Muang Bangkok

Muang Bangkok Photo and Video

23/01/2026

M Z H

17/01/2026

✌

သဵၼ်ႈတၢင်းႁၵ်ႉသွင်ၽၢႆႇ======🥹🥹======ၽၢႆႇႁဝ်းၵူၺ်းမီးႁၵ်ႉလႆႈတၵ်ႉ တႃႇပဵၼ်ႁႅင်းၸွႆႈပိူင်းလႅင်း သဵၼ်ႈတၢင်းဢမ်ႇၸႂ်ႈၵေႃႇၶၢင်းၸ...
28/01/2025

သဵၼ်ႈတၢင်းႁၵ်ႉသွင်ၽၢႆႇ
======🥹🥹======

ၽၢႆႇႁဝ်းၵူၺ်းမီးႁၵ်ႉ
လႆႈတၵ်ႉ တႃႇပဵၼ်ႁႅင်း
ၸွႆႈပိူင်းလႅင်း သဵၼ်ႈတၢင်း
ဢမ်ႇၸႂ်ႈၵေႃႇၶၢင်းၸမ်
ဢမ်ႇၸႂ်ႈၵေႃႉၵမ်မိုဝ်းသူ ႁူမ်ႈပႆလူး၊

လႄႈ ထႅင်ႈလွင်ႈၼိုင်ႈၵေႃႈ
ႁဝ်းတေႃႈ ဢမ်ႇတဵမ်ထူၼ်ႈ
လူၺ်ႈတႃႇသူ မူၼ်ႈၸႂ်
ၵွပ်ႈၼႆ တွၼ်ႈတႃႇႁဝ်း
ၵႃႈလႆႈပဵၼ်ၵေႃႉသဝ်း ၵႆသူ၊🥹

သင်တူၺ်းၶိုၼ်း ၽၢႆႇၶဝ်
တႃႇဢဝ်သူ တဵမ်ထူၼ်ႈ
တႃႇသူမူၼ်ႈ သိူဝ်းၸိုင်
ၶဝ်ၶိုင်ပွင်ပၼ်လႆႈ
သူဢမ်ႇတၢပ်ႈမႆႈသင် ၶဝ်ၽွမ်ႉၵူႈယၢမ်း၊

တႄႇၸဵမ်ၸွႆႈၵၢၼ်သူ
တႄႇၸဵမ် လွင်ႈလူႁၼ်
ၶဝ်ယူႇၸမ်ပၼ်ႁႅင်း
ပိူင်းလႅင်းလႆႈလိူဝ်ႁဝ်း
ၶဝ်သဝ်းၸမ်သူလႆႈၵူႈယၢမ်း၊

သဵၼ်ႈတၢင်းႁၵ်ႉသွင်ၽၢႆႇ
ၵၢႆႇၶူဝ်ၵူႈၵိုၵ်းၵၼ်
ဝူၼ်ႉဝႃႈပၼ်တၢင်းမႆႈ
ႁဝ်းၵႃႈလႆႈထွႆပၼ်
ႁၼ်သူတဵမ်ထူၼ်ႈၵေႃႈ ႁဝ်းတေႃႈႁၢၼ်ႉၸႂ်၊☺️

ၸူမ်းသိူဝ်းသေ သူၼႃႈ
သင်ဝႃႈဝၼ်းၼိုင်ႈၸိုင်
ထိုင်ဝႃႈသူပဵၼ်သင်
ယႃႇဝူၼ်ႉၵင်သေလႄႈ
ၵႄႈဢူၵ်းႁဝ်း ပဵၼ်တႃႇယူတ်းယႃပၼ်သူ၊

ယွၼ်းႁႂ်ႈသူလႆႈသိူဝ်း
ၵူႈၸိူဝ်း သင်သူမူၼ်ႈ
လႆႈတူၼ်ႈႁၵ်ႉပဵင်းၸႂ်
သိုပ်ႇပႆၵွႃႇလႄႈၼႃႈ
ႁဝ်းဢမ်ႇဝႃႈသင် ဝႂၢင်းၶႂၢင်းပၼ်။

