Photography M.A

03/05/2025

انا ليه مهتم باليوتيوب اكتر من الفيسبوك مع ان الفيسبوك بيدفع اكتر ؟؟
تعالوا اقولكم بس قبل ما اقولكم
تفتكروا ليه فيديو عيوب سويسرا واخد الاعلى مشاهدة عندى على القناه
وليه فيديو مميزات سويسرا مش واخد نفس النسبة
بس كده كدا مميزات سويسرا لسه نازل من يومين فمش هحكم عليه دلوقتى
لكن الاحصائيات عندى على القناه بتقول انه العيوب واخد نسبة 21% ودى نسبه عاليه جداا
اما فيديو المميزات واخد 9%
طيب النسب دى ايه دى يا سيدى لما بتنزل فيديو اليوتيوب بيعرضه للناس على حسب اللغه والمحتوى ولما بيلاقى ان الناس بتتفاعل مع الفيديو بيفضل ينشره لحد ما تبطل الناس تدريجيا تتفاعل معاه وليكن الفيديو اليوتيوب نشر الفيديو على صفحات الناس 100 مرة لو 10 فتحو الفيديو وشافوه هيحسبلك 10 % وهكذا
انا بهتم باليوتيوب
اولا مش بيقلل الكوالتى بتاعت الفيديو وده اهم شئ بالنسبالى لان انا من اكتر الناس اللى بتهتم بكوالتى الفيديو
مازال مرجع لناس كتير للبحث عن الاماكن
تقدر تفتحة من شاشة التليفزيون وتتابع المحتوى اللى تحبه
الفيديو فيه مالوش تاريخ معين يعنى مش زى التيكتوك والفيسبوك الترند بيطلع وبينزل واللى هتشوفه النهارده شوفته واللى مش هتشوفه راح عليك من كتر الترندات والفيديوهات
انا بكل صراحة بستعمل الفيسبوك والانستجرام والتيكتوك لخدمة اليوتيوب
لحد ما هاجى فى مرة كده هقفلهم كلهم واكون موجود فقط على اليوتيوب لان بصراحة تعبت من انى اتعامل مع كل التطبيقات دى الموضوع مش سهل خالص
بس انا عايز رايكم ليه العيوب ديما بتتشاف اكتر من المميزات
شوفو الفيديوهات واكتبولى
فيديو العيوب من هنا
https://www.youtube.com/watch?v=T7xup09dSMs
وفيديو المميزات من هنا
https://www.youtube.com/watch?v=4pT7Hj781tk&t=784s

في الفيديو ده هقولك على أكتر من 100ميزة موجودة في سويسرامن أول النظام والنضافة لحد الأمان وجودة الحياة وروعة الطبيعة حاجات كتير هتخليك تفهم ليه الناس بتحب تع...

01/05/2025

الناس بتاعت خليك فى المحتوى الهادف واللى بتحب تاخد اللقطة.
الفيديو الهادف اهه بس للاسف ملقتش كومنتات منكم عليه
ولا انتو بتحبو تكتبو كومنتات بس على الفيديوهات اللى مش هادفة!!

عارف لما بقعد شهر احضر لفيديو واقعد اشتغل على تصوير الفيديو اسبوعين واسبوع مونتاج وملاقيش تفاعل عليه مع العلم انه مفيد وبينفع ناس كتير

واجى فى نفس الوقت انزل فيديو فى كلمة مثيرة ومتصور بالتليفون والاقى عليه ملايين المشاهدات يبقى كدا انتم اللى بتدعمو المحتوى الهابط مش انا
انا محتاجكم المرة دي

انا بحاول أقدم حاجة مختلفة مفيدة وبتخدم الناس بس علشان أكمل محتاج دعمكم الحقيقي
يعني لو الفيديو عجبك ما تبخلش بتعليق بسيط او شير او حتى لايك الحاجات دي بتفرق جدا وبتديني طاقة أكمل

ولو في يوم ساعدتك أو استفدت من فيديو ليا فده وقت إنك تساعدني ترجعلي الإحساس إن اللي بعمله ليه قيمة

