เว็บไซต์คืออะไร?

https://www.facebook.com/100223768946471/

Salween River, ถนนนวมินทร์ซอย 24, Bangkok (2026)

02/09/2026

ทหารมีหน้าที่รักษาชาติ ส่วนผมมีหน้าที่รักษาใจตัวเอง…ไม่ให้ไปรักคนผิด

02/09/2026

ၵၢၼ်မိူင်းလႄႈၵေႃႉႁၵ်ႉ

ၼွင်ႉဢူၺ်

မိူဝ်ႈလဵဝ်ပိူၼ်ႈတိုၼ်ႇသၢၼ်ႈ

ၵၢၼ်ဝၢၼ်ႈၵေႃႈၸၢႆႉၵိူင်း

ၵၢၼ်မိူင်းၵေႃႈလႅၵ်ႈလၢႆႈ

ပီႈဢမ်ႇလႆႈပၢႆႈၼီ

ယုမ်ႉႁၢင်ႈလီဢွၼ်ႇၸၢႆး

ယွၼ်ႉငဝ်းလၢႆးၵၢၼ်မိူင်း

ၶဵၼ်မိူၵ်ႈလိူင်းႁိမ်ၽိုတ်ႉ

ပီႈၵေႃႈလႆႈဝိုတ်ႉဝၢင်း

ၵၢၼ်တၢင်းႁိူၼ်းလၢႆလွင်ႈ

ၸင်ႇၶဝ်ႈယိပ်းၵွင်ႈၼဵၼ်

သင်ၽူႈၶဵၼ်ဝွတ်ႈဝၢႆး

ၶႅၼ်သွၵ်ႇၸၢႆးၸၢင်ႈၶၢႆႉ

ဢမ်ႇဢၢၼ်းၶၢႆႉၽႂ်ၵွင်ႉ

လိူဝ်သေသူၼွင်ႉၵေႃႉလဵဝ်ၼႃႈသူ

ပၢႆၵမ်-သွၼ်ၶိူဝ်းမိူင်း 21.02.2024

02/09/2026

တပ်ႉသိုၵ်းၵႃႈၶႂ်ႈႁႅင်းယႂ်ႇ
ပေႃးၵူၼ်းမိူင်းဢမ်ႇၵမ်ႉထႅမ်
ဢမ်ႇၵႂႃႇလႆႈတၢင်းၼႃႈ
ၵူၼ်းမိူင်းမိူၼ်ၼမ်ႉ တပ်ႉသိုၵ်းမိူၼ်ပႃ
ၵွပ်ႈၼႆတပ်ႉသိုၵ်းၸုမ်းလႂ်ႁဵတ်းသင်ယူႇၼၼ်ႉ
ၵူၼ်းမိူင်းႁဝ်းၶႃႈလူဝ်ႇလဵပ်ႈႁဵၼ်းၸွမ်းႁႂ်ႈႁူႉထိုင်ယိူင်းမၢႆယဝ်ႉ ၸင်ႇၵမ်ႉထႅမ်ၼႆႉလီသေပိူၼ်ႈ
#ၶေႃႈၵႂၢမ်းၸဝ်ႈႁူဝ်ပဝ်ႈလူင်ၸွမ်သိုၵ်းလူင်ယွတ်ႈသိုၵ်း

31/08/2026

เป็นภาพที่สวยงามมาก

31/08/2026

🖤😔

30/08/2026

တွၼ်ႈတႃႇၾူႈသူင်ႁၵ်ႉၵႂၢမ်းတႆး
ၶႆႈၶွတ်ႇၵႂၢမ်းလႆယွၼ်းမႃးလႆႈ

27/08/2026

ပိုၼ်းၸဝ်ႈႁေႃသႅင် သိူဝ်ၶၢၼ်ႇၾႃႉ

ၸိုဝ်ႈမိူဝ်ႈလဵၵ်ႉ ၶုၼ်ယီႈၶၢင်ၶမ်း
ၸိုဝ်ႈပေႃႈ ၸဝ်ႈၽၢင်ႇၶမ်း (ၸဝ်ႈႁေႃၶမ်းဝဵင်းဝၢႆ)
ၸိုဝ်ႈမႄႈ ၼၢင်းဢွၼ်ႇ (ၼၢင်းဝၢင်ၸေႈ)
ၵိူတ်ႇမိူဝ်ႈ ပီတႆး 1384 ၊ ပီၶရိတ်ႉ 1290
တီႈၵိူတ်ႇ ဝၢၼ်ႈၼမ်ႉၵႆႇမေႃႇ ႁိမ်းတိၼ်လွႆလၢဝ်း
ၸဵင်ႇၸၢၼ်းဝၼ်းတူၵ်း မူႇၸေႈ
ၽၢႆႇဢွၵ်ႇ ၵုင်းသႃႇ၊ ၸေႈႁႆး
မီးပီႈၼွင်ႉၽႃၽႄသၢမ်ၵေႃႉ ၶုၼ်ဢၢႆႈငမ်းမိူင်း
ၶုၼ်ယီႈၶၢင်ၶမ်း ၊ ၶုၼ်သၢမ်လူင်

