12/08/2025
غراتان بطاطا بالدجاج ♥️ وصفة 🇩🇿
المقادير : نغلي البطاطا في الماء والملح ورقة رند فص ثوم بعد مطيب نصفيها نهرسها ونزيدلها فلفل أكحل جبن رابي ربع كاس حليب ملعقة صغيرة زبدة طرية ونخليها على جنب
الدجاج : في مقلة ندير زيت نصف صدر دجاج مقطع مكعبات صغيرة نزيد حبة فلفل أخضر وحبة فلفل احمر نقلي ونزيد شومبينيو ملح فلفل أكحل راس الحانوت فلفل أحمر حار ملعقة كبيرة طماطم مصبرة ونقلي الكل مع بعض نمرق بنصف كاس ماء نغطي ونخلي الحشو يتشرب
صوص تومات : زيت حبة طماطم كبيرة نقطعها بالقشور نزيد ورقة رند فص ثوم زعيترة ملح فلفل أكحل نغطي ونخليها تتقلى مليح ونزيد نصف كاس ماء نصف ملعقة صغيرة سكر ونرحي بالميكسور نرجعها دقيقة فوق النار ونطفي نصفيها في صفاية ونستعملها
طريقة التحضير : نجيب بلاطو يدخل الفرن ندير فيه كرات البطاطا وندير فيهم ثقب في النصف نعمرو بالحشو ونزيد جبن رابي ونزيد صوص تومات في البلاطو وندخلو الفرن يذوب الجبن والبطاطا تتشرب لاصوص مطولش كلش طايب ♥️
