25/07/2026
მოგიყვებით ამ კადრის ისტორიას. სხვა საინტერესო კადრებიც მაქვს, მაგრამ ეს განსაკუთრებულად მიყვარს.
იმ საღამოს სანაპიროზე ვიყავი და მზის ჩასვლას ვიღებდი. გადაღების დასრულების შემდეგ სახლისკენ ვბრუნდებოდი, მაგრამ რატომღაც გზაში მანქანა გავაჩერე და გადავწყვიტე სიგარეტი მომეწია.
როგორც კი მანქანიდან გადმოვედი და სიგარეტის მოწევა დავიწყე, წამიერად ჩემს გვერდით ძველებური სტილის ავტობუსი შევამჩნიე. შიგნით ორი ასაკოვანი ცოლ-ქმარი იყო — ორივე თავის საქმით იყო დაკავებული. იმ მომენტში თითქოს ფილმში აღმოვჩნდი. რამდენიმე წამი ვერც კი გავიაზრე, რას ვხედავდი.
სწრაფად ავიღე კამერა და ვეცადე კადრები ისე გადამეღო, რომ არც მე შევემჩნიე და არც ისინი შემეშინებინა. სწორედ ასე დაიბადა ეს ფოტო.
ამ კადრთან ძალიან თბილი მოგონება მაკავშირებს. 💛
მეორე დღეს ისევ იმ ადგილას წავედი. მინდოდა დღის შუქზე მენახა ეს არაჩვეულებრივი ცოლ-ქმარი, მათთვის ფოტო მეჩვენებინა და, იქნებ, რამდენიმე სიტყვაც გამეცვალა. მაგრამ, სამწუხაროდ, ადგილზე აღარ დამხვდნენ. 💛
გადაღებულია : 22/05/2025
canon 6d