=====
✍️ တႅမ်ႈ / ပီႈမိူင်း

ၽိူမ်ႉလွၵ်းပဝ်ႇၶေႃႈထၢမ် ၼႂ်းၸၢတ်ႈပၢၼ်====ၽၢႆႇလင်လွင်ႈယုမ်ႉၼၼ်ႉတိုၼ်းတေမီး - - - - - ။ၽၢႆႇလင်လွင်ႈတၢင်းသိူဝ်းၼၼ်ႉတိုၼ်းတ...
25/01/2025

ၽိူမ်ႉလွၵ်းပဝ်ႇၶေႃႈထၢမ် ၼႂ်းၸၢတ်ႈပၢၼ်
====

ၽၢႆႇလင်လွင်ႈယုမ်ႉၼၼ်ႉ
တိုၼ်းတေမီး - - - - - ။

ၽၢႆႇလင်လွင်ႈတၢင်းသိူဝ်းၼၼ်ႉ
တိုၼ်းတေမီး - - - - - ။

ၽၢႆႇလင်လွင်ႈႁတ်းႁၢၼ်ၼၼ်ႉ
တိုၼ်းတေမီး - - - - - ။

ၽၢႆႇလင်လွင်ႈဢွင်ႇပေႉၼၼ်ႉ
တိုၼ်းတေမီး - - - - - ။

ၽၢႆႇလင်လွင်ႈႁၢၼ်ႉၸႂ်ၼၼ်ႉ
တိုၼ်းတေမီး - - - - - ။

ၽၢႆႇလင်လွင်ႈတၢင်းႁၵ်ႉၼၼ်ႉ
တိုၼ်းတေမီး - - - - - ။

ၽၢႆႇလင်မႅတ်ႉတႃႇၸႅတ်ႈၼၼ်ႉ
တိုၼ်းတေမီး - - - - - ။

ၽၢႆႇလင်လွင်ႈဢေးလူၼၼ်ႉ
တိုၼ်းတေမီး - - - - - ။

ၽၢႆႇလင်လွင်ႈႁူမ်ၸူမ်းၼၼ်ႉ
တိုၼ်းတေမီး - - - - - ။

ၽၢႆႇလင်လွင်ႈပွႆႇဝၢင်းၼၼ်ႉ
တိုၼ်းတေမီး - - - - - ။

=======

ပွင်ႈလိၵ်ႈ ဢၼ်တႅမ်ႈမႃးၸိူဝ်းၼႆႉ
သမ်ႉဝႃႈဢမ်ႇမီး ၶေႃႈ(တွပ်ႇ)မၼ်းသေတႃႉ
ဝူၼ်ႉဝႃႈ ၼႂ်းၸၢတ်ႈပၢၼ်ၽႂ်မၼ်း
ဢမ်ႇပွၵ်ႈၼိုင်ႈၵေႃႈ တေပွၵ်ႈၼိုင်ႈ
တိုၼ်းတေမီးၶေႃႈ(ထၢမ်)ၽႂ်မၼ်းယူႇ၊

ဢၼ်ၸဝ်ႈၵဝ်ႇယၢမ်ႈထူပ်းၶေႃႈ(ထၢမ်)
ဢၼ်တွပ်ႇလႆႈၵေႃႈတေမီး
ဢၼ်တွပ်ႇယၢပ်ႇၵေႃႈတေမီး မိူၼ်ၵၼ်၊

ပဵၼ်ႁိုဝ်ၵေႃႈ ၶႃႈႁဝ်းယုမ်ႇယမ်ဝႃႈ
တႆးၵေႃႉႁဝ်းၶဝ် တိုၼ်းတေမီးၶေႃႈတွပ်ႇ
ဢၼ်ၶိုၵ်ႉၶဵမ်ႉၽႂ်မၼ်းယူႇယဝ်ႉဢေႃႈ🥰
ႁႂ်ႈတွပ်ႇလႆႈၶေႃႈထၢမ်ၼႂ်းၸႂ်ၽႂ်မၼ်းသေၵမ်းၼႆ။

