Reeno tv

26/07/2026

25/07/2026

22/07/2026

ولاړ دۓ شکايت کوي باچا ته يو سړۓ دۓ
تړلۓ چا په دشته کښې بلا ته يو سړۓ دۓ

يو ګوټ ته يو سړۓ دۓ يوې خوا ته يو سړۓ دۓ
دعا کوي لګيا دۓ پښتونخوا ته يو سړۓ دۓ

نه زمکه ورکوي او نه د زمکې کاغذونه
يو پلار نه پاتې شوۓ يو کاکا ته يو سړۓ دۓ

دا جنګ زما او ستا نه دۓ د نورو خلقو جنګ دۓ
څه چل يې دۓ جوړ کړۓ ما او تاته يو سړۓ دۓ

دا شل سړي د يو سړي خلاف دي چې دا ولې؟
تيارو ته سړي ډېر دي او رڼا ته يو سړۓ دۓ

يو څو ورځې يې کېږي چې به مړ که به ژوندۓ وي
سره د سرې جهنډې تلۓ غزا ته يو سړۓ دۓ

په نغدو کښې غلمان غواړي بدل کښې د مونځونو
راغلۓ د دې پاس کلي ملا ته يو سړۓ دۓ

دۓ خپله دومره نر نه دۓ چې مونږ پسې راپاڅي
د دې سړي ولاړ لکه چې شا ته يو سړۓ دۓ

شر خوښو ته د امن سپارې وايي ساده دۓ
اقباله ! سرنده وهي سنډا ته يو سړۓ دۓ

اقبال مومند

19/07/2026

23-07-2026

17/07/2026

19-7-2026 fans

16/07/2026

انشاءاللہ