03/03/2023
YIPFUZA UBUFASHA BWANYU / UBUTUMWA BWA INGABIRE DODO GICALLE
N'amahoro neza? Nitwa INGABIRE Dodo Gicalle (Shammah) ndi umurundikazi , mfise imyaka 16 nkaba niga muri Paramédical Abamajusi yo mw'i Jabe (Bujumbura-Mairie) mumwaka wa kabiri nkunda gusoma cane hamwe no gutamba.
Kuvyukuri ubu ntakintu ngikora biturutse kundwara mfise kuva mukwezi kwa cumi na rimwe (Munyonyo) 2022. Ndwaye tumeur iri hagati y'ihaha ry'iburyo hamwe n'uruti rw'umugongo (Colonne vertébrale). Irambangamiye ndetse inambabaza ku rwego rudasanzwe pe ku buryo no gutambuka ntagitambuka, kuryama sinkiryama abaganga bambwiye ko nintashobora kwivuza hakiri kare nshobora kuba paralysé ubuzima bwanje bwose.
Ngaha Mugihugu cacu bambwiye ko bizonsaba kuja hanze kwivuza kuko ngaha atabushobozi bafise bwo kumvura ikibazo gihari ni amafranga angana n'ibihumbi 20 vy'amadoraro y'abanyamerika (20.000$) nsabw akugira nje kwivuza. Umuryango wanje ntabushobozi ufise bwo kuronka ayo mafranga kugira ngo ushobore kwifasha ukandungika hanze kwivuza.
Ncuti bagenzi,nukuri ndabasavye mumfashe kuwoba ari n'ico ashobora kumfasha mu buryo bw'amafranga muzoba mukoze nshobore kujanwa kwivuza ndi muburibwe bidasanzwe nukuri.
Mbaye ndashimira uwo wese agiye kugira akigoro mugutabara ubuzima bwanje Imana Ibahezagire.
Kuwumva yogira ico aterereye ushobora kurungika agatererano kanyu kuri Lumicash 61606746 kwizina rya KAMARIZA Jeanine ( Maman Shammah).
Murakoze cane🙏🙏