=====
✍️ တႅမ်ႈ / ပီႈမိူင်း

တိုၼ်းတေလႆႈမေႃယူႇဢိူဝ်ႈ=====ပေႃးဝႃႈႁၵ်ႉၵၼ်ယူႇလႄႈယင်းတိုၵ်ႉလႆႈၽၢတ်ႇၵၼ်ဢမ်ႇလႆႈယူႇၸွမ်းၵၼ်ၸိုင်ပိူၼ်ႈတေႁွင်ႉဝႃႈ ၼီႈပၢၼ်ၸွၼ်...
24/01/2025

တိုၼ်းတေလႆႈမေႃယူႇဢိူဝ်ႈ
=====

ပေႃးဝႃႈႁၵ်ႉၵၼ်ယူႇလႄႈ
ယင်းတိုၵ်ႉလႆႈၽၢတ်ႇၵၼ်
ဢမ်ႇလႆႈယူႇၸွမ်းၵၼ်ၸိုင်
ပိူၼ်ႈတေႁွင်ႉဝႃႈ ၼီႈပၢၼ်ၸွၼ်၊

သင်ဝႃႈယူႇၸွမ်းၵၼ်သေ
သမ်ႉႁၵ်ႉၵၼ်ယူႇၼင်ႇၵွၼ်ႇ
လူၺ်ႈ ပၼ်ႁႃၵူႈလွင်ႈ"
လႆႈၽၢတ်ႇၵၼ်ပေႃးၼႆၸိုင်
ပဵၼ်ၼီႈပၢၼ်ဢွၼ်ၸူဝ်ႈၶၢဝ်း။

ပေႃးသမ်ႉ လႆႈယူႇၸွမ်းၵၼ်
သမ်ႉဢမ်ႇမေႃႁၵ်ႉၵၼ်
သမ်ႉဢမ်ႇမီးလွင်ႈပွင်ႇၸႂ်ၵၼ်
ၵူၺ်း ၶၢတ်ႇၵေႃႈဢမ်ႇၸၢင်ႈၶၢတ်ႇ
ၽၢတ်ႇၵေႃႈ ဢမ်ႇၸၢင်ႈၽၢတ်ႇ
ဢၼ်ၼၼ်ႉ ႁွင်ႉဝႃႈၼီႈပၢၼ်ယဝ်ႉ။

ၼႂ်းလေႃးၵလူင်ၼႆႉ
တႃႇတေမီးၽူႈႁူမ်ႈသၢင်ႈလီ
ၸႃႉႁူမ်ႈၶီ လီႁူမ်ႈၸၢမ်ႇၼၼ်ႉ
တႃႇတေပဵၼ်ၵွႃႇ ယၢပ်ႇယဵၼ်းၼႃႇ"။

မၢင်ၵေႃႉ" လႆႈၽၢတ်ႇၵၼ်လူၺ်ႈ
ဢမ်ႇၽၢတ်ႇတၢႆၵေႃႈ
သမ်ႉလႆႈၽၢတ်ႇလိပ်းၵေႃႈမီး၊
ဢမ်ႇၽၢတ်ႇလိပ်းၵေႃႈ
သမ်ႉလႆႈတၢႆၽၢတ်ႇၵၼ်ၵေႃႈ
မီးတင်းၼမ်လၢႆယူႇယဝ်ႉ။

