ESO (Evento Show i Otro)

15/09/2026

Curaçao Tourist Board

14/09/2026

Star Motors NV Red Tag Sale

13/09/2026

13/09/2026

𝐏𝐫𝐢𝐦𝐢𝐦𝐞𝐧𝐭𝐮 𝐝𝐞𝐧 𝐕𝐈𝐏 𝐭𝐞𝐢 𝐤𝐚𝐛𝐚... 🔥
Despues di aki ta VIP SINGLE so a sobra.
Pero ni maske unda bo tei para... riba dansflur ta konta si 💃
🎀 𝑽𝑰𝑷 𝑷𝑹𝑰𝑴𝑰𝑩𝑬𝑳 🎀
+5999 696 9237
🎟 𝐏𝐑𝐈𝐌𝐈𝐁𝐄𝐋 𝐓𝐈𝐂𝐊𝐄𝐓𝐒
- Ticketpoint, Zeelandia
- 24Uur U/d Muur, Sta Maria
- ESO +5999 526 0235

13/09/2026

Hopi ta e preguntanan ku lastu dianan aki ESO a bin ta risibi foi fanatikonan ku ta kumpra karchi serka nos ku tin e deseo di por mira Engelly maske ta pa 1 solo anochi den Selebrashon di 25 aña Cache Deluxe interpreta su HITNAN 19 December awor den WTC..

ESO a keda di bai puntra promotor mirando ku e demanda ta haltu..

Sweet summer song - ( bachata ) Antilian Musiic - antiliaanse artiest

12/09/2026

Skema Aruba Karnaval 73th

#73

11/09/2026

Kòrsou ta fortalesé kontakto ku agentenan di biahe na Alemania durante roadshow.

WILLEMSTAD – 11 di sèptèmber 2026 – Ofisina di Turismo di Kòrsou (CTB) huntu ku Aruba Tourism Authority (ATA), a organisá un roadshow di kuater dia na Alemania kual a atraé un total di 125 agente di biahe. E roadshow a tuma lugá na Bonn, Essen, Münster i Hannover, siudatnan ku den e lunanan resien a generá un kantidat konsistente di bish*tante pa tur dos destinashon. Meta di e roadshow tabata pa kapitalisá riba e popularidat kresiente di Kòrsou na Alemania despues di FIFA World CUP, hasi uso di e konekshon direkto nobo di Corendon Airlines konektando Düsseldorf i Kòrsou i na mes momentu resaltá e sentido fuerte di union i kolaborashon entre e dos islanan.

Na yegada, e agentenan di biahe a keda risibí ku un kòktel refreskante promé ku nan a partisipá na un merkado di biahe kaminda nan a haña informashon serka hotèlnan di tantu Aruba komo Kòrsou. Esaki a duna e agentenan di biahe e oportunidat pa interaktuá ku e partnernan hotelero i keda informá di e portafolio di e respektivo hotèlnan. Despues a sigui presentashonnan ku a resaltá e atrakshonnan úniko, kultura i eksperensianan turístiko di tur dos isla. Tambe e partisipantenan a risibí presentashon di KLM Royal Dutch Airlines i Hyatt Inclusive Collection. Ademas e roadshow a inkluí un workshop kreativo bou di guia di artista arubano Claire-Lune van Arneman i artista kreativo di Kòrsou, Gregory Isidora. E partisipantenan a disfrutá tambe di kòktelnan di Kòrsou, pasapalunan delisioso i un ambiente outéntiko ku a trese e kalor, koló i hospitalidat di e islanan dilanti.

CTB ta gradisí e partnernan di sektor privá di tantu Aruba komo Kòrsou ku a forma parti di e roadshow i kontribuí na su éksito: KLM Royal Dutch Airlines, Hyatt Inclusive Collection, Joia Aruba by Iberostar, Renaissance Wind Creek Curaçao Resort, Acoya Curaçao Resort, Villas & Spa, TUI Blue Curaçao, Amsterdam Manor, De Palm Tours Aruba, The Pyrmont Curaçao, Curaçao Marriott Beach Resort, Sandals Royal Curaçao, Courtyard by Marriott i Bucuti & Tara Beach Resort.

11/09/2026

Crea na Aruba, Carga pa Biento:
Aruba Fashion Week ta Lansa su Campaña pa 2026
Talento local ta duna bida na “Winds of Fashion”

ORANJESTAD, Aruba (11 di september 2026) — Aruba Fashion Week ta lansa “Winds of Fashion”, su campaña promocional pa e edicion di 2026, presenta como parti di celebracion di 10 aniversario di e evento. E campaña ta pone talento creativo, beyesa natural y e biento famoso di Aruba como centro di su identidad internacional.