ပီတႆး 1283 ၼီႈ ၸဝ်ႈၽၢင်ႇၶမ်း ၶၢႆႉဢဝ်ဝဵင်းဝၢႆ
မႃးတင်ႈဝဵင်းမႂ်ႇတီႈထုင်ႉမၢဝ်း ႁိမ်းၼမ်ႉပေႃႈ
ၽၢႆႇၸၢၼ်းပၢင်ၶၢမ်းသေဢုပ်ႉပိူင်ႇ မိူင်းမၢဝ်းလူင်ဝႆႉယဝ်ႉ။
ၸဝ်ႈၽၢင်ႇၶမ်းၼႆႉ မီးလုၵ်ႈသၢဝ် သီႇၵေႃႉ
ၼၢင်းယႄႈၶမ်းလူင်ႇ မိူဝ်းၶိုၼ်ႈပႂ်ႉ မိူင်းၼွင်သႄ
ၼၢင်းဢီႇၶမ်းလႅင် ယူႇၸွမ်းၸဝ်ႈၽၢင်ႇၶမ်း
ၼၢင်းဢၢမ်ဢေႃး မိူဝ်ႈၶိုၼ်ႈပႂ်ႉ မိူင်းၵွင်
ၼၢင်းသႅင်ဢႆႇ မိူဝ်းၶိုၼ်ႈပႂ်ႉ ၵဵင်ႉႁုင်ႉ။

ၶုၼ်ယီႈၶၢင်ၶမ်းၶဝ်ပီႈၼွင်ႉၼႆႉ ပဵၼ်လုၵ်ႈၸဝ်ႈၽၢင်ႇၶမ်း
သေတႃႉ ယွၼ်ႉလူၺ်ႈလွင်ႈဢမ်ႇႁၼ်လီိၼိူဝ်ၵၼ်ၼၼ်ႉ
တဵၵ်းဢဝ် ၵေႃႉပဵၼ်မႄႈၸဝ်ႈ ၸဝ်ႈၼၢင်းဢွၼ်ႇ လႆႈထုၵ်ႇ
ႁေႃႈလိုပ်ႈဢွၵ်ႇႁၢင်ႈႁေႃသေ ၶဝ်သၢမ်ၵေႃႉပီႈၼွင်ႉလႄႈ
တင်းမႄႈၸဝ်ႈ ၸဝ်ႈၼၢင်းဢွၼ်ႇ လႆႈထူပ်းတၢင်းယၢပ်ႇၸႂ်
တေႉတေႉ၊ လိူဝ်ၼၼ်ႉယဝ်ႉ သမ်ႉပၢႆမီးၵူၼ်းၸွမ်းႁဵတ်းႁၢႆႉ
ဢမ်ႇထၢတ်ႇဢမ်ႇဝၢႆးသေ လႆႈဢွၼ်ၵၼ်ပၢႆႈယူႇလၢႆလၢႆပွၵ်ႈ
ထိုင်တီႈ ၵေႃႉပဵၼ်ပီႈဢၢႆႈသုတ်း ၶုၼ်ဢၢႆႈငမ်းမိူင်း
လႆႈၸပ်းၼၢဝ်သေလုတၢႆၵႂႃႇမိူဝ်ႈတိုၵ်ႉလႆႈ 2 ၶူပ်ႇ
မိူဝ်ႈ ပီတႆး1386 ၼီႈ ၼၼ်ႉယူႇယဝ်ႉ။

ၼႂ်းၶၢဝ်းတၢင်းပၢႆႈၽူႈၶဵၼ်ယူႇၼၼ်ႉ တင်းမီးၼၢင်းဢီႇ
လုၵ်ႈယိင်းၸဝ်ႈ‌ၽၢင်ႇၶမ်း ဢၼ်ႁူႉႁၼ်ၸွမ်းပိူင်ပဵၼ်
ၸဝ်ႈၼၢင်းဢွၼ်ႇ‌ေသ ၸွမ်းသူင်ႇၵူၼ်းၸွႆႈထႅမ်ၶဝ်‌ႄမႈလုၵ်ႈ
ယူႇ သင်ဢမ်ႇၼၼ် ၶုၼ်ၶၢင်ၶမ်းၶဝ်‌ႄမႈလုၵ်ႈ‌ေတလွတ်ႈ
ၽူႈၶဵၼ်ယူႇႁိုဝ်ဢမ်ႇလၢမ်းႁူႉလႆႈ ၽွင်းလႆႈပၢႆႈမႅပ်းယူႇၼႂ်း
ထမ်ႈၼၼ်ႉၶုၼ်ယီႈၶၢင်ၶမ်း ၵႂႃႇႁဵတ်းၵေႃႉသိူဝ်ဢွၼ်ႇဢၼ်မီး
ၼႂ်းထမ်ႈၼၼ်ႉလႄႈ လႆႈထုၵ်ႇသိူဝ်ယၢႆးၶၢၼ်ႇသႂ်ႇလၢႆလၢႆတီႈသေ
ထုၵ်ႇႁွင်ႉဝႃႈ ယီႈသိူဝ်ၶၢၼ်ႇ ၼႆမႃးယဝ်ႉ။

ပီတႆး 1389 ၼီႈ ၸဝ်ႈၽၢင်ႇၶမ်း လႆႈၼွၼ်းၽေးသေ
ဢမ်ႇမီးလုၵ်ႈၸၢႆးဢၼ်တေသိုပ်ႇပုတ်ႈ ၼင်ႈဝၢၼ်ႈမိူင်း
ယဝ်ႉလႄႈ၊ ၵေႃႉပဵၼ်လုၵ်ႈယိင်းမၼ်းၸဝ်ႈ ၼၢင်းဢီႇ
ၸင်ႇလႆႈၶိုၼ်ႈၼင်ႈဝၢၼ်ႈမိူင်းယူႇယဝ်ႉ၊ သၢႆသိုပ်ႇၶိူဝ်းၶုၼ်ၼႆႉ
လိူဝ်သေ ယီႈသိူဝ်ၶၢၼ်ႇၶႃပီႈၼွင်ႉယဝ်ႉဢမ်ႇမီးၽႂ်ထႅင်ႈၼႆလႄႈ
ၼင်ႇႁိုဝ်ၶႃပီႈၼွင်ႉ တေမီးတၢင်းႁူႉႁၼ်လၢႆလၢႆပိူင်ၼၼ်ႉ
ၼၢင်းဢီႇၸင်ႇသူင်ႇ ယီႈသိူဝ်ၶၢၼ်ႇ မိူဝ်းယူႇၸွမ်း
ၼၢင်းယေႈၶမ်းလူင်ႇ တီႈမိူင်းၼွင်သႄ သူင်ႇၶုၼ်သၢမ်လူင်
မိူဝ်းယူႇၸွမ်း ၼၢင်းဢၢမ်းဢေႃး တီႈၵဵင်းႁုင်ႉ မိူဝ်ႈပီတႆး
1399 ၼီႈ ၼၼ်ႉယူႇယဝ်ႉ။

