19/07/2026
ٹانک کے پیزو روڈ پر گل امام پولیس اسٹیشن کی حدود میں پاک آرمی اور ٹانک پولیس نے مشترکہ کارروائی کرتے ہوئے ڈکیتی کی واردات کے دوران تین مطلوب ملزمان کو رنگے ہاتھوں گرفتار کر لیا۔ کارروائی میں ملزمان کے قبضے سے مسروقہ رقم بھی برآمد کر لی گئی، جبکہ انہیں مزید قانونی کارروائی کے لیے پولیس کے حوالے کر دیا گیا۔
ذرائع کے مطابق ضلع میں امن و امان، جرائم کے خاتمے اور شہریوں کے تحفظ کے لیے پاک آرمی اور ٹانک پولیس کا باہمی تعاون مؤثر انداز میں جاری ہے۔ مقامی عمائدین اور شہریوں نے مشترکہ کارروائی کو سراہتے ہوئے کہا کہ اداروں کی بہترین ہم آہنگی سے جرائم پیشہ عناصر کی حوصلہ شکنی اور عوام کے اعتماد میں اضافہ ہوا ہے۔