ၵူၼ်းႁဝ်းၼႆႉ တေလႆႈဝႃႈ
ၵိူတ်ႇမႃးတွၼ်ႈတႃႇသၢႆၼီႈယဝ်ႉႁိုဝ်?
မၢင်ပွၵ်ႈ မၢင်လႂ်မႃးၵေႃႈ
ၶႂ်ႈမီးၵေႃႉႁူမ်ႈသၢင်ႈၸၢတ်ႈပၢၼ်
တႃႇတေတေႃႇသူႈၸွမ်းၵၼ်ၵွႃႇ
ႁႃယၢပ်ႇယဵၼ်း တေႉ"ဝႃႈ"။

ၼႂ်းလူၵ်ႈၼႆႉ တေလႆႈဝႃႈ
လူဝ်ႇမေႃယူႇၸွမ်း လွင်ႈႁၢၼ်ႉၸႂ်တေႉ"
မီးမႃးၵေႃႈယဝ်ႉ ဢမ်ႇမီးၵေႃႈလီ
ၵႃႈတေလႆႈတေႃႇသူႈမိူၼ်ၵၼ်မူတ်း။

သဵၼ်ႈတၢင်း ၸၢတ်ႈပၢၼ်ၵူၼ်းႁဝ်းၼႆႉ
ၽူႈႁူမ်ႈသၢင်ႈဢၼ်ဝႃႈၼၼ်ႉ
မၼ်းဢမ်ႇမီးတႃႇသေႇတေႉဢေႃႈ၊
ပေႃးသမ်ႉဝႃႈ ပဵၼ်ၵွႃႇၵေႃႉလဵဝ်ၼႆသေၵေႃႈ
ၵႃႈတေလႆႈမေႃယူႇ ၵေႃႉလဵဝ်။

ပေႃးသမ်ႉဝႃႈ လႆႈယူႇၸွမ်းၵူၼ်းၼမ်ၵေႃႈ
ၵႃႈတေလႆႈမေႃယူႇၸွမ်းပိူၼ်ႈ
ႁႂ်ႈပေႃးထုၵ်ႇ တွၼ်ႈတႃႇၵူၼ်းၼမ်ယဝ်ႉ
‌ေတလႆႈယူႇၵွႃႇ ၸိူင်ႉႁိုဝ်ၵေႃႈယဝ်ႉ
တိုၼ်းတေလႆႈမေႃယူႇဢိူဝ်ႈၼႃႈ။✌🏻✌🏻✌🏻

=====
✍️ တႅမ်ႈ / ပီႈမိူင်း

ၸၢတ်ႈပၢၼ် လႄႈ ၵေႃႉႁၵ်ႉ---------💪 ❤️ ---------ယၢပ်ႇၵေႃႈ တိုၼ်းလႆႈသူႈၵူႈလွင်ႈ တႃႇမိူဝ်းၼႃႈၵွပ်ႈဝႃႈ ပႆႇတဵမ်ထူၼ်ႈလွင်ႈမူၼ်ႈၵ...
23/01/2025

ၸၢတ်ႈပၢၼ် လႄႈ ၵေႃႉႁၵ်ႉ
---------💪 ❤️ ---------

ယၢပ်ႇၵေႃႈ တိုၼ်းလႆႈသူႈ
ၵူႈလွင်ႈ တႃႇမိူဝ်းၼႃႈ
ၵွပ်ႈဝႃႈ ပႆႇတဵမ်ထူၼ်ႈ
လွင်ႈမူၼ်ႈၵေႃႈ လႆႈဝၢင်း
တၢင်းသိူဝ်းၼၼ်ႉ လိုမ်းဝႆႉသေၵွၼ်ႇ၊

သူႈၼင်ႇၵႃႈပဵၼ်လႆႈ
လိူတ်ႇမႆႈၵေႃႈ လတ်းပႆ
တၢင်းၵႆၵေႃႈ လတ်းယၢင်ႈ
လွင်ႈဢၢင်ႈဢၢၼ်းဢၼ်မီး
သိုပ်ႇယိူၼ်ႉသီး ၶတ်းၸႂ်ႁႂ်ႈထိုင်၊