ထိုင်မႃးပီတႆး 1403 ၼီႈ ၼၢင်းဢီႇၸပ်းတၢင်းပဵၼ်‌ေသ
ႁူႉဝႃႈတေဢမ်ႇယူႇလႆႈႁိုင်ယဝ်ႉ တႃႇ‌ေတႁွင်ႉယီႈသူိဝ်ၶၢၼ်ႇၶႃ
ပီႈၼွင်ႉမႃးၼင်ႈဝၢၼ်ႈမိူင်း‌ေၵႃႈ ၶႃသမ်ႉတိုၵ်ႉ‌ႁႃတၢင်း‌ေမႃယူႇ
လႄႈ ၸင်ႇဢဝ်ၸုမ်ႈၸႂ်မိူင်းၵႂႃႇပၼ်ၸဝ်ႈၼၢင်းဢွၼ်ႇသိမ်းဝႆႉ‌ေသ
ၼၢင်းဢီႇလႆႈၼွၼ်းၽေးၵႂႃႇမိူဝ်ႈပီတႆး 1405ၼီႈ ၼၼ်ႉယူႇယဝ်ႉ။

ၶုၼ်တၢႆႇၶိုၼ်ႈ(ၵေႃႉပဵၼ်လုၵ်ႈၸၢႆး ၽိူဝ်ၸင်ႇၶင်ႇ)
(ၽိူဝ်ႇၸင်ႇၶင်ႇသမ်ႉပဵၼ်ပီဢၢႆႈ ၸဝ်ႈၽၢင်ႇၶမ်း)
ၵွပ်ႈၼၼ်ၶုၼ်တၢႆႇၶိုၼ်ႈပဵၼ်လုၵ်ႈပီႈသေ ၼၢင်းဢီႇသမ်ႉ
ပဵၼ်လုၵ်ႈၼွင်ႉယဝ်ႉ၊ ဝၢႆးသေၼၢင်းဢီႇၼွၼ်းၽေးယဝ်ႉ
ၶုၼ်ႇတၢႆႇၶိုၼ်ႈ လုၵ်ႉဢဝ်မိူင်းမိတ်ႈ မႃးၸူးမိူင်းမၢဝ်းလူင်သေ
ယွၼ်ႉဢမ်ႇမီးၽႂ်တေသိုပ်ႇပုတ်ႈၼင်ႈဝၢၼ်ႈမိူင်းယဝ်ႉလႄႈ
ယွၼ်းႁႂ်ႈၽွင်းမိူင်းၶဝ် ဢဝ်ဝၢၼ်ႈမိူင်းဢၢပ်ႈပၼ်မၼ်းၼႆယူႇ။

ၽွင်းမိူင်းၶဝ်ၵေႃႈ ၸွမ်းလူၺ်ႈၾိင်ႈထုင်းသေ တႃႇတေ
ၶိုၼ်ႈပုတ်ႈႁၢင်ႈႁေႃၼၼ်ႉ လူဝ်ႇလႆႈမီးၸုမ်ႈၸႂ်မိူင်းၼႆ
လႄႈ ၶုၼ်ႇတၢႆႇၶိုၼ်ႈ ႁႂ်ႈၸွမ်းသွၵ်ႈႁႃၸုမ်ႈၸႂ်မိူင်းတီႈလႂ်ၵေႃႈ
ဢမ်ႇထူပ်းႁၼ်သေ သမ်ႉလႆႈႁူႉၶၢဝ်ႇဝႃႈ ၼၢင်းဢီႇဢဝ်ၵႂႃႇ
ပၼ်ၸဝ်ႈၼၢင်းဢွၼ်ႇသိမ်းဝႆႉၼႆလႄႈ ၸင်ႇသင်ႇႁႂ်ႈၵႂႃႇဢဝ်မႃး
ၵူၺ်းၵႃႈ ၸဝ်ႈၼၢင်းဢွၼ်ႇဢမ်ႇလၢတ်ႈၼေတီႈသိမ်း
သိူင်ႇဝႆႉၼၼ်ႉလႄႈ ၶုၼ်တၢႆႇၶိုၼ်ႈၸင်ႇၺွပ်း
ၸဝ်ႈၼၢင်းဢွၼႇ်ၶင်ၶွၵ်ႈဝႆႉယူႇယဝ်ႉ။

