Brian Ching 程詩詠

Brian Ching 程詩詠 Red Bull Photographer
Canon Pro Ambassador

【特首董建華】作為攝影記者，鏡頭下嘅董建華，對我來講唔單止係一位特首，更係一位有血有肉嘅老人家。記得第一次到淺水灣道香島小築拍攝佢宣布參選，對當時只係一個小小攝記嘅我來講，已經係一次難忘經歷。多年來，我影過董生主持嘅特區成立典禮，影過佢喺疫...
09/09/2026

【特首董建華】

作為攝影記者，鏡頭下嘅董建華，對我來講唔單止係一位特首，更係一位有血有肉嘅老人家。記得第一次到淺水灣道香島小築拍攝佢宣布參選，對當時只係一個小小攝記嘅我來講，已經係一次難忘經歷。

多年來，我影過董生主持嘅特區成立典禮，影過佢喺疫情期間到威爾斯醫院探望市民，亦影過佢同市民握手同年輕人打成一片；甚至有一次活動中，見到佢不慎跌倒。呢啲畫面，有莊嚴、有親切、有疲態，亦有人性一面。

無論外界點樣評價佢嘅功過，我心目中嘅董建華先生，始終係一個真心希望香港好、盡力為香港付出嘅人。今日重看呢幾張相，唔單止係回憶一位老人家，亦係回望香港一段不能重來嘅歷史。

#其實佢真係一個好人

【放低門派 ・重新為攝影走埋一齊】近年香港攝影生態改變咗好多。社交媒體同演算法令攝影討論愈來愈集中喺器材規格、品牌立場同 KOL 評測之上。開箱、新機測試、品牌比較，往往比作品本身更容易得到關注；而唔同品牌、創作者同粉絲之間，亦慢慢形成各自...
03/09/2026

【放低門派 ・重新為攝影走埋一齊】

近年香港攝影生態改變咗好多。社交媒體同演算法令攝影討論愈來愈集中喺器材規格、品牌立場同 KOL 評測之上。開箱、新機測試、品牌比較，往往比作品本身更容易得到關注；而唔同品牌、創作者同粉絲之間，亦慢慢形成各自陣營，令攝影圈出現「門派化」現象。

作為攝影人，我對呢種情況感到可惜。攝影本來應該係關於光影、構圖、故事、觀察同情感，而唔應該只係變成品牌優劣、器材高低，甚至網絡上嘅互相攻擊。器材當然重要，但始終只係工具；真正打動人嘅，係攝影人如何用鏡頭去觀看世界、表達自己。

所以，我好期待 Canon PhotoMarathon Hong Kong 佳能攝影馬拉松香港站嘅回歸。呢個活動自 2009 年開始舉辦，對上一次已經係 2018 年第十屆比賽，多年來吸引逾萬名參加者，係香港最具歷史嘅大型攝影活動之一。今次一日限定賽事將於 2026 年 11 月 8 日 喺 馬灣1868 舉行，參加者需要根據即日公佈嘅主題，在限時內創作並提交作品，由出題、拍攝、評審到頒獎均於同日完成，極具挑戰。

對我而言，佳能攝影馬拉松亦有特別意義。我曾於 2014 年及 2015 年擔任分享嘉賓，亦曾於 2017 年擔任評判；今年再次有幸擔任評判，希望可以將自己對攝影嘅一點看法，帶俾更多參加者。

我真心希望大家可以趁住呢次活動，放低品牌門派、放低器材比較，重新為攝影本身走埋一齊。攝影唔應該令人分化，而應該令人交流、分享同互相啟發。希望大家用作品說話，搵返最初拎起相機嗰份熱情。

#佳能攝影馬拉松2026香港站 #攝影馬拉松
#點解我後生可以咁肥嘅🤣

【盛事經濟😁】啱啱過去嗰個星期，香港搞咗兩場國際足球友誼賽：曼城對國際米蘭、車路士對祖雲達斯。你問我好唔好睇？咁真係睇你人生要求有幾高。我自己覺得，兩場波每場大概有半場好睇，另一半就俾大家傾吓偈同曬吓燈光咁囉。不過公道講，呢類賽事真係吸引到...
07/08/2026

【盛事經濟😁】

啱啱過去嗰個星期，香港搞咗兩場國際足球友誼賽：曼城對國際米蘭、車路士對祖雲達斯。你問我好唔好睇？咁真係睇你人生要求有幾高。我自己覺得，兩場波每場大概有半場好睇，另一半就俾大家傾吓偈同曬吓燈光咁囉。

不過公道講，呢類賽事真係吸引到好多內地球迷嚟香港。去年香港足球盛會，兩場歐洲球會表演賽加埋近十萬人入場，政府話近一半觀眾唔係本地人；啟德其中一場仲有近五萬人，破埋香港足球入場紀錄，成個活動估計帶嚟約4.28億港元收益。

