Apostolic Super Media

14/05/2026

Yihen mezmur code yalachihu bewust awurugn

10/05/2026

የምስራች ለApostolic Songs ተጠቃሚዎች በሙሉ!

በብዙዎቻችሁ ጥያቄ መሰረት ተወዳጁ የApostolic Songs መተግበሪያ አሁን በድረ-ገጽ (Web Version) መልክ ለኮምፒውተር ተጠቃሚዎች ቀርቦላችኋል!
ከእንግዲህ በስልካችሁ ብቻ ሳይሆን በላፕቶፕ ወይም በዴስክቶፕ ኮምፒውተራችሁ ስራችሁን እየሰራችሁ፣ የጽዮን መዝሙሮችን በከፍተኛ ጥራት ማድመጥ ትችላላችሁ።

የድረ-ገጹ ልዩ ገፅታዎች፦

ቀላል አጠቃቀም፦ ምንም አይነት ጭነት (Installation) ሳያስፈልግ በብራውዘርዎ ብቻ መክፈት።
#ሁሉንም ዘማሪዎች ፣አልበሞች እና የህብረት መዝሙሮችን በአንድ ቦታ ያገኛሉ
#አሁኑኑ ከታች ያለውን ሊንክ ተጭነው ዝማሬዎቹን መካፈል ይጀምሩ፦
🔗 open.asmeklit.com

Apostolic Songs – የምስጋና ቅኔ በቤትዎ እና በስራዎ ቦታ!

Lyrics and recordings of Ethiopian Apostolic Church songs — browse, read, and listen.

01/05/2026

የጤና ስጦታ

“ጤና ይስጣችሁ” [ሐዋ. 15፥29]

የጤና ጉዳይ ሲነሳ ሰው ሁሉ የሚስማማበት አንድ አባባል አለ “ዋናው ጤና ነው!” የሚል። በእግዚአብሔርም ዘንድ የስጦታዎች ራስ የሚያደርገው ጤናን ስለሆነ አዕማድ የሆኑት ሐዋርያት ፍለጋቸውን ለሚከተል ትውልድ ሁሉ “ጤና ይስጣችሁ!” በሚል የበረከት ቃል ትውልድን ይባርካሉ። ስለማይነገር ስጦታው እግዚአብሔር ይመስገን!

ያዕቆብ ከአባቱ ቤት ወጥቶ በምድረበዳ ድንጋይ ተንተርሶ በተኛበት ስፍራ እግዚአብሔር ሲገለጥለት ከጠየቃቸው በረከቶች ውስጥ አንዱ ጤና ነው። ልባም ነው! ያለጤና የተቀበለውን በረከት ማን ሊበላው? “ወደ አባቴ ቤትም በጤና ብመለስ፥ እግዚአብሔር አምላኬ ይሆንልኛል፤” [ዘፍ. 28፥21]

ንጉስ ዳዊት ጤና ማጣት ሰውን እንዴት እንደሚያጎሳቁል ሲናገር፦ “እጅግ ጐሰቈልሁ ተዋረድሁም፥ ሁልጊዜም በትካዜ እመላለሳለሁ፤ ነፍሴ ስድብን ተሞልታለችና፥ ለሥጋዬም ጤና የላትምና።” [መዝ. 38፥6-7] ይላል። ጤና በሁለት ይከፈላል። ስጋዊና መንፈሳዊ!
“ይህ ምስክር እውነተኛ ነው። ስለዚህ ምክንያት የአይሁድን ተረትና ከእውነት ፈቀቅ የሚሉትን ሰዎች ትእዛዝ ሳያዳምጡ፥ በሃይማኖት ጤናሞች እንዲሆኑ በብርቱ ውቀሳቸው።” [ቲቶ 1፥13-14]

በሰውነትና በሃይማኖት ጤናማነት ይባርከን!

መልካም ቀን ይሁንልን!

26/04/2026

የምንሰግድበት መንፈስ!