ယီႈသိူဝ်ႇၶၢၼ်ႇ လႆႈႁူႉၶၢဝ်ႇၵေႃႉပဵၼ်မႄႈၸဝ်ႈ ထုၵ်ႇၺွပ်းၶင်
ၼၼ်ႉသေ ၸင်ႇပွၵ်ႈၶိုၼ်းတီႈမိူင်းမၢဝ်းလူင်ယဝ်ႉ သွၵ်ႈႁႃ
မႄႈၸဝ်ႈမိူဝ်းထိုင်ၼႂ်းႁေႃယူႇ ၶုၼ်တၢႆႇၶုိၼ်ႈၵေႃႈၸင်ႇၺွပ်း
ယီႈသိူဝ်ၶၢၼ်ႇ ထႅင်ႈယူႇယဝ်ႉ၊ ယီႈသိူဝ်ၶၢၼ်ႇ ၸင်ႇလၢတ်ႈ
ပႃႈၼႃႈၵူၼ်းၼမ်ဝႃႈ ၵဝ်ၶႃႈၼႆႉ ပဵၼ်လုၵ်ႈၸၢႆးၸဝ်ႈၽၢင်ႇၶမ်း
ပဵၼ်သၢႆသိုပ်ႇၶိူဝ်းၶုၼ် လႄႈ တီႈႁဝ်းမႄႈလုၵ်ႈသမ်ႉပၢႆမီး
ၸုမ်ႈၸႂ်မိူင်းထႅင်ႈ ၵွပ်ႈၼၼ် ၵဝ်ၶႃႈၵိုင်ႇတီႈသုတ်း တွၼ်ႈတႃႇ
တေပဵၼ်ၶုၼ်ၼင်ႈမိူင်းၼႆယူႇ မိူဝ်ႈၵူၼ်းၼႂ်းႁေႃလႆႈငိၼ်း
ၼင်ႇၼၼ် ဝူၼ်ႉဝႃႈယီႈသိူဝ်ၶၢၼ်ႇ ၵိုင်ႇတၢၼ်ႇတႃႇၼင်ႈမိူင်း
ၼႆသေတႃႉ ၵူၺ်းဢမ်ႇမီးၽႂ်ႁတ်းလၢတ်ႈဢွၵ်ႇပၢၵ်ႇမႃး
ၶုၼ်တၢႆႇၶိုၼ်ႈၵေႃႈ သင်ႇႁႂ်ႈၶင်ယီႈသိူဝ်ၶၢၼ်ႇဝႆႉယူႇယဝ်ႉ။

ၶုၼ်ႇတၢႆႇၶိုၼ်ႈဢုပ်ႇၵုမ်ၽွင်းမိူင်းၸမ်ၸႂ်မၼ်းသေ
လႆႈပၢႆးဝူၼ်ႉ တႃႇတေဢဝ်ယီႈသိူဝ်ၶၢၼ်ႇတၢႆၼႆယူုႇ
ၸင်ႇပိုၼ်ၽဝ်ႇဝႃႈ တွၼ်ႈတႃႇ‌ေတဢဝ်ယီႈသိူဝ်ၶၢၼ်ႇ
ၶိုၼ်ႈပဵၼ်ၶုၼ်ၼၼ်ႉ မၼ်းပဵၼ်လုၵ်ႈ
ၸဝ်ႈၽၢင်ႇၶမ်းတေႉဢမ်ႇတေႉ ဢမ်ႇႁူႉလႄႈ တႃႇတေ
လႆႈႁူႉၼၼ်ႉ လူဝ်ႇႁႂ်ႈၾႃႉၽီ ၸွႆႈတႅပ်းတတ်းယဝ်ႉ
ၵွပ်ႈၼၼ် တေႁႂ်ႈမၼ်းၵၼ်ႉၵၼ်တင်း မီၵႂၢႆးလႄႈသိူဝ်
သင်ဝႃႈမၼ်းပေႉ တေဢဝ်ၶိုၼ်ႈပဵၼ်ၶုၼ် သင်ဝႃႈမၼ်းသုမ်း
မၼ်းတေလႆႈဢဝ်ၸုမ်ႈၸႂ်မိူင်း ပၼ်ၵဝ်ၸဝ်ႈၼႆယူႇ၊
ယိူင်းဢၢၼ်းတႄႉ ယုမ်ႇယမ်ဝႃႈ မီၵႂၢႆးလႄႈသိူဝ် ဢၼ်ဢမ်ႇ
လႆႈၵိၼ်သင်လၢႆဝၼ်းယဝ်ႉၼၼ်ႉ တေၶူပ်းၵိၼ်
ယီႈသိူဝ်ၶၢၼ်ႇသေ ယီႈသိူဝ်ၶၢၼ်ႇတေတၢႆဢမ်ႇႁၢင်ႉၼႆယဝ်ႉ။

မိူဝ်ႈၶုၼ်သၢမ်လူင် လႆႈႁူႉၶၢဝ်ႇယဝ်ႉၼၼ်ႉ ၼႅတ်ႈပွၵ်ႈၶိုၼ်း
မိူင်းမၢဝ်းလူင်သေ ႁႃတၢင်းပႂ်ႉၸွႆႈ ယီႈသိူဝ်ၶၢၼ်ႇယူႇ
ၼႂ်းၵႄႈၵၢင်ၵူၼ်းမိူင်း ပေႃးၵိုၼ်းဢိုၵ်ႉဢိုၵ်ႉလူင်ၼၼ်ႉ
ယီႈသိူဝ်ၶၢၼ်ႇ ဢဝ်‌ေပႉလႆႈမီၵႂၢႆးသေ ၽွင်းၵူၼ်းမိူင်း
ႁုၼ်ႉသဵင်ပၼ်းၵႂႃႇသဵင်ႈၼၼ်ႉ ၶုၼ်တၢႆႇၶိုၼ်ႈၸင်ႇပွႆႇသိူဝ်
ဢွၵ်ႇမႃးႁႃ ယီႈသိူဝ်ၶၢၼ်ႇယူႇ ထၢင်ႇသိူဝ်တေၶူပ်းၵိၼ်
သိူဝ်လူင်တူဝ်ၼၼ်ႉ သမ်ႉပၢႆၶုပ်ႉၶဝ်ႇၼူမ်တိၼ်
ယီႈသိူဝ်ၶၢၼ်ႇသေ ႁဵတ်းႁႂ်ႈၵူၼ်းမိူင်းႁွင်ႉၸိုဝ်ႈယီႈသိူဝ်ၶၢၼ်ႇ
ပေႃးပၼ်းလူင်ဝႆႉ ၶုၼ်တၢႆႇၶုိၼ်ႈၵေႃႈဢမ်ႇႁၢၼ်ႉၸႂ်သေ
သင်ႇႁႂ်ႈၵူၼ်းမၼ်း ၶဝ်ႈၽၼ်း ယီႈသိူဝ်ၶၢၼ်ႇယူႇယဝ်ႉ။

