17/07/2021
من خلال خبرتنا في مجال كاميرات المراقبه والانظمة الامنية والشبكات حابب اقول شويه نصائح لأي حد عايز يشتري كاميرات مراقبه،سواء كان عميل لشركتنا او غير ذالك..
مبدأيا كاميرات المراقبه فيها 100 نوع ومواصفات كتيييييير جدا وكلهم بيطلعوا صوره واتش دي لكن المواصفات تختلف من كاميرا للتانيه ومن موديل للتاني ومن نظام للتاني
في شويه ملحوظات صغيره نصيحه لوجه الله وانت بتشتري بنفسك او بتخلي شركه هي اللي تركب لك انك تسأل وتتأكد منها عشان تقدر تجيب نظام وكاميرات مراقبه محترمه وتفيدك بدل ماترمي فلوس على الأرض
1- النوع ابعد عن اي كاميرات واجهزه التسجيل مجهوله المصدر واللي عليها اسامي غريبه لانها زيها زي الموبايلات الصيني الرخيصه امكانيات كتير بدون جوده ولا دعم او ضمان ودي هاتلاقوها كتير في عروض بتتباع حتى لو رخيصه
أما أشهر ماركتين في السوق من ناحيه السعر والعمليه والجوده هما شركتين ((dahua و hikvision )) داهوا وهيكفيجن كماركات جيده ويعتمد عليها في ماركات تانيه اعلي زي (samsung, bosch ,pelco ,panasonic, Axis ) وغيرها ماركات تانيه كتير مشهوره .ولكن سعرها مبالغ فيه ومش للمستخدم العادي وبتكون للبنوك والهيئات الحكوميه والأماكن التجاريه الكبيره
2-الكابلات اللي بتختارها لو نوع coaxial اللي هي زي كابلات الدش اختار اعلى نسبه نحاس في الكابل لان الكابلات المغشوشه كتير جدا في السوق وخاصه لو كان coaxial cable shield +power (كابل صوره وكهرباء )
ولو كابلات نت يفضل كابلات cat 5 او cat 6 معتمد زي السويدي وdlink و primum line ابعد عن الشعبي لضمان ثبات الشبكه .
3- الهارد HARD DISK احذررررر الهاردات غير المخصصه لكاميرات المراقبه زي اللي بتسمع عنها 350 و 500 جيجا وغيره وخصوصا مع الكاميرات بجوده الإتش دي HD وده لان الهاردات دي إبره القراءه والكتابه غير مخصصين للعمل 24/7 بعكس هارد الكاميرات المخصص للعمل 24/7 والتعامل مع ملفات الفيديو وده معناها انك هاتجيب الهارد العادي يقعد معاك سنه وفي اغلب الأحوال بيبوظ وبيضرب bad sector ده بالإضافه الى ان التسجيل مش هايكون متوفر عندك اكتر من 3 لأربع ايام بحد أقصى للسعات الصغيره يعني لو حصل لك حاجه قبل الفتره دي حقك ساح ومش هاتقدر تعرف اللي حصل لو هاتجيب هات هارد ديسك مخصص ومصنع لانظمه وكاميرات المراقبه والتعامل مع ملفات الفيديو وهما شركتين في السوق WD والهارد المخصص اسمه Western Digital PURPLE من 1 تيرا الى 10تيرا والمتاح هنا في مصر لحد 8 تيرا والشركه التانيه سيجيت Seagate موديل Sky Hawk متوفر بسعات من 1 تيرا الي 8 تيرا
وابعد عن الهاردات المعاد تصنيعها او refurbished واتأكد ان تاريخ انتاج الهارد مش قديم لان ممكن تلاقي اسعار هاردات رخيصه جدا بس دي هاردات معاد تصنيعها وحرام فيها الفلوس
4-المواصفات للكاميرا واختيارك لها حسب مقاس العدسه بدايه من 2.7 mm و 2.8 mm او 3.6 mm حتى 50mm كل ما قل الرقم كل مازاد وسع زاويه الرؤيه وكل ما زاد الرقم كل ما اصبح العرض في الصوره اقل والزووم أعلى للأجسام البعيده وبتختلف انواعها من أول الثابته والمتحركه ptz والثابته متغير العدسه varifocal والمتغير العدسه بموتور داخليmotorized lence وفي الداخلي وفي الخارجي
كل الأنواع دي بتنقسم لقسمين cctv و كاميرات IPالفرق بينهم ان كاميرات الأي بي بتعتمد على شبكه الكمبيوتر سواء لاسلكي wifi اوكابلات النت CAT6 &CAT5 والكاميرات التانيه بتعتمد على كابلات COAXIALزي كابلات الدش وفي منها بيكون كابل دش مع كهرباء مذدوج
5-بند جهاز التسجيل والعرض NVR او DVR وحاليا الأجهزه الهجينهxvr اختار الجهاز اللي يكون متوافق مع احتياجاتك ويكون متوافق مع الكاميرات اللي هاتجيبها من حيث الجوده والسرعه وعددها ودول بينزلو بشرائح بدايه من 4 مداخل كاميرات و 8 و 16 و مضاعفاتها لحد 256 مدخل كاميرا حسب احتياجك يعني ماينفعش تجيب جهاز 4 مداخل وبعد ماتركب عليه 4 كاميرات تقول انا عايز ازود كاميرا كمان كده هاتضطر تغير الجهاز كله بواحد تاني 8 مداخل علشان كده لازم تحسب احتياجك بالظبط من الكاميرات حاليا وفي المستقبل علشان ماتخسرش
إضافه ان الجهاز مايقلش عن 25 فريم في الثانيه لكل كاميرا في التسجيل حسب جودتها لان الرقم ده كل ما هايقل كل ماهتقل تفاصيل الصوره عندك على الجهاز بالذات في المشاهد اللي فيها حركه سريعه هاتضيع منك التفاصيل
6- الكاميرات النضيفه بيكون لها رقم موديل وسيريال عليها لو عملت سيرش عليها ومالاقيتش لها موقع WEBSITE او بيانات ابعد عنها وهات الكاميرا النضيفه اوعى تجيب الرخيص تمنهم مش فيهم ابدا .
7-الرؤيه_الليليه يفضل تختار الكاميرات اللي فيها خاصيه SMART IR عشان تقدر تشوف صوره افضل في الليل من غير بقع على وجه الشخص في الظلام
https://www.facebook.com/Next-generation-442495439155493
شبكات-كاميرات مراقبه
