اپنے پیارے نبی ﷺ کی آمد کا جشن احسن طریقے سے منایا جا سکے۔

کسی کو کیا معلوم تھا کہ جس شخصیت نے ساری زندگی عشقِ رسول ﷺ کو اپنے دل میں بسائے رکھا، وہ اپنے محبوب ﷺ کی بارگاہ میں حاضری کے لیے بہت جلد اپنے رب کے حضور پیش ہونے والی ہے۔

12 ربیع الاول کی رات تھی۔ جشنِ میلاد النبی ﷺ کی تمام تیاریاں مکمل ہو چکی تھیں۔ ابھی رات کا کچھ حصہ باقی تھا کہ صبح تقریباً پانچ بج کر بارہ منٹ پر فرشتۂ اجل آپ کو بارگاہِ خداوندی میں پیش کرنے کے لیے آ پہنچا۔ حافظ غلام رسول باروی صاحب نے اپنی زبان پر کلمۂ شہادت سجائے ہوئے اپنے خالقِ حقیقی سے جا ملے۔

یوں ایک ایسی شخصیت ہم سے رخصت ہوگئی جس نے اپنی پوری زندگی دین، مسجد، قرآن، امامت، اپنے لوگوں اور عشقِ رسول ﷺ کے لیے وقف کر دی تھی۔

حافظ غلام رسول باروی مرحوم کی وفات کے بعد قومِ بھریڑی آج تک ان کا نعم البدل نہیں مل سکا۔ وہ ایک ایسے دور کی یادگار تھے جس میں امامِ مسجد صرف نماز پڑھانے والا نہیں بلکہ بستی کا دینی رہنما، استاد، خیرخواہ اور لوگوں کے دکھ درد میں شریک ہونے والا شخص بھی ہوتا تھا۔

ان کی زندگی ہمارے لیے اس بات کا عملی نمونہ ہے کہ انسان اگر اپنی زندگی اخلاص، محنت، دین کی خدمت، خدمتِ خلق اور محبتِ رسول ﷺ میں گزار دے تو اس کا نام اس کی زندگی کے بعد بھی لوگوں کے دلوں میں زندہ رہتا ہے۔

بندۂ ناچیز کے لیے یہ ایک شرف اور سعادت کی بات ہے کہ اپنے مرحوم استادِ محترم الحاج حافظ غلام رسول باروی صاحب کی شان میں چند الفاظ لکھنے کی سعادت حاصل ہوئی۔ اللہ تعالیٰ ان کی دینی خدمات کو شرفِ قبولیت عطا فرمائے، ان کی قبر کو نور سے بھر دے، درجات بلند فرمائے اور جنت الفردوس میں اعلیٰ مقام عطا فرمائے۔

اللہ تعالیٰ حافظ غلام رسول باروی مرحوم کی کمی کو اپنی رحمت سے پورا فرمائے اور ان کے نقشِ قدم پر چلنے والے لوگوں کو دین و دنیا میں کامیابیاں عطا فرمائے۔

آمین یا رب العالمین 🤲

26/08/2026

افسوسناک واقعہ — ذرا سوچئے!

لواحقین کے مطابق سرائے مہاجر میں پیش آنے والے کار حادثے کے دوران علامہ اللہ بچایا صاحب کی گاڑی میں تقریباً 2 سے 3 لاکھ روپے کی رقم موجود تھی، جو مبینہ طور پر غائب ہو گئی ہے۔

ہمیں ذرا سوچنا چاہیے کہ ہم کیسے مسلمان ہیں؟
اتنے بابرکت دن، عید میلاد النبی ﷺ کے موقع پر بھی ہم کسی کا حق ہڑپ کرنے کا موقع ہاتھ سے نہیں جانے دیتے۔

حضور اکرم ﷺ کی محبت صرف نعروں اور چراغاں تک محدود نہیں ہونی چاہیے، بلکہ امانت، دیانت، سچائی اور دوسروں کے حقوق کی حفاظت بھی ہماری زندگی کا حصہ ہونی چاہیے۔

اللہ تعالیٰ ہمیں حقیقی معنوں میں اپنے پیارے نبی حضرت محمد ﷺ کی سنتوں پر عمل کرنے کی توفیق عطا فرمائے۔ آمین۔ 🤲

جھنگ روڈ حادثے میں مفتی اللہ بچایا صاحب زخمیجو مظفرگڑھ سے منکیرہ پروگرام پہ جا رہے تھے۔۔۔آج 9 بجے مفتی اللہ بچایا صاحب ...
26/08/2026

جھنگ روڈ حادثے میں مفتی اللہ بچایا صاحب زخمی
جو مظفرگڑھ سے منکیرہ پروگرام پہ جا رہے تھے۔۔۔
آج 9 بجے مفتی اللہ بچایا صاحب نے ڈھنگانہ میں بھی خصوصی خطاب کرنا تھا۔
جن کو ڈسٹرکٹ ہسپتال بھکر منتقل کردیا گیا
اللہ پاک مفتی صاحب کو شفاء کاملہ عطاء فرمائے آمین

Address

Post Office Bharary, Tehsil 18 Hazari
Jhang
35200

Telephone

+923127726536

Website

Alerts

Be the first to know and let us send you an email when The Beauty of Bharary posts news and promotions. Your email address will not be used for any other purpose, and you can unsubscribe at any time.

Shortcuts

Share

Category