ၽွင်းၵူၼ်းၶုၼ်တၢႆႇၶိုၼ်ႈ တိုၵ်ႉဝႅင်း ယီႈသိူဝ်ၶၢၼ်ႇယူႇၼၼ်ႉ
ၶုၼ်သၢမ်လူင် ၽိုတ်ႉဝႅၼ်ဢွၵ်ႇမႃး ၼႂ်းၵႄႈၵူၼ်းၼမ်သေ
ဢဝ်လႅဝ်းငႃသႂ်ႇၶေႃး ၶုၼ်တၢႆႇၶိုၼ်ႈယဝ်ႉ သင်ႇႁႂ်ႈၶုၼ်တၢႆႇ
ၶိုၼ်ႈၸႂ်ႉၵူၼ်းမၼ်းထွႆၶိုၼ်းယူႇ ၶုၼ်တၢႆႇၶိုၼ်ႈၵူဝ်တၢႆၼႃႇ
သေ သင်ႇႁႂ်ႈၵူၼ်းမၼ်းထွႆယဝ်ႉ ၶုၼ်သၢမ်လူင်ၸင်ႇလိုပ်ႈ
ၶုၼ်တၢႆႇၶိုၼ်ႈပွၵ်ႈၶိုၼ်းမိူင်းမိတ်ႈယူုႇယဝ်ႉ။

ယီႈသိူဝ်ၶၢၼ်ႇ ၶႃပီႈၼွင်ႉၶိုၼ်ႈၼင်ႈဝၢၼ်ႈမိူင်း မိူဝ်ႈပီတႆး
1405 ၸူဝ်ႈၶူပ်ႇၶႃလႆႈ21ၼၼ်ႉ‌ေသ‌ ၶၢႆႉႁၢင်ႈ‌‌ေႁႃၵႂႃႇတင်ႈ
တီႈၸေႈႁႆး ပီတႆး1406 ၼီႈ ၶိုၼ်းတင်ႈႁေႃမႂ်ႇၶိုၼ်ႈ
တီႈၸေႈလၢၼ်ႉ မိူဝ်ႈပီတႆး 1407ၼီႈ ယဝ်ႉ ယီႈသိူဝ်ၶၢၼ်ႇ
ၶိုၼ်ႈပဵၼ်ၸဝ်ႈၼင်ႈမိူင်းၸၼ်ႉသိူဝ်သေ လႆႈၸိုဝ်ႈဝႃႈ
သိူဝ်ၶၢၼ်ႇၾႃႉ ၼႆမႃးယဝ်ႉ၊ ၶုၼ်သၢမ်လူင်ၵေႃႈ
လႆႈၸၼ်ႉၵႅမ်ပွင်မိူင်း ၸၼ်ႉႁုင်ႉလူင်သေ လႆႈၸိုဝ်ႈဝႃႈ
သၢမ်လူင်ၾႃႉ ၼႆယဝ်ႉ၊ ၶုၼ်သၢမ်လူင်ၾႃႉ ၼႆႉဝၢႆးမႃး
မိူဝ်းၼင်ႈမိူင်းၵွင် ၼႆယူႇ။

ထိုင်မႃးပီတႆး 1408ၼီႈ သိူဝ်ၶၢၼ်ႇၾႃႉ ၶႂ်ႈႁႂ်ႈမိူင်းတႆး
ပဵၼ်မိူင်းႁူမ်ႈတုမ်လုၵ်ႈလဵဝ်ၼႆလႄႈ ၸင်ႇတႅမ်ႈလိၵ်ႈ
ၸူးမိူင်းမိူင်း ႁႂ်ႈမႃးၶဝ်ႁူမ်ႈမိုဝ်းၵၼ်ပူၵ်းပွင်ဝၢၼ်ႈမိူင်း
ၼႆယူႇ ၵူၺ်းၵႃႈ ၶုၼ်ႇတၢႆႇၶိုၼ်ႈ ၸဵပ်းၸႂ်ၼိူဝ်ၶႃပီႈၼွင်ႉ
လႄႈ မိူင်းမိတ်ႈ‌ေတႉဢမ်ႇမႃးၶဝ်ႈႁူမ်ႈ ထႅင်ႈသဵၼ်ၸေႈ
လႄႈ ဝဵင်းၼၼ်ႇၵေႃႈဝႃႈ သိူဝ်ၶၢၼ်ႇၾႃႉ ပဵၼ်လုၵ်ႈ
မေးၼွႆႉၼႆသေ ဢမ်ႇမႃးၶဝ်ႈႁူမ်ႈ သိူဝ်ၶၢၼ်ႇၾႃႉၵေႃႈ
ၸင်ႇတႅမ်ႈလိၵ်ႈၽိတ်ႈပၢင်းထိုင်သၢမ်ပွၵ်ႈသေတႃႉ
ၶဝ်ဢမ်ႇႁူမ်ႈမိုဝ်းလႄႈ ဢဝ်သိုၵ်းမိူဝ်းတိုၵ်းဢဝ်
သႅၼ်ၸေႈ လႄႈ ဝဵင်းၼၼ်ႇယဝ်ႉတိုၵ်းဢဝ်ပႃး
မိူင်းမိတ်ႈ မိူဝ်ႈပီတႆး 1409ၼီႈ ယူႇယဝ်ႉ။