ႁဵတ်းသၢင်ႈတႃႇပေႃႈမႄႈ
လႄႈ တႃႇၵေႃႉႁဝ်းႁၵ်ႉ
ၵူႈၶၵ်ႉတွၼ်ႈလႆႈသွၼ်ႇ
ႁိုဝ်ႁွၼ်ႇႁႂ်ႈမၼ်းယွမ်း
လတ်းပႆၸွမ်း တႃႇလႆႈတဵမ်ထူၼ်ႈ၊

သင်ဝႃႈၵေႃႉႁဝ်းႁၵ်ႉ
တူင်ႉတၵ်ႉပၼ်ႁႅင်းၼႆ
ႁႅင်းတူဝ်ၸႂ်ၵေႃႈတိူဝ်း
ၵူႈၸိူဝ်း ႁတ်းတေႃႇသူႈ
ၵူႈလွင်ႈၼၼ်ႉ သင်ႁၵ်ႉယူႇၶၢင်ႈပဵၼ်ႁႅင်း၊

တေဢဝ်ႁႅင်းသူပၼ်
သိုပ်ႇယၼ်ၵွႃႇမိူဝ်းၼႃႈ
သင်သူဢမ်ႇပွႆႇၽႃႈ
ဢမ်ႇဝႃႈပဵၼ်ႁိုဝ်ၵေႃႈ
ႁဝ်းတေႃႈ တိုၼ်းႁတ်းသူႈၵူႈလွင်ႈ၊

ႁႅင်းတူဝ်လႄႈ ႁႅင်းၸႂ်
ဢၼ်သိုပ်ႇပႆယူႇၼႆႉ
ထွမ်ႇဝႆႉလီလီၼႃႈ
ၵွပ်ႈဝႃႈ သူပဵၼ်ႁႅင်း
မိူၼ်ၾႆးလႅင်း ထွင်ႇပၼ်တၢင်းႁဝ်း၊

သင်သူ ႁၼ်ၵေႃႉမႂ်ႇ
သႂ်ႇၸႂ်ၼိူဝ်ပိူၼ်ႈၸိုင်
ထိုင်ဝႃႈ ဝၼ်းၼိူင်ႈမႃး
ႁႃးသွင် ႁၼ်ၽိတ်းၵၼ်
ၼွင်ႇၸၼ် ဢဝ်ႁႃးပိူင်ႈၸႂ်ၼိူဝ်ၵၼ်ၸိုင်၊

လွင်ႈႁၵ်ႉၵေႃႈ တေႁၢႆ
ၵႂၢမ်းမၢႆ တေယဵၼ်ၵွႃႇ
တႃႇသွင်ႁႃး ၶွႆႈၵၼ်
တေဢမ်ႇပၼ်တိုဝ်ႉတၢင်း
တႃႇႁူမ်ႈၶၢင်း တိုၼ်းဝႆႉၵႆၵႆ၊

သင်သူႁၵ်ႉပႅင်းၵိုမ်း
ႁၵ်ႉၸိုမ်းလူၺ်ႈမဵတ်ႉတႃႇ
ဝႆႉသႅၸ်ႉၸႃႇၼိူဝ်ႁဝ်း
ဢမ်ႇႁႂ်ႈၽႂ်ၵဝ်းယႃႉ
ၼႂ်းၽဝ လွင်ႈႁၵ်ႉႁဝ်းလႄႈ ႉႉႉႉ၊

ၼႂ်းၵႄႈႁဝ်းတင်းသွင်
ဢမ်ႇၵွင်လင်ပႅတ်ႈႁဝ်း
ဢမ်ႇၵဝ်းထႅင်ႈၵေႃႇမႂ်ႇ
ဢမ်ႇသႂ်ႇၸႂ်ၵူၼ်းမီး
ယိူၼ်ႉသီးပႂ်ႉႁဝ်းလႆႈယူႇၸိုင်၊

