07/04/2024
Vakatakakana na lewe ni Yasana ko Lau ka keimami vakaitikotiko e Western Australia ena vukudratou na lewe ni waqa na RFNS Puamau, ni sebera na nodratou biuti WA yani ena rua na macawa sa oti. Na lewe ni waqa na Puamau e ratou a se biuta mai na noda vanua ena tekitekivu ni yabaki ena nodratou kauta mai vakadua na waqa na Kikau, ka ratou sa na kauta lesu tiko yani na waqa vou ka sa vakatoka yaca toka ki vua e dua na turaga ka kilai e Viti ka cavu tu mai na yanuyanu totoka ko Nayau, Timo Puamau. Soqo ni marau kei na neimami mai sota vata vaka veiwekani, ka sa neimami veitalatala tale toka ga vei ratou na turaga ena nodratou i golegole lesu yani ki Viti. Sa neimami masu ni na sala vata tu kei kemudou na noda Turaga ka na veimaroroi tiko na nona Yalo Tabu ena nomuni sokota lesu na wasawasa levu mai Ositerelia ki na noda vanua lomani e Viti. Malo vakalevu a veiwekani vinaka kei na kena sa mai qaravi rawa ai tavi e WA, ka sa vakau tiko yani a neimami loloma kei na vakanuinui vinaka.