ထိုင်မႃးပီတႆး 1410 ၼီႈ သိူဝ်ၶၢၼ်ႇၾႃႉလႄႈ
သၢမ်လူင်ၾႃႉ ၶီႇသိုၵ်းၶႂၢၵ်ႈဢႃႇၼႃႇၸၢၵ်ႈ ၵႂႃႇၼႃႈ
တင်းတူၵ်း ထိုင်ၸဵင်ၸၢၼ်းဝၼ်းတူၵ်း သိမ်းလႆႈ
မိူင်းပၢႆး မိူင်းၼၢႆး ယွင်ႁူၺ်ႈ ယဝ်ႉ၊
ပီတႆး 1411 ၼီႈ ၶီႇသိုၵ်းၵႂႃႇတင်းႁွင်ႇ ထိုင် ၸဵင်ႇႁွင်ႇ
တင်းဢွၵ်ႇ သိမ်းလႆႈ ၵိုင်ႇမ မိူင်းတိင် မိူင်းၵႃႉ သေ
ၶီႇသိုၵ်းၸူးၶျႅၼ်ႇတူႇ မႅၼ်ႈမိူဝ်ႈၶိူဝ်းမုၼ်ႇၵူဝ်းဢုပ်ႉ
မိူင်းၶေႇလႄႈ ၶျႅၼ်ႇတူႇၼႆႉ ပဵၼ်သၢႆသိုပ်ႇၶိူဝ်းၶုၼ်
မုၼ်ႇၵူဝ်း ယႂၢၼ်ႇ ၼၼ်ႉ ၸင်ႇထၢမ်သိူဝ်ၶၢၼ်ႇၾႃႉ
လွင်ႈတၢင်းၶီႇသိုၵ်းမႃးၼၼ်ႉယူႇ သိူဝ်ၶၢၼ်ႇၾႃႉ
ၸင်ႇလၢတ်ႈဝႃႈ ၶႂ်ႈလႆႈၶိုၼ်းမိူင်းပူႇမွၼ်ႇၼၢႆးယႃႈတႆး
ႁဝ်းၶိုၼ်းၼႆလႄႈ မိူင်းၶျႅၼ်ႇတူႇ ၸင်ႇပၼ်ၶိုၼ်း
မိူင်းသႄ ယူင်းသၢင်ႈ မူဢၢၼ်ႇ ပူးꧠႂၢင်ႉလူင်
ၶိုၼ်းယူႇယဝ်ႉ။

ပီတႆး 1413 ၼီႈ သၢမ်လူင်ၾႃႉ ၶီႇသိုၵ်းၵႂႃႇတင်း
ၸဵင်ႇၸၢၼ်းတင်းဢွၵ်ႇသေ သိမ်းလႆႈ ၵဵင်းတုင်
ၵဵင်းႁုင်ႉ ၵဵင်းမႆႇ ၽႃသိူဝ်ႇတွင်း ယဝ်ႉ၊
ပီတႆး 1415 ၼီႈ သၢမ်လူင်ၾႃႉၶီႇသိုၵ်း မိူဝ်းတင်း
ၸဵင်ႇႁွင်ႇတင်းတူၵ်း ထိုင် တင်‌းတူၵ်း သိမ်းလႆႈ
ဢႁူမ်ႇယဝ်ႉ လူင်းၸူးဝေႇသႃႇလီႇ ဢမ်ႇတၢပ်ႈတိုၵ်း
ၵၼ်သေ ဝေသႃႇလီယွမ်းယူႇတႂ်ႈ မိူင်းမၢဝ်းလူင်
လွင်ႈၼႆႉ တၢဝ်သိူဝ်ယဵၼ်း လႄႈ တၢဝ်ႉၾႃႉလေႃႇ
သိုၵ်းပိၵ်ႇသၢႆႉ ပိၵ်ႇၶႂႃ သၢမ်လူင်ၾႃႉ သေႉၼေးဝႃႈ
ဝေႇသႃႇလီႇၺႅမ်ႉမႄႈၼႆလႄႈ သၢမ်လူင်ၾႃႉ ငိၼ်းသေ
ၸင်ႇလႃႇၶႃသွင်ၵေႃႉၶႃၵေႃႈ ၸဵပ်းၸႂ်ၼိူဝ် ၶုၼ်သၢမ်
လူင်ၾႃႉသေ တႅမ်ႈလိၵ်ႈမိူဝ်းၸူးသိူဝ်ၶၢၼ်ႇၾႃႉဝႃႈ
သၢမ်လူင်ၾႃႉ ႁူမ်ႈမိုဝ်းဝေႇသႃႇလီႇသေတေၽိုၼ်ႉ
မိူင်းမၢဝ်းၼႆလႄႈ သိူဝ်ၶၢၼ်ႇၾႃႉသမ်ႉယုမ်ႇသေ
ႁဵတ်းတင်းၵိၼ်သႂ်ႇယႃၵွင်ႉယဝ်ႉ တင်း‌ေၶႃႈပူင်ဝႃႈ
ႁႃးမီးလွင်ႈၸတ်ႉၸႂ်ၵၼ်ယဝ်ႉ ပေႃးဢမ်ႇၵိၼ်ၸိုင်
တေဢမ်ႇလီၵၼ်ၶိုၼ်းလႆႈ ၼႆသေ ၸႂ်ႉသူင်ႇၵႂႃႇပၼ်
သၢမ်လူင်ၾႃႉယဝ်ႉ။