ဢမ်ႇႁိုင်သင်ဝၼ်းၼိူင်ႈ
သင်ႁၵ်ႉဢမ်ႇပိူင်ႈၵွႃႇ
တႃႇႁဝ်းလႆႈၸမ်ၵၼ်
ႁဝ်းပၼ်ၵႂၢမ်းမၼ်ႈဝႃႈ
တေဢၢၼ်းမႃး ပဵၼ်ႁိူၼ်းႁူမ်ႈႁၵ်ႉဢိူဝ်ႈၼႃႈ။

=====
✍️တီမ်ႈ / ပီႈမိူင်း

ႁႂ်ႈမေႃတွပ်ႇၵုင်ႇမုၼ် ပေႃႈမႄႈ 🇱🇹🔅🔅🔅🇱🇹🔸ၼႂ်းလေႃးၵလူင်ၼႆႉ ဢၼ်လႆႈႁပ်ႉတၢင်းႁၵ်ႉၸဵတ်ႈမၢၼ်ႇ ဢွၼ်တၢင်းသုတ်းပိူၼ...
22/01/2025

ႁႂ်ႈမေႃတွပ်ႇၵုင်ႇမုၼ် ပေႃႈမႄႈ
🇱🇹🔅🔅🔅🇱🇹

🔸ၼႂ်းလေႃးၵလူင်ၼႆႉ
ဢၼ်လႆႈႁပ်ႉတၢင်းႁၵ်ႉၸဵတ်ႈမၢၼ်ႇ
ဢွၼ်တၢင်းသုတ်းပိူၼ်ႈၵေႃႈ
ပဵၼ်တီႈ ပေႃႈမႄႈႁဝ်း တင်းသွင်ယဝ်ႉ၊

🔸ၼႂ်းလေႃးၵလူင်ၼႆႉၵူၺ်းၵွၼ်ႇ
ၵေႃႉဢၼ်ႁဝ်း ပၼ်တၢင်းတုၵ်ႉၶ
ဢွၼ်တၢင်းသုတ်းပိူၼ်ႈ ၼၼ်ႉၵေႃႈ
သမ်ႉပဵၼ် ပေႃႈမႄႈႁဝ်းဢိူဝ်ႈ။

🔸ဢၼ်ႁဝ်း လုၵ်ႈလၢင်းၵူႈၵေႃႉ
လႆႈႁပ်ႉ လွင်ႈဢွၼ်ႈဝွၼ်း
မိူၼ်ၽႂ်ဢမ်ႇႁဵတ်းပၼ်လႆႈ ၼၼ်ႉၵေႃႈ
ပဵၼ်တီႈ ပေႃႈမႄႈႁဝ်းၼင်ႇၵွၼ်ႇ၊

🔸ထိုင်တီႈႁဝ်းႁႃး ၸႂ်လမ်တေႃးသ
ဢတ်ႉတ မၢၼ်ႇယႂ်ႇ
ၵေႃႉဢၼ်ႁဝ်း ႁဵတ်းသႂ်ႇ၊ လႆႈႁွင်ႉလႆႈႁႆႈၵေႃႈ
သမ်ႉမႃးပဵၼ် ပေႃႈမႄႈႁဝ်းထႅင်ႈ။

🔸ၵေႃႉဢၼ်ၸွမ်း ဢေးလူတႃႇႁဝ်း
ၵေႃႉဢၼ်ၸွမ်းပႂ်ႉ ႁူမ်ၸူမ်းပၼ်ႁဝ်း
ၵေႃႉဢၼ် မေႃပွႆႇဝၢင်းပၼ်ႁဝ်းၸိူဝ်းၼၼ်ႉ
ပဵၼ်ပေႃႈမႄႈ သွင်ၸဝ်ႈၼႆႉယဝ်ႉ၊