انا هطلب منكم لاخر مرة تدعمونى فى المحتوى الهادف علشان اقدر اكمل
كل حد عملتله جميلة كل حد وقفت جنبه كل حد ساعدته جه الوقت اللى تساعدنى فيه بمشاركة البوست ده او ابسط الامور التعليق عليه


https://www.youtube.com/watch?v=4pT7Hj781tk&t=284s

09/04/2025

لو مهتم بالسفر او الاقامة اوالهجرة الى سويسرا 🇨🇭شوف الفيديو ده هيفيدك كتير
اللينك فى اول كومنت

13/02/2025

اللى مش متابع الصفحة دى فايته كتير
V L O G S ❤️

12/02/2025

خيالى

12/02/2025

V L O G S Follow for more ❤️

12/02/2025

جمال سويسرا

28/10/2024

تعيش فى سويسرا او تعيش فى امريكا او حتى تعيش فى بنك لا هيزود رزقك الى اتكتبلك ولا هيقلل منه
سبحان الله
طيب ازاى انت عايز انت عايز تقارن الى عايش فى مصر زى الى عايش فى سويسرا !؟
هقولك اه فى الرزق اه
انت ربنا كاتبلك الرزق الى معاك وقدامك حل من اتنين يا ترضى وتحمد ربنا يا تعاند وتفضل شايف انك مظلوم وان غيرك ربنا ميزه عنك وتحقد وتحسد وبردو مش هتاخد اكتر من الى اتكتبلك دا مش كلامى
زى الحرامى بيروح يسرق رزقه تخيل ان دا رزقة بس هو اختار ياخده بالسرقة والنصاب نفس الكلام وقيس على كده بقى كل الشخصيات الوsخه
طيب هو فى فلوس بتيجى بسرعه !؟
اه طبعا فيه وحلال كمان بس دا الى ربنا قسمهولك مش مقتنع صح هبسطلك الموضوع فى كلمتين
الرضا بالمقسوم مش معناه انك توقف سعى
والطمع والحسد والجقد مش هيزيدك غنا

كل الى تقدر تعمله انك ترضى بالمكتوب والمقسوم من الرزق وتطلب من ربنا انو يزيدك

وفى النهايه علشان مطولش عليكم
مش معنى انك معاك فلوس كتير اوى فا انت كدا فى امان ساعات الملياردير بيتمنى يكون فى فقير بس يكون بصحته او غير مطارد من الاعداء
وده الى شوفتوه مثلا مع رؤساء دول هربت فى الجبال واستخبت تحت الارض
والى جرى هنا والى جرى هناك ....

26/10/2024

https://www.youtube.com/

كيب ما تيجو نوصلها ل ٢ مليون

25/10/2024

تعالو اقولكم انا كسبت كام من اليوتيوب فى سنه
ناس كتير متعرفش انى بقالى سنه بس فى صناعه المحتوى
والحمد لله على كل حاجه وصلتلها حتى الان
بس قبل ما اقولكم انا كسبت كام فى السنه دى
تعالو اقولكم انا عملت ايه علشان اوصل للارقام دى والى انا شايفه لا تساوى حجم التعب الى تعبته بس ربنا يعلم ان انا عمرى ما كنت بفكر فى العائد من اليوتيوب خالص كنت

