18/05/2026
حاجات كان نفسى اعرفها لما بدات التصوير 🤦♂️
فى بداية الطريق وانا بتعلم التصوير ، كنت فاكر ان المصور الشاطر هو الى بيشتغل باحدث الكاميرات او ان انا المفروض اعمل كادرات جديدة ومش منتشرة كنت كل ما اتفرج على كادر يعجبنى فى اى عمل اصوره او اخد اسكرين شوت واحتفظ بيه لكن مع الوقت بقى اكتشفت ان كل دة ملهوش اى لازمة لان قلبك لازم يحس بالقصة وعينك لازم تشوف صح .
لو رجعت بالزمن لورا واديت نصيحة لنفسى هتكون :
1- كنت هبدا بالمتاح الى فى ايدى مش هستنى اشتغل على ال Sony ولا ال ARRI الموبايل الى فى ايديى كنت ممكن اطلع منه شغل لو فهمت اضاءة وتكوين صح .
2- البورتفوليو بتاعى لازم اهتم بيه جدا لان العميل بيشترى الرؤية بتاعتك مش هيجيبك تجرب فيه وانا للاسف مكنتش مهتم بالبورتفوليو غير من قريب جدا .
3- العلاقات مش انك تعرف حد وتسجل رقمه لان دة انا عملته لكن العلاقات انك تفضل على تواصل دائم بناس مهمين هينفعوك وبتشوفهم وبيشوفوك ديما عشان لما يكون فى مشروع معين تكون انت فى دماغهم من غير ما يفكروا فيك .
4- لازم تكون عارف كويس اوى انك محتاج تتعلم الصبر مش يوم ولا شهر دة ممكن سنين .
5- مش لازم عشان تكون مصور فا تكون مليونير ممكن تفضل طول العمر عايش عادى زى ما انت بس انت مصور شاطر وناجح لان النجاح مش بيتقاس بالفلوس .
قولى حابب البوست الجاى اتكلم عن اى ؟