🔸ထိုင်တီႈ လႆႈလိူတ်ႇႁွၼ်ႉၼႃႈမႆႈ
ထိုင်တီႈလႆႈ ႁဵတ်းၵၢၼ်ယၢပ်ႇၽိုတ်ႇ
ထိုင်တီႈ ႁဝ်းႁဵတ်းႁႂ်ႈဢိုတ်ႇဢၢတ်ႇၸႂ်မႃးၵေႃႈ
သမ်ႉပဵၼ်ပေႃႈမႄႈႁဝ်း လႆႈၶၢမ်ႇတၢင်ထႅင်ႈ။

🔸ၼႂ်းႁိူၼ်းလင်ၼိူင်ႈ ပေႃႈမႄႈႁဝ်းၼႆႉ
ပဵၼ်ဝႆႉၽြႃးလူင်ၼိူင်ႈသူႇ
တမ်းဝႆႉပၼ်ႁဝ်း တႃႇႁႂ်ႈမေႃၼပ်ႉယမ်
တႃႇႁႂ်ႈမေႃဝႆႈသႃၸိူဝ်းၼႆႉ
ႁဝ်းယင်းလူင်လိုမ်းပႅတ်ႈလူးၵွၼ်ႇ။

🔸ၼႂ်းလူၵ်ႈလူင်ၼႆႉ
ဢၼ်ၽႂ် ဢမ်ႇႁဵတ်းပၼ်ႁဝ်းလႆႈ
ဢၼ်ၽႂ် ဢမ်ႇၶၢမ်ႇတုၵ်ႉတၢင်ႁဝ်းလႆႈ
ပေႃႈမႄႈၼႆႈ ၶၢမ်ႇယွမ်းၵူႈလွင်ႈ
တႃႇႁႂ်ႈႁဝ်းလႆႈလီလႆႈပဵၼ်။

🔸ယွၼ်ႉၼၼ်ယဝ်ႉ
ၼႂ်းၸူဝ်ႈၸၢတ်ႈပၢၼ်ႁဝ်း
ဢၼ်တိုၵ်ႉမီးပေႃႈမႄႈယူႇၼႆႉ
သင်ႁဵတ်းႁႂ်ႈၶဝ် လႆႈတုၵ်ႉၶၸိုင်
ၸၢတ်ႈပၢၼ်ႁဝ်းၵေႃႈ ဢမ်ႇၸၢင်ႈၵတ်းယဵၼ်လႆႈ။

🔸ၼႂ်းၸူဝ်ႈၸၢတ်ႈပၢၼ်
ႁဝ်းပဵၼ်လုၵ်ႈလၢင်း
ဢၼ်တိုၵ်ႉမီးဢူႈ မီးမႄႈယူႇၼၼ်ႉ
သင်ႁဵတ်းႁႂ်ႈ ဢူႈတင်းမႄႈႁဝ်း
လႆႈၵတ်းယဵၼ်ၸႂ်ၵေႃႈ
တူဝ်ၸႂ် တင်းၸၢတ်ႈပၢၼ်ႁဝ်းၼၼ်ႉၵေႃႈ
တေၸၢင်ႈလႆႈၵတ်းယဵၼ် မိူၼ်ၵၼ်ယဝ်ႉ။

🔸ႁႂ်ႈမေႃႁူႉထိုင် ၵုင်ႇၵုၼ်းမုၼ်ငဝ်း
ပေႃႈမႄႈၸဝ်ႈ တင်းသွင်သေ
ၶိုၼ်းလႆႈတွပ်ႇသၢႆႈတႅၼ်းၶိုၼ်းယဝ်ႉ
လႆႈပဵၼ်လုၵ်ႈလၢင်းလီ
ႁင်းၽႂ်မၼ်းသေၵမ်းၼႃႈ။

