12/09/2026
السيد قال لك مشيت عند الناس بالحماس باغي نشرح البرنامج ديالي والافكار اللي جايب، حتى كاتفاجأ بأول سؤال كيتصدمك: "كاينة شي بركة ولا والو؟"
هنا فين بقى فيه الحال وقالها ليهم من القلب وبالواضح: "واش بغيتوني نعطيكم فلوس وليداتي باش منين ننجح نمشي نسرق من الميزانية ونرجع فلوسي؟"
تصريح قاصح وفضح الحقيقة المرة ديال سوق بيع وشرا الأصوات اللي ولينا عايشين فيه.
دابا بغينا رايكم بكل صراحة.. المشكل فين كاين بالضبط؟ واش فالسياسي اللي ولا كيشري بنادم بفلوسو، ولا فالمواطن اللي ولا كيبيع صوتو قبل ما يسمع حتى البرنامج؟ واش هاد الظاهرة ديال الفلوس فالانتخابات عندها شي نهاية فبلادنا ولا صافي تعايشنا معاها؟
