03/11/2019
نصايح للعرايس المقبلين على الجواز
1- هاتى كوتشى مناسب لطولك ... ده اهم من اختيار شوز الفرح
2- الفساتين الكبيرة وام ديل طويل مبهرة فى التصوير ... لكن غير عملية فى الحركة وبالاخص فى القاعات ... وبتاخد وقت اطول فى التظبيت وده بيقلل من وقت التصوير وعدد الصور
3- قليل جدا من مصففى الشعر والميكب ارتيست اللى شوفتهم ملتزمين بالوقت المتفق عليه .. علشان كدة اتفقى معاهم بدرى عن الميعاد اللى انتى عوزاه بساعة على الاقل ... لانه مش هيلتزم مهما حلفتيه بكل الحلفانات الممكنة
4- اختارى الفوتجرافر او الهيردريسر او الميكب ارتيست من خلال التجربة مع الاخرين ومن خلال صفحته على الفيس بوك ... مش عن طريق حاجة منهم فقط ... هتندمى
5- لو ليكى حد من قرايبك او اصحابك او حبايبك معاه كاميرا او موبيل ... نبهى عليهم انك مش عاوزة حد يصورك غير المصور اللى انتى وثقتى فيه ... لانه بيأثر بالسلب على المصور وبيعطله عن كدرات هو عاوز ياخدها ... لو مقدرتيش تنبهى على حد ... لا تلومى الا نفسك
6- لو انتى اتأخرتى فى اى مرحلة من مراحل فرحك ... متتوتريش ...لأن التوتر هيظهر فى الصور ... وفى نفس الوقت متلوميش المصور لو عدد الصور قليل بسبب غلطة حد تانى
7-افضل وقت للتصوير النهارى فى الشتاء هو من 3 لحد 5 وافضل وقت للتصوير النهارى فى الصيف هو من 4.30 لحد 6.30 ... ظبتوا مواعيد كنايسكم و مساجدكم وقاعتكم على كدة
8- البرايدميدز حلوين فى الصور اينعم ... لكن ممكن يكونوا سبب عطلة لو انتى اصلا متأخرة ... لكن لو فى وقت مفيش مشكلة
9- تسريحات الشعر المنسدلة على الاكتاف بلا رابط :) ... بتبوظ فى اخر اليوم ... جميلة فى التصوير وصعبة فى القاعة
10- مصورين الفديو وكمان مرة مصورين الفديو ... تنبهى عليهم انك عاوزة اضاءة ليد ومش قوية ... لو قالك دى شغلى ومتقلقيش .... شوفى حد غيره ... مليون خط تحت كلمة (اضاءة ليد ومش قوية) ... علشان متندميش
11- لو القاعة او الفندق او المسجد اللى انت حاجز فيه بيدك باكديج على بعض شاملة الزينة ومصور الفديو و فوتجرافر ... اعتذرلهم عن الفوتجرافر بتاعهم حتى لو مش هيخصم جنية من الفلوس ... مدام معاكى الفوتجرافر بتاعك بلاش مبدأ البحر يحب الزيادة ... هيكون معاكى صور ازيد لكن جودة اقل
12- لما تختارى قاعة لفرحك ... الافضل يكون سقف القاعة لونة ابيض ... لو فيه مرايات او لونة غامق بلاش
13- احجزى المصور بتاعك من قبل الفرح بشهور علشان تضمنى ان يوم فرحك متاح ومش محجوز😉
للحجز او الاستفسار انبوكس أو واتس
01116849623 أسامه عبدالرحمن
