17/08/2022
💪🏻💪🏻
كانون احسن ولا نيكون ..؟!
سؤال بنتسأله كتير ... وهنحاول نجاوب عليه من وجهة نظرنا مش اكتر لان ممكن حد تاني يختلف معانا
الشركتين وغيرهم من شركات تانيه زي سوني وفوجي فيلم وغيرهم لكن دول اكتر شركتين متداولين في مصر شركات تنافسيه يعني ايه ؟
يعني شركتين بينافسو بعض كل شركه فيهم عندها منتجاتها المقسمه لفئات من حيث الامكانيات والسعر.
كل فئه في كانون هتلاقي قصادها فئه بتقارب لها جدا في المواصفات والتسعير من نيكون .. زي كده مثال دايما الناس بتضرب زي مرسيدس وBMW ينفع نقول شركه احسن من التانيه في المطلق ؟! اكيد لا
لكن ممكن نقول على عربية من عربيتها دي احسن من نوع معين من العربيه التانيه اللي بتساويها في السعر على الاقل ..
طب برضو معرفناش مين احسن ؟
انت في الاول بتحدد احتياجاتك .. بعد كده تحدد السعر اللي عايز تدفعه
تعرف هتشتري جديد ولا مستعمل ؟ هتشتري الكاميرا بالعدسه الكيت ولا عايز معاها اكتر من عدسه ! طب محتاج فلاشات ولا لا
بعدها تبدأ تشوف ايه اللي بيلبي احتايجاتك دي كلها تشوف بقا في القيمه السعريه اللي وصلت ليها ايه يلبي احتياجاتك في الكاميرا .. محتاج مثلا ميجابيكسل عالي , محتاج شاشة متحركه او شاشة تاتش , لا انا محتاج واي فاي هيساعدني في شغلي وهكذا شوف محتاج ايه وبعدها هتعرف ايه الكاميرا المناسبه ليك .
في الاخر نوضح نقطه ان الشركتين اقوياء جدا وهتلاقي هنا الكويس وهنا الكويس بس شوف محتاج ايه
طب ليه ناس كتير بتقول لو هتصور فيديو خليك كانون ولو صور نيكون ؟
وجهة نظر برضو وتعتبر نفس الكلام اللي بنقوله بس محددش راي على الشئ ده فقط
ده بيعتمد على ان النيكون الالوان فيها افضل بعض الشيئ من الكانون خصوصا ال Skin tone وهوا لون البشره بيبقا اقرب للطبيعه
طب الكانون في الفيديو ليه ؟
لان الكانون بتطلع اعدادات جاهزه في الالوان وحدتها ... الخ في الفيديو فالتعديل عليها بيبقا اقل
طب لو انا عايز حاجه تديني الاتنين اعمل ايه .. او انا مستريح للكانون بس عايز اصور صور فوتوجرافيه مش فيديو او العكس مع النيكون اعمل ايه ؟
بمجرد معرفتك لاساسيات الايديت البسيط هتتجاوز كل ده بدون اي تعب الموضوع مش صعب خالص .
لو محتار بين حاجتين اللي انت طالبه فيهم قريب جدا من بعض في مواقع كتير بتقارن بين الكاميرات اعمل مقارنه وشوف مين افضل لان في حاجات ممكن تكون مش واضحالك.
والاهم من ده انك تتعلم تصوير كويس وتفهم كل حاجه في الكاميرا لان ده الاساس وانت اللي تقدر بكاميرا متوسطه تطلع افضل شغل
لوحابب تسأل عن اي حاجه اسألنا وهنحاول نساعدك ❤
واستنوا معلومات اكتر في البوستات الجايه 🌹
وقولولنا حابين نتكلم عن ايه المره الجايه
ادعمونا بلايك وشير وفولو 😍