မႅၼ်ႈမိူဝ်ႈဢွၵ်ႇၶၢဝ်းတၢင်းလုၵ်ႉဝေႇသႃႇလီႇ မႃးမိူင်းမၢဝ်း
လႄႈ တိုၵ်ႉႁွတ်ႈမိူင်းၵွင်ၼၼ်ႉသၢမ်လူင်ၾႃႉ လႆႈႁပ်ႉ
ၶွင်ၵိၼ်ဢၼ်သိူဝ်ၶၢၼ်ႇၾႃႉသူင်ႇမႃး လႄႈ ၶေႃႈပူင်
ၼၼ်ႉသေ လၢမ်းႁူႉဝႃႈပဵၼ်ဝၢင်းၽႅၼ် ပိၵ်ႇသိုၵ်းသွင်ၵေႃႉ
ၼၼ်ႉၼႆသေ တင်းယိၼ်းၸႂ်လဵၵ်ႉယဝ်ႉ ဝူၼ်ႉဝႃႈ
ပီႈၾႃႉၵဝ်ၼႆႉ ထၢင်ႇၽိတ်းၼိူဝ်ၵဝ်ယဝ်ႉ ၵဝ်ပွၵ်ႈမိူဝ်းၵႂႃႇ
ၵေႃႈ ဢမ်ႇမီးၽွၼ်းလီသင် ပေႃးၵဝ်သိုပ်ႇယူႇသေ
သမ်ႉၽိတ်းတႅၵ်ႇၵၼ်တင်းပီႈၾႃႉၵဝ်ၼႆ လုၵ်ႈၼွင်ႉလႄႈ
ဝၢၼ်ႈမိူင်းဢၼ်ႁႃးသၢင်ႈမႃးၼႆႉ တေယိူင်ႈတႅၵ်ႇယၢႆႈသေ
လုပင်းဢမ်ႇႁၢင်ႉ ၵွပ်ႈၼၼ် ၵဝ်တေၸွမ်းၶေႃႈပူင်သေ
ၶၢမ်ႇတၢႆၵူၺ်းယဝ်ႉၼႆသေ ၵိၼ်ၶွင်ၵိၼ်တင်းၵိၼ်ယဝ်ႉ
လႆႈလုတၢႆၵႂႃႇတီႈမိူင်းၵွင် မိူဝ်ႈပီတႆး 1415ၼီႈ ၼၼ်ႉယူႇယဝ်ႉ။

ၸဝ်ႈၼၢင်းဢွၼ်ႇႁူႉၶၢဝ်ႇဝႃႈ သိူဝ်ၶၢၼ်ႇၾႃႉၶႃပီႈၼွင်ႉ
ၸတ်ႉၸႂ်ၵၼ်ၼႆလႄႈ ထိုင်ၵၢင်ၼႂ်မႃး ႁႅၼ်းပၼ်
ၶဝ်ႈၽၵ်းတႃႇသိူဝ်ၶၢၼ်ႇၾႃႉယဝ်ႉ သႂ်ႇဝႆႉပၼ်မႆႉထူ
မႆႉငိပ်ႈ ဢၼ်လဵဝ်ၵူၺ်းယူုႇ မိူဝ်ႈသိူဝ်ၶၢၼ်ႇၾႃႉ
မႃးၵိၼ်ၶဝ်ႈၼၼ်ႉ ၸင်ႇထၢမ်ဝႃႈ ၵွပ်ႈသင် သႂ်ႇဝႆႉ
မႆႉထူဢၼ်လဵဝ်ၵူၺ်းၼႆယူႇမႄႈမၼ်းၸဝ်ႈ
ၸဝ်ႈၼၢင်းဢွၼ်ႇ ၸင်ႇလၢတ်ႈဝႃႈ (ၵိၼ်ႁႂ်ႈလႆႈ
လူၺ်ႈမႆႉထူဢၼ်လဵဝ်လႄႈ တေႃႈလုၵ်ႈၵေႃႉလဵဝ်
တင်းဢၢၼ်းတေဢုပ်ႉပူိင်ႇမိူင်းလႆႈ) ၼႆလႄႈ
မၼ်းၸဝ်ႈၸင်ႇပွင်ႇၸႂ်ယဝ်ႉ ယိၼ်းၼႅင်ဢူၵ်းၼႅင်ၸႂ်
လွင်ႈလႆႈဢဝ်ၼွင်ႉၸၢႆးမၼ်းတၢႆၼၼ်ႉတေႉတေႉ။

ထိုင်မႃး ပီတႆး 1455ၼီႈ သိူဝ်ၶၢၼ်ႇၾႃႉ သူင်ႇလုၵ်ႈၸၢႆး
မၼ်းၸဝ်ႈ သိူဝ်ပဵမ်ႇၾႃႉ လႄႈ ငိူၼ်ႈၶဵဝ်ၾႃႉ ၶီႇသိုၵ်း
လူင်းသိမ်းဢဝ် ၸေႈၵႅင်း တႃႈၵွင် လႄႈ ပၢင်ယႃႈ ထႅင်ႈယူႇ။
ထိုင်မႃး1456 ၼီႈၶေႇၶဝ်သူင်ႇသိုၵ်းယဵၼ် ဢၼ်ပဵၼ်
မေႃလူ ၵႃႇလႃး ၶဝ်ႈမႃးမိူင်းမၢဝ်းသေ မႃးတွၵ်ႈလွင်ႈဝၢၼ်ႈ
မိူင်းယူႇ သိူဝ်ၶၢၼ်ႇၾႃႉ တွင်ႈထၢမ်လႄႈ မေႃတွၵ်ႈၼၼ်ႉ
ၸင်ႇဝႃႈ ဝၢႆးသေ သၢမ်လူင်ၾႃႉတၢႆယဝ်ႉ ဢူၽုင်း
မိူင်းမၢဝ်းလူင်တူၵ်းယဝ်ႉ ထုၵ်ႇလႆႈၶၢႆႉႁၢင်ႈႁေႃၼႆယူႇ
သိူဝ်ၶၢၼ်ႇၾႃႉၵေႃႈ ၸင်ႇၶၢႆႉႁၢင်ႈႁေႃ ၵႂႃႇတင်ႈတီႈ
ထုင်ႉပၢင်မၢၵ်ႇႁူႈ ယဝ်ႉတၢင်ႇၸိုဝ်ႈဝႃႈ ဝဵင်းတႃႈသူပ်းဢူ
ၼႆ မိူဝ်ႈပီတႆး 1457 ၼီႈၼၼ်ႉယဝ်ႉ။