Aruba Fashion Week lo tuma luga di 19 pa 22 di november 2026 na Tierra del Sol Aruba by Iberostar. E evento lo reuni moda, luho, lifestyle y bienestar un biaha mas, mientras ta fortalece posicion di Aruba como un destinacion atractivo pa turismo di balor halto y colaboracion creativo internacional.

E campaña “Winds of Fashion” ta refleha e esencia propio di Aruba. En bes di sirbi djis como fondo, e isla ta bira un parti activo di e produccion, cu su paisahenan extraordinario, luz natural y brisa semper presente cu ta forma cada imagen y movecion. Un di e elementonan natural mas reconocibel di Aruba—biento—ta ocupa e papel principal, dunando bida na e prendanan y hibando trabou di nos creativonan mas leu cu frontera di e isla.

Igualmente importante ta e talento local responsabel pa duna bida na e campaña. For di e modelonan dilanti di camara te cu e profesionalnan cu ta traha tras di escena, e produccion ta demostra e calidad, versatilidad y potencial internacional cu tin den comunidad creativo di Aruba.

Compania creativo local The Warm Studio a graba e campaña, cu participacion di e modelonan Shannen Álvarez, Daryis León, Amalia Campos y Cristian González. Nicole Rodriguez tabata encarga cu makiyahe y Clifford Baron cu peinado. E looknan presenta ta inclui creacionnan di e diseñadornan local Ronchi de Cuba, Andrew Steba, Maison Ryon Aruba y Fair BLVD, complementa cu brilnan di solo elegante di marcanan di luho, cortesia di KOK Optica.

Door di scoge deliberadamente pa traha cu diseñador, modelo, profesional di beyesa y talento audiovisual local, Aruba Fashion Week ta sigui ofrece mucho mas cu solamente un plataforma pa moda. E ta crea visibilidad, experiencia profesional y conexionnan significativo cu por yuda creativonan di Aruba yega na publico nobo y haya acceso na oportunidadnan den mercadonan di New York, Latinoamerica y Europa.

Continuando cu su compromiso pa descubri y desaroya talento nobo, Aruba Fashion Week lo organisa su evento anual di casting Model Search diasabra 26 di september, di 11:00 di mainta pa 4:00 di atardi, den e sala di conferencia di JOIA Aruba by Iberostar. Modelonan aspiran ta invita pa sigui Aruba Fashion Week riba Instagram, unda pronto lo anuncia mas detaye tocante e casting.

Durante e ultimo dies añanan, Aruba Fashion Week a contribui na promocion di e isla internacionalmente como un destinacion unda moda, cultura, hospitalidad y emprendemento ta t**a otro. Diseñador, marca, modelo, artista y otro profesional creativo a haya oportunidad pa presenta nan trabou, amplia nan red di contacto y conecta cu industria internacional.

E programa pa 2026 ta inclui fashion shows na aire liber, incluyendo presentacionnan confirma di e reconocida diseñadornan local Elisa Lejuez y Maison Ryon. Lo tin tambe un showroom unda bish*tantenan por descubri y cumpra coleccionnan, musica en vivo, DJ y fiesta, experiencia di marca y networking comercial.

Bish*tantenan por reserva nan estadia na Tierra del Sol Aruba of JOIA Aruba by Iberostar, usando e codigo promocional FASHIONWEEK26. Ticketnan online ta disponibel den cantidad limita. Cumpra ticket y haya mas informacion tocante Aruba Fashion Week via https://linktr.ee/arubafw. Aplicacion di diseñador, marca, modelo y otro participante interesa ta keda habri te cu 15 di october 2026.

11/09/2026

BONAIRE CHILDREN EXPERIENCE CRUISE SHIP ADVENTURE

Local children had a special opportunity to experience life aboard Carnival Horizon through the Bonaire Cruise Adventure for Kids, a collaborative initiative by Tourism Corporation Bonaire (TCB), Carnival Horizon, Bonaire Harbor, and Buki di Pret.

The children explored the cruise ship, learned about the cruise tourism industry and its opportunities, and enjoyed a guided ship experience and lunch. The initiative aimed to create a fun and educational experience while helping children better understand the important role tourism plays in Bonaire.

TCB extends its appreciation to Carnival Horizon, Buki di Pret, the participating children, parents, and chaperones for making this memorable day possible. Through initiatives like this, TCB continues to strengthen the connection between tourism and Bonaire’s local community.