መንፈስ የሚሆን ጌታ ሰዎች ዘወትር በመንፈስ እንዲያመልኩት ይፈልጋል። “እግዚአብሔር መንፈስ ነው፥ የሚሰግዱለትም በመንፈስና በእውነት ሊሰግዱለት ያስፈልጋቸዋል።” [ዮሐ. 4፥24] የሚለው የጌታ ኢየሱስ ቃል ይህንን እውነታ ይናገራል።

ለአምልኮ መንፈስ ያስፈለገበት ምክንያት እጅግ ብዙ ነው። መንፈስ የእግዚአብሔርን አሳብ ስለሚያውቅ እንዴት መመለክ እንዳለበትም አምላኪውን ያስረዳል። ለእግዚአብሔር የሚገባውን ክብር፣ ውዳሴ፣ አምልኮ፣ ምስጋና ወዘተ ምን አይነት መሆን እንዳለበት ያሳስባል። ሰው እንዴት መጸለይ እንዳለበትም ጭምር ያማያውቅ ፍጥረት ነው። ነገር ግን ደካሙን የሚያግዝ መንፈስ የእግዚአብሔርን አሳብ ይገልጥለታል። ለአምልኮም እንዲሁ ነው!

ሌላው መንፈስ በአምልኮአችን ላይ ያለው ሚና በጊዜውም አለጊዜውም ለታላቁ አምላክ ማቅረብ ያለብንን የዘወትሩን መስዋዕት እንድናቀርብ ያደርገናል። ቢመቸንም ባይመቸንም፣ ቢሞላም ቢጎድልም፣ በደስታ በሐዘን፣ በማግኘት በማጣት ወዘተ ውስጥም ብንሆን መንፈስ በሁኔታዎች ሁሉ የማይለዋወጠውን አንዱን እግዚአብሔር እንድናመልክ ብርታትን ይሰጠናል።

ሐዋርያው ዮሐንስ ፍጥሞ በምትባል ብርዳማ ደሴት ውስጥ በታላቅ መከራ ውስጥ ሆኖ “በጌታ ቀን በመንፈስ ነበርሁ፥ በኋላዬም የመለከትን ድምፅ የሚመስል ታላቅ ድምፅ ሰማሁ፥” [ራእይ 1፥10] በማለት በሚቀበለው መከራ ውስጥ ኢየሱስን ለማምለክ ምንም እንዳላገደው እንዲያውም በዘመን ፍጻሜ ሊሆን ያለውን እንደነገረው መመልከት እንችላለን።

ዛሬ በእውነተኛና በመንፈስ በሚደረግ አምልኮ አምላካችንን አክብረን እርሱን በምላሹ በመንፈስም ሆነ በስጋ እንዲባርከን እግዚአብሔር እንዲረዳን መለመን የሚያስፈልገንንም ጸጋ ለመቀበል ራሳችንን ወደ ጸጋው ዙፋን በእምነት ማቅረብ ይገባናል።

መልካም የአምልኮ ቀን ይሁንልን!

25/04/2026

ሰላም ለቅዱሳን በሙሉ!

የኢትዮጵያ ሐዋርያዊት ቤተክርስቲያን ኦዲዮቪዥዋልና ስነ-ጽሑፍ ክፍል በምስራቅ አያት አጥቢያ የህብረት መዘምራን የተዘጋጀውን “ዛሬም ኢየሱስ ሙላቴ” የተሰኘውን የህብረት ዝማሬ ቁጥር 2 አልበም ሲያቀርብላችሁ በታላቅ ደስታ ነው።

ለእግዚአብሔር ክብር፣ ለብዙዎች መታነጽና መጽናናት እየሆነ ያለው የዝማሬ ጸጋ አሁንም በተለያየ አቅጣጫ እያደገና እየሰፋ ስላለ ክብር ይህንን ጸጋ ለሚያፈስሰው የብርሃናት አባት ይሁን!