ဝၢႆးသေ ၶၢႆႉႁေႃသႅင်မႃးတင်ႈမႂ်ႇၼၼ်ႉ သိူဝ်ၶၢၼ်ႇၾႃႉ
တၼ်းလႆႈၼင်ႈ 2 ပီၵူၺ်းသေ မိူဝ်ႈဢႃယုၸဝ်ႈလႆႈ 75 ပီ
ၼင်ႈမိူင်းလႆႈ 54 ပီသေ လႆႈၼွၼ်းၽေးၵႂႃႇ
မိူဝ်ႈပီတႆး 1459ၼီႈ ပီၶရိတ်ႉ 1365ၼၼ်ႉယူႇယဝ်ႉ၊
ဝၢႆးၼၼ်ႉ လုၵ်ႈလၢၼ်သိူဝ်ၶၢၼ်ႇၾႃႉ ၸဝ်ႈလႂ်ၶိုၼ်ႈ
ၼင်ႈဝဵင်းတႃႈသူပ်းဢူၵေႃႈ ၸူဝ်ႈၶူပ်ႇဢမ်ႇယၢဝ်းသေၸဝ်ႈ
ၼႆယဝ်ႉ။

ၽိုၼ်ဢိင် - ပိုၼ်းတႆး ၸၼ်ႉသီႇ မႄႈၶူးၶိူဝ်းသႅၼ်

26/08/2026

ၶိုၵ်ႉၶႅမ်ႉ

26/04/2026

26/4/ 2026 -
ၵႅမ်ႁူဝ်ၼႃႈတပ်ႉၵွင် ၵူဝ်ႇၼေႇမျူဝ်း ဢၼ်မီးၼႂ်း တပ်ႉၵွင် 359 မုၵ်ႉၸုမ်းပူတ်းပွႆႇၸိူဝ်ႉၸၢတ်ႈပဢူဝ်း PNLO ဢွၼ်ႁူဝ်သေ ဢဵၼ်ႁႅင်း 60 ၵေႃႉ၊ လၢၵ်ႈၼၢၵ်ႈဢွၼ်ႇ 27 လဝ်း၊ ၵွင်ႈပိတ်ႉၸတူဝ်ႇ 3 လဝ်း၊ မၢၵ်ႇပွႆႇမိုဝ်း 11 လုၵ်ႈ၊ မၢၵ်ႇမႆႉယဵပ်ႇလုၵ်ႈယႂ်ႇ 2 လုၵ်ႈ၊ မၢၵ်ႇမႆႉယဵပ်ႇလုၵ်ႈဢွၼ်ႇ 1လုၵ်ႈ လႄႈ ၶိူင်ႈၵပ်းသိုပ်ႇ 1ဢၼ် ၸိူဝ်းၼႆႉသေ မိူဝ်ႈဢေႇပရႄႇ 25 ဝၼ်း၊ ယၢမ်းၵၢင်ၶမ်ႈ 7 မူင်းၼၼ်ႉ လႆႈၶဝ်ႈမႃးၸူးသၢႆလႅင်း ဝၢင်းၶိူင်ႈ တီႈတပ်ႉမတေႃႇသိုၵ်းမၢၼ်ႈ ၼႆ လႆႈႁူႉၸွမ်းၼင်ႇၼႆ။

မိူဝ်ႈလိူၼ်ပူၼ်ႉမႃးၼၼ်ႉၵေႃႈ ၸၼ်ႉႁူဝ်သိုၵ်း ၶုၼ်မူဝ်းၵျေႃႇ ဢွၼ်ႁူဝ်သေ ဢဵၼ်ႁႅင်း 20 ပၢႆ တင်းလၢၵ်ႈၼၢၵ်ႈလၢႆလၢႆမဵဝ်း လႆႈၶဝ်ႈမႃးၶျႃႉလႅင်း တီႈတပ်ႉသိုၵ်းမၢၼ်ႈ ၼႆ လႆႈႁူႉၼင်ႇၼႆ။

ပၢင်ၵႅဝ်ႈႁပ်ႉတွၼ်ႈ လွင်ႈၶဝ်ႈမႃးဝၢင်းၶိူင်ႈၶျႃႉလႅင်းၼႆႉ လႆႈၸတ်းႁဵတ်းၵႂႃႇ တီႈငဝ်ႈငုၼ်းတိူင်းသိုၵ်းပွတ်းဢွၵ်ႇ ၼႆယဝ်ႉ။

#တပ်ႉသိုၵ်းပူတ်းပွႆႇၸိူဝ်ႉၸၢတ်ႈပဢူဝ်း

20/04/2026

ယူႇမိူင်းပိူၼ်ႈသေၶၢင်းၵၢၼ်မိူင်းၵူၺ်းတေႉ
သူပဵၼ်ၵူၼ်းၶီႈယၢၼ်ႈၵူၺ်းယူဝ်ႉ
ယူႇမိူင်းပိူၼ်ႈသေသေႉၵၢၼ်မိူင်းၵူၺ်းတေႉ
သူပဵၼ်ၵူၼ်းပႅတ်ႈလၢႆၵူၺ်းယူဝ်ႉၵဝ်ဝႃႈ

Salween River

02/09/2026

02/09/2026

02/09/2026

31/08/2026

31/08/2026

30/08/2026

27/08/2026

26/08/2026

26/04/2026

20/04/2026

ที่อยู่

เว็บไซต์

แจ้งเตือน

ทางลัด

แชร์

คำขอนำรายการออก