10/09/2026

ZARA ta yega na Kòrsou ku apertura di su promé tienda i lanzamentu di ZARA.COM/CW 10 di sèptèmber 2026

Zara ta yega na Kòrsou ku e apertura di su promé tienda na e isla i e lanzamentu di zara.com/cw, tresiendo pa promé biaha na e klientenan di Kòrsou e eksperiensia di compra integrá di e marca, tantu den tienda komo via su plataforma online.
Situá na Sambil Kòrsou, un di e prinsipal destinashonnan komersial di e isla, e tienda nobo ta habri su portanan dia 10 di sèptèmber i ta marka e entrada di Zara den su mercado number 99 ku presensia físiko. Simultáneamente ku e apertura di su promé tienda, Zara ta lanza tambe zara.com/cw, su plataforma online spesífiko pa Kòrsou, disponibel pa promé biaha pa e klientenan di Kòrsou. Huntu, e tienda nobo i e plataforma online lokal ta ofresé un eksperiensia di compra kompletamente integrá, konektando di forma fluido e kanalan físiko i digital di Zara.

E tienda nobo tin mas ku 2.800 m² di superfisie di benta distribui riba un solo piso, kaminda e ta presentá e último kolekshonnan pa hende muhé, hende hòmber i mucha, ademas di espasio spesífiko pa sapatu i tas den kada un di e sekshonnan aki. Diseñá pa e estudio di arquitektura di Zara, e espasio ta ofresé un eksperiensia di compra habrí, akogedor i intuitivo. Organisá bou di un solo fachada, e diferente sekshonnan tin kada un nan propio identidat, manteniendo na mes momentu un konekshon visual danki na un distribushon fluido ku ta invitá pa eksplorá e espasio.

E plafòn habrí, e amplitut di e espasionan i e definishon kuidadoso di e diferente ambientenan ta krea un entorno luminoso i kontemporáneo ku ta kombiná sofisticashon ku kalidat. E interior ta kombiná tekstura inspirá riba piedra ku elementonan di palu i acero inoxidable, miéntras ku tononan di tera ta reforzá e estética atemporal di e establecimiento. E áreanan spesífiko pa produkto, inkluí e espasionan di sapatu i tas presente den e diferente sekshonnan, ta krea un recorrido di compra mas kuidadoso miéntras ku nan ta presentá e último kolekshonnan di e marca.
INOVASHON AL SERVISIO DI E KLIENTE.

E tienda nobo di Zara Kòrsou ta inkorporá e servisianan omnicanal di e marca, integrando di forma fluido e eksperiensia di compra den tienda i online.
Entre e prinsipal solushonnan disponibel tin:
• Pedidonan realisá via zara.com/cw por wordu recogé den tienda den un término di dos ora.
• Un punto spesífiko pa recogé pedidonan online.
• Punto nan di pago asistí distribui riba e diferente sekshonnan di e tienda i un paskamer spesífiko pa maneho di devolushonnan.
• Paskamer inteligente ekipa ku teknologia di rekonosementu di artikulo nan. E solushonnan aki ta diseñá pa ofresé mas konveniensia na e klientenan i permití e ekiponan di tienda brindá un atenshon mas personalisá.

EFISIENSIA

Den línea ku e kompromiso di Zara pa kontinuamente mehorá e efisiensia di su tiendanan, Zara Kòrsou ta inkorporá sistema avansá di maneho di energia, inkluí solushonnan di iluminashon efisiente i teknologianan di klimatizashon diseñá pa optimisá e konsumó di energia, manteniendo un eksperiensia di compra di máksimo kalidat. E tienda tin tambe un punto pa kolektá karton ku ta permití klientenan reciclá e embalashonan di nan compranan online.

ZARA I INDITEX.

Zara ta forma parti di Grupo Inditex, kompania global di moda ku ta inkluí tambe Pull&Bear, Massimo Dutti, Bershka, Stradivarius, Oysho, Zara Home i Lefties. Basá riba inovashon kontinuo i orientashon riba e kliente, Inditex ta operá un plataforma altamente integrá ku presensia den 99 mercado físiko i mas ku 200 mercado online, ku e kompromiso pa alkansá neutralidat klimátiko pa 2040.
GRUPO BENNU I BENNU CORP Grupo Bennu ta un grupo líder den retail i distribushon den Latinoamérica i Caribe, ku dekadanan di eksperensia den desaroyo i operashon di marcanan rekonosé internashonalmente. E Grupo tin un fuerte presensia regional i un portafolio diversifiká ku ta inkluí moda, estilo di bida, hogar i otro segmentonan di konsumo. Bennu Corp ta e divishon di Grupo Bennu responsabel pa e maneho i operashon di e franquishanan di Grupo Inditex na República Dominicana, Venezuela, Aruba i, mas resientemente, Kòrsou.