بس بحاول اصنع محتوى يعيش لسنين ويكون مرجع الناس الى هتسافر تستفيد منه لكن للاسف القناه مش بتتشاف فى الدول العربيه والسبب هو ان القناه بتظهر اول حاجه فى سويسرا فا الطبيعى ان محدش فاهم فبيقفلو الفيديو فبيأثر على مشاهدات الفيديو لان اليوتيوب بيشوف ان المحتوى غير مهم فبيوقف نشره🥲
كان مطلوب منى كصانع محتوى علشان اليوتيوب يعترف بيك كقناه
انك تجمع ٤ الاف ساعه مشاهدة وهنا الناس بتختلط ما بين ٤ الاف مشاهدة و ٤ الاف ساعة مشاهدة فرق كبير جداا وحاجز كبير جدا لائ حد فى بدايته
وللاسف فى ناس كتير موهوبين مبيقدروش يوصلو للرقم دا فى سنه لان انت بيكون قدامك سنه تحقق فيها التارجت ده
وكمان كان لازم يكون عندك ١٠٠٠ متابع
وتكون منزل ٣ فيديوهات على الاقل
طبعا بالشكل دا كان مؤكد انى هوقف القناه وخلاص لان مفيش حل وممفيش حد حتى من اصحابك بيدعمك ٥ او ٦ بالكتير ممكن يكون قلبو عليك فعلا وبيعملك شير وحتى لو كلهم بيعملو فا دا مش هدفى انا هدفى اوصل للوطن العربى كله وان شاء الله احقق ولو ١٠ ٪ من حلمى
فا قررت بدل ما اقفل القناه انى اغير خطتى بالكامل! وده كان الحل الوحيد قدامى علشان اوصل للناس الى محتاجة تشوف المحتوى ده
بدأت أركز أكتر على نشر الفيديوهات القصيرة على TikTok و Instagram و Facebook عشان أقدر أوصل لجمهور أكبر وبسرعة كمان غيرت العناوين والوصف بتاع الفيديوهات على يوتيوب وخليتهم بالعربى مع شوية كلمات مفتاحية تكون موجهة للجمهور العربي

وأول ما عملت الخطوات دى بدأت ألاحظ إن في شوية فرق صح مش كبير بس على الأقل فى ناس بدأت تفهم المحتوى وتتابع أكتر. والموضوع خد مني وقت وتعب أكتر ولسه محققتش ١ ٪ من الى المفروض اكون محققه

فى السنه دى حققت مليون ونص مشاهدة
و ٢٠ الف ساعه مشاهدة
وداخل على ٢٨ الف متابع

وان شاء الله السنه الى جايه اكون بكتبلكم بوست مع اضعاف الارقام
شكرا على دعمكم وبتمنالكم الخير جميعا ولو حد هنا مهتم انو يعمل قناه وحابب يعرف تفاصيل اكتر يكتب فى الكومنتات وهعملكم فيديو يلم كل حاجه انا اتعلمتها واكتشفتها

24/10/2024

لو جيت تعيش فى سويسرا 🇨🇭 هيكون قدامك ال٣ خيارات دول
تحب تسكن فى الصورة رقم واحد ولا اتنين ولا تلاته ؟
الصور من تصويرى اليوم فى كانتون شفيتس فوق على الجبال وتحت
- الصورة رقم واحد هتكون معزول نقريبا عن عوادم السيارات وعوادم الناس كمان 😅 هتكون لوحدك هتنزل مرة كل اسبوعين او شهر تشترى كلباتك من المدينة تحت وتطلع تانى وهتطلع بسرعه لانك هتكون شايف المدينة دى حاجه مقرفة
- اما الصورة التانيه فغالبا بيكون مكان الفلاحين وبيكون كل بيت حواليه مساحه كبيرة فاضيه وتقريبا هتنزل كل يومين او كل اسبوع تجيب طلباتك من المدينه وبتكون شايف الى عايش فى المدينة فقراء وعايشين حياه غير مستقرة

- اما الصورة التالته اهل المدينة بيتمنو فعلا يعيشو فى الاماكن الى فى الصورتين ولكن صعب جدا تبعد عن الشغل بتاعك والبيوت الى على الجبال والبحيرات اغلى بكتير وغير ان فى ناس بتحب الزحمة دا لو حسبنا ان دى زحمة😅

انا عن نفسى هختار الصورة رقم واحد انت هتختار ايه ؟

22/10/2024

اوحش مكان فى سويسرا 🇨🇭 !!
ايون بالنسبالى انا وانا هنا بتكلم عن المكان الى مصور منه الصور وهو جبل جلاوبن Glaubenberg وهو جبل بيطل على بحيرة سارنن لاكن اسوء ما فى الجبل ايه بقى ان طول مامفيش تلج الارض بتكون طينه حاجه معتقدش لواحد جاى يتفسح انه هيكون مبسوط هو المفضل لمحبى الهايكنج يعتبر من الجبال القليله الى مبتطلعش بتلفريك بتطلع بالعربيه عادى وكمان فى عز التلج الطريق بيكون مفتوح على عكس اماكن تانيه بيقفلو الطرق فى الشتا