Dasi log europ wich

21/07/2026

28/06/2026

رونالڈو کے مداحوں کے لیے مایوس کن رات گذشتہ رات میامی میں فیفا ورلڈ کپ دو ہزار چھبیس کا ایک سنسنی خیز مقابلہ دیکھنے کو ملا جہاں پرتگال اور کولمبیا کا میچ صفر صفر سے برابر رہا۔ اگرچہ پرتگال اگلے مرحلے یعنی راؤنڈ آف تھرٹی ٹو کے لیے کوالیفائی کر چکا ہے، لیکن کرسٹینالڈو کے مداحوں کے لیے یہ رات کچھ خاص اچھی ثابت نہیں ہوئی۔رات کو نیند بہت زیادہ تھی اس لیے میں سو گیا تھا، لیکن جب صبح میری آنکھ کھلی تو میرے دل میں یہ تھا کہ پرتگال یہ میچ چار صفر سے جیتے گا اور اس میں سے تین گول اکیلے رونالڈو کے ہوں گے۔ لیکن جیسے ہی میں نے اٹھ کر اس میچ کا اسکور کارڈ اور ہائی لائٹس دیکھیں تو مجھے شدید مایوسی ہوئی۔ رونالڈو نے میری اور تمام مداحوں کی امیدوں پر پانی پھیر دیا اور میرا دل ہی ٹوٹ گیا۔ اس کارکردگی کو دیکھ کر اب یہ بات ماننی پڑتی ہے کہ یہ شیر اب سچ میں بوڑھا ہو چکا ہے۔ازبکستان کے خلاف دو گول کرنے کے بعد اس میچ میں سب کی نظریں سی آر سیون پر تھیں، لیکن کولمبیا کے مضبوط دفاع نے انہیں کھل کر کھیلنے کا موقع نہیں دیا۔رونالڈو کی کارکردگی پر ایک نظر:کھیل کے تجزیہ کاروں اور میڈیا نے انہیں صرف پانچ بٹا دس کی ریٹنگ دی۔ رونالڈو کو گول کرنے کے تین سے چار بہترین مواقع ملے، لیکن بدقسمتی سے وہ انہیں گول میں تبدیل نہ کر سکے۔ ساٹھویں منٹ میں جواؤ فیلکس کے بہترین پاس پر رونالڈو کا شاٹ مس ہوا اور وہ آف سائیڈ بھی پائے گئے۔تجزیہ کاروں کے مطابق اکتالیس سالہ رونالڈو اس میچ میں تھکے ہوئے نظر آئے اور انہیں مڈفیلڈ سے وہ گیندیں نہیں مل سکیں جن کی انہیں ضرورت تھی۔ لیکن بڑا کھلاڑی وہی ہوتا ہے جو اگلے میچ میں واپسی کرے۔اگلا بڑا مقابلہ:اب پرتگال کا سامنا ناک آؤٹ مرحلے میں کرواشیا سے دو جولائی کو ہوگا۔ امید ہے کہ لوکا موڈرچ کی ٹیم کے خلاف رونالڈو اپنے پرانے رنگ میں واپس لوٹیں گے اور ہماری امیدوں پر پورا اتریں گے۔میرے جیسے باقی رونالڈو کے مداحوں کا اس میچ کی ہائی لائٹس دیکھنے کے بعد کیا خیال ہے؟ کیا آپ کو بھی صبح ایسا ہی جھٹکا لگا؟ اپنی رائے کا اظہار ضرور کریں۔