= ==
✍️ တႅမ်ႈ / ပီႈမိူင်း

🤗သင်ၶွႆႈၶိုၼ်း ႁဝ်းတိုၼ်းတေမိူၼ်ၵဝ်ႇ🤗 >>>***
20/01/2025

🤗သင်ၶွႆႈၶိုၼ်း ႁဝ်းတိုၼ်းတေမိူၼ်ၵဝ်ႇ🤗
>>>***

ၶေႃႈယိူင်းဢၢၼ်းတူဝ်ၵဝ်ႇ ၼႂ်းပီ 2025===💪===1.တေၶတ်းၸႂ်ႁွမ်ငိုၼ်း လိူၼ်ဢိတ်း" ၊2.တေႁၵ်ႉတူဝ်ၸႂ်လႄႈ ႁၵ်ႉၵေႃႉႁၵ်ႉႁဝ်း ပႃးၸဵမ်...
19/01/2025

ၶေႃႈယိူင်းဢၢၼ်းတူဝ်ၵဝ်ႇ ၼႂ်းပီ 2025
===💪===

1.တေၶတ်းၸႂ်ႁွမ်ငိုၼ်း လိူၼ်ဢိတ်း" ၊
2.တေႁၵ်ႉတူဝ်ၸႂ်လႄႈ ႁၵ်ႉၵေႃႉႁၵ်ႉႁဝ်း ပႃးၸဵမ်
ပေႃႈမႄႈပီႈၼွင်ႉ တႆးၵေႃႉႁဝ်း၊
3.တေပႆၼိူဝ်သဵၼ်ႈတၢင်း ဢၼ်ယိူင်းဢၢၼ်းဝႆႉၼၼ်ႉ
ႁႂ်ႈႁွတ်ႈထိုင်ယိူင်းမၢႆ၊
4.ၼႂ်းပီ 2026 မႃး တေႁႃၶူဝ်းတွၼ်ႈတႃႇတူဝ်ၵဝ်ႇ ႁႂ်ႈလႆႈ၊
5.တေႁႂ်ႈတူဝ်ၵဝ်ႇ ပိုင်ႈဢိင်တူဝ်ၵဝ်ႇႁႂ်ႈလႆႈ၊
6.တေဝႆႉသႅၸ်ႉၸႃႇတေႃႇ ၵေႃႉႁဝ်းႁၵ်ႉလႄႈ
ၵေႃႉႁၵ်ႉႁဝ်း ဢမ်ႇဝႃႈထူပ်းလွင်ႈလီဢိၵ်ႇၸႃႉ
ထူပ်းလွင်ႈသင်မႃးၵေႃႈယဝ်ႉ၊
7.တေဢဝ်ၶၢဝ်းယၢမ်းဢၼ်လိူဝ်ဝႆႉၸိူဝ်းၼၼ်ႉ
ၸႂ်ႉတိုဝ်းၵွႃႇ ႁႂ်ႈမီးၽွၼ်းလီ၊
8.တေထွမ်ႇၵႂၢမ်း ပေႃႈမႄႈသြႃႇလႄႈ ၵေႃႉႁၵ်ႉ
ဢဝ်ၸႂ်ႉတိုဝ်းၵွႃႇ ႁႂ်ႈလီထိသုတ်း၊
9.တေလူတ်းယွမ်းၸႂ်ႉၸၢႆႇငိုၼ်းတွင်း တႃႇဢဝ်မႃးပဵၼ်
ငိုၼ်းၸူႉႁွမ်ၵွႃႇ ၼႂ်းၵူႈလိူၼ်"၊
10.တေၶတ်းၸႂ်ၸွႆႈထႅမ် လူႇတၢၼ်းတႃႇၼ လႄႈ
ၸွႆႈထႅမ်ပေႃႈမႄႈၵေႃႉႁၵ်ႉၵွႃႇ ၼင်ႇဢၼ်ႁဵတ်းႁႃ
လႆႈမႃးၼၼ်ႉႁႂ်ႈမီးၽွၼ်းလီ။

=====
✍️ တႅမ်ႈ / ပီႈမိူင်း

ที่อยู่

Thailand
Bangkok
10270

เว็บไซต์

แจ้งเตือน

รับทราบข่าวสารและโปรโมชั่นของ Muang Bangkokผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

ทางลัด

แชร์

ประเภท