የዝማሬ አልበሞችን ለማዘጋጀት ብዙ መስዋዕትነትን ይጠይቃልና ይህንን የዝማሬ አልበም በታላቅ ያዘጋጁትና መዘምራንን ጨምሮ በተለያየ መንገድ የተሳተፉትን ሁሉ የቤተክርስቲያን አምላክ ኢየሱስ በማያልቀው በረከት እንዲባርክ ጸሎታችንም ምኞታችንም ነው።

አልበሙ በቅርብ ቀናት ውስጥ በApostolic Songs መተግበሪያ ላይ ዝግጁ የሚሆን ሲሆን ቅዱሳን ሁሉ ዝማሬዎቹን በተለያዩ የግዢ አማራጮች በማውረድ ጸጋውን፣ ቤተክርስቲያንን እና አገልግሎቱን ትደግፉ ዘንድ በኢየሱስ ፍቅር እናሳስባለን።

የኢትዮጵያ ሐዋርያዊት ቤተክርስቲያን
ኦዲዮቪዥዋልና ስነ-ጽሑፍ ክፍል
ሚያዚያ 2018 ዓ.ም

23/04/2026

ማመንም መታመንም!

ሐዋርያው ጳውሎስ በ2ኛ ቆሮ. 5÷3-10 ላይ እንደገለጠው በክርስትና ጉዞ መጽናት በአንድ አቅጣጫ ብቻ አይደለም። በመከራ፣ በችግር፣ በጭንቀት፣ በመገረፍ፣ በወኅኒ፣ በሁከት፣ በድካም፣ እንቅልፍ በማጣት፣ በመጦም፣ እያለ ወደ ሰላሣ የሚደርሱ የተጸናባቸውን ሁኔታዎች ይዘረዝራል።

የበሰለ ክርስቲያን የጽናት እምነት ባለ ሁለት ገጽ ነው። በሚደርስበት አስቸጋሪ ሁኔታ ውስጥ እግዚአብሔር ተአምራት እንደሚሰራለትና ከዚያ ውስጥ እንደሚያወጣው ያምናል፣ በሌላ በኩል ደግሞ የጌታ ፈቃድ ሆኖ የጠበቀው ተአምራት ባይከናወንለት እስከ መጨረሻ ከአምላኩ ጋር ጸንቶ መቆምን ያምናል። እነ ሲድራቅና ሚሳቅ አብድናጎም እንዳመኑት ዓይነት ማለት ነው። “የምናመልከው አምላካችን ከሚነድደው ከእሳቱ እቶን ያድነን ዘንድ ይችላል፤ ከእጅህም ያድነናል፥ ንጉሥ ሆይ ነገር ግን ንጉሥ ሆይ እርሱ ባያድነን፥ አማልክትህን እንዳናመልክ ላቆምኸውም ለወርቁ ምስል እንዳንሰግድለት እወቅ አሉት።” (ዳን. 3÷16-18)።

በመጽሐፍ ቅዱስ ውስጥ ጥሩ አጀማመር የነበራቸው መሃል ላይ ግን የተንጠባጠቡ፣ ሌሎች ደግሞ ለመጨረስ ጥቂት ሲቀራቸው መጨረሻቸውን ያበላሹ ብዙ ዓይነት ክርስቲያኖች ይታያሉ። ሐዋርያው ጳውሎስ በዳነበትና ባገለገለበት ዘመን አብረውት ብዙ ሰዎች ነበሩ። ወደ መጨረሻ አካባቢ ነገሮች እየከበዱና ስደቱም ወደ አሰቃቂ ሞት እየተቀየረ ሲሄድ መጽናት ያቃታቸው፣ የብዙ ዘመን ሩጫቸውን በውድቀት የደመደሙ ጥቂት አይደሉም። ሐዋርያው ጳውሎስ በመጥረቢያ ሊሰዋ በተዘጋጀበት ሰዓት በሃዘን “ዴማስ የአሁኑን ዓለም ወዶ ትቶኛልና” (2ኛ ጢሞ. 4÷10) እያለ እርሱ ግን መልካሙን ገድል ተጋድሎ፣ ሩጫውን ጨርሶ፣ ሃይማኖትን ጠብቆ የጽድቅ አክሊሉን ከጌታ ሊቀበል በመስዋዕትነት በድል ተሰናበተ (2ኛ ጢሞ. 4÷6-7)።

GOOD NIGHT

20/04/2026

11/04/2026

2026 feet washing