05/09/2026
من الحاجات اللي عاوز اوضحها كل مابشوف المشهد ده | تحليلي ان المشهد ده الكومبارس بيتضرب فيه ٧ أقلام حقيقيين
واللي فاهم هايعرف ان المشهد ماكانش مكتوب كدة وعادل إمام ارتجل المشهد كله بالكامل.
لان لو تلاحظ ان شريف منير جري عالكومبارس علشان يكمل الارتجال وفنفس الوقت يحمي الكومبارس من الصفعات اللي نازلة علي وشه لدرجة انك لو ركزت في المشهد هتلاقي فعلاً ان الكومبارس متفاجئ ان مش ده المشهد وده بيأكده نظرة عينيه اللي كانت في زاوية تانية غير اللي المخرج حاططها.
وللعلم بعد مالكومبارس خرج من المشهد شريف منير لف وشه بعيد عن الكادر علشان كان هايضحك.
الكومبارسات عالم غالباً مستضعف في الشغلانة بيجي ياخد قرشين ويروح وخصوصاً لو انت في عالم سيطرة عادل امام في الشغلانة ولكن من الحاجات اللي مش بحبها من عادل امام هو المقدرة علي صفع كومبارس ٧ اقلام علشان يطلع مشهد بيضحك
ثم ان سواق ايه اللي ضابط في جهة امنية مفاتيح عربية بيسأل عليها السواق مش عاوز يرد؟ يعني حتي كلام المشهد مش منطقي خالص !!
ينتابني شعور بالعجز والاستياء لمجرد اني اشوف كومبارس غلبان جاي يتصفع ٧ اقلام علشان عادل امام قرر انه يرتجل او ماكانش بيرتجل لاني ضد مدرسة الصفع لخدمة الكوميديا - واكيد الراجل ارتضي في الاخر وخدله قرشين واتراضي من النجم بكلمتين وروح بيتهم
وللعلم انا ماشوفتش الراجل ده تاني في اي مشهد لاسينما ولادراما
الفيديو في اول بوست مثبت
#عادل #إمام #فيلم #مشهد
