23/01/2025
Sanad guuradii 32-aad ee xuska naalinta aas aaska Dowlad Deegaanka Soomaalida oo ku beegan 23-ka Janaayo, ayaa si heer sare ah looga xusay gobollada Qorraxay, Liibaan, Shabeelle, Afdheer, Daawa, Siti, Nogob, Jarar, Doollo iyo Erer.
Munaasibadan oo si isku mid ah looga qabtay xarumaha gobolladaasi ayaa waxaa si weyn uga soo qeybgalay masuuliyiinta heer gobol, heer degmo iyo bulshada qeybaheeda kala duwan Ka hor inta aysan si rasmi ah u furmin munaasibaddu ayay hoggaaminta iyo shacabka ku kala nool gobolladaasi socod dheer ku soo kala mareen waddooyinka waaweyn ee halbawlaha u ah magaalooyinkaasi iyagoo lulaya calanka Deegaanka, islamarkaana muujinaya dareenkooda ku aadan maalintan taariikhiga ah intii ay socotay munaasibadu waxaa laga jeediyay khudbado lagu iftiiminaayo taariikhda, halgankii la soo maray iyo horumarka deegaanka. Sanadguuradan ayaana halkudhag looga dhigay "Halgankii aabayaasheen waa midhaha maanta."
Isku soowada duuboo xukuumadda hadda talada haysa ee Deegaanka Soomaalida ayaa noqotay xukuumaddii ugu horraysay ee si rasmi ah u suurtogalisa xuska calanka Deegaanka Soomaalida, islamarkaana tallaabadan taariikhiga ah ayaa waxay muujinaysaa dadaalka ay xukuumaddu ugu jirto xoojinta midnimada iyo horumarka Deegaanka.