所以酒店、餐廳、商場、交通，應該全部笑到見牙唔見眼。球迷嚟睇波，唔會90分鐘後原地蒸發，佢哋會食飯、買嘢、打卡、過夜，甚至買支水都可以變成盛事經濟一部分。

但作為體育人，我始終貪心啲。除咗想見到人流同銀紙，我都想見到一場真係好睇嘅波。盛事經濟可以搞，但唔好搞到場波變旅遊套餐。上半場賣氣氛，下半場賣手信。

香港要旺丁旺財，冇問題；但拜託都係咁咦都踢場好波。

🤜🏻🤛🏻除咗我仲有個好隊友阿Jeff一齊影嘅👏🏼


#曼城 #車路士 #祖雲達斯 #國際米蘭

【最靜嘅隊友】連續九日喺劍擊館報到，條腰同條頸都頂到極限。不過睇住香港隊一場一場咁硬撼，我冇資格嗌攰。佢哋用劍頂住，我就用快門記住。做攝影師，唔可以喺場邊大嗌，但只能企喺場邊對住View Finder。同自己講：「唔好手軟，呢一劍好重要。2...
30/07/2026

【最靜嘅隊友】

連續九日喺劍擊館報到，條腰同條頸都頂到極限。不過睇住香港隊一場一場咁硬撼，我冇資格嗌攰。佢哋用劍頂住，我就用快門記住。

做攝影師，唔可以喺場邊大嗌，但只能企喺場邊對住View Finder。同自己講：「唔好手軟，呢一劍好重要。

2026年世界劍擊錦標賽喺亞洲國際博覽館主場開打，香港主場，唔可以失威。

男子花劍隊寫下歷史。張家朗、蔡俊彥、梁千雨、何承謙過關斬將，四強45:43挫美國；決賽44:45惜敗義大利，一劍之差。輸咗，但冇輸道氣。

但呢面銀牌唔係「差少少」，係香港隊世錦賽團體首面銀牌。當佢哋面向觀眾道謝嗰刻，我知道，呢個畫面值得被記住。

今次我唔只係影動作。
係影深呼吸、咬牙關、壓住情緒嘅一刻。

有人話攝影師係旁觀者。
我覺得，我係佢哋最靜嘅隊友。

佢哋用劍寫歷史，我用影像留證。
今次唔止影比賽，
係影一種狀態。

香港隊加油💪

Fencing Association of Hong Kong, China 中國香港劍擊總會
#劍擊世錦賽

【咁先係真正世界級嘅舞台】其實搞比賽最重要係咩？唔係舞台有幾華麗，唔係燈光有幾誇張，係夠唔夠多人睇、夠唔夠投入、夠唔夠好玩。今年喺文化中心，係癲嘅。三千幾人就係為咗睇呢一場跳舞嘅Battle。紅藍色毛巾舉到成個場都係，遠睇真係好似一片海。R...
21/07/2026

【咁先係真正世界級嘅舞台】

其實搞比賽最重要係咩？
唔係舞台有幾華麗，唔係燈光有幾誇張，係夠唔夠多人睇、夠唔夠投入、夠唔夠好玩。

今年喺文化中心，係癲嘅。
三千幾人就係為咗睇呢一場跳舞嘅Battle。紅藍色毛巾舉到成個場都係，遠睇真係好似一片海。Red Bull 個logo打喺牆上面，成個畫面型到爆。

16個舞者輪住上場，冇特別誇張嘅舞台設計，冇花巧機關，純粹靠實力。音樂一播，大家就知嚟真㗎喇。

最正係咩？
觀眾唔再係旁觀者，而係評審。呢種「由觀眾決定」嘅張力，先係 Red Bull Dance Your Style 嘅靈魂。

露天搞活動最大風險一定係落雨。今年天陰陰咁，大家其實都有啲驚。但最後順順利利完成，仲要氣氛越夜越癲，真係要講句感恩。

我影咗咁多年，老實講，今年係最刺激最好玩。可能大家已經好熟個玩法，所以個個都出盡法寶，挑釁、搞笑、爆發力、互動全部齊。台上炸，台下更炸。

其實到最後，冠軍係邊個固然重要，但更重要係，三千幾人因為跳舞聚埋一齊，一齊嗌、一齊笑、一齊癲。

呢個，先係 Red Bull Dance Your Style 嘅精神。
簡單、直接、夠真。

只要大家一齊投入做好一件事，
已經最好玩。🔥


#同自己講聲多謝

【我去過〈火舞黃沙〉嗰個地方】早排同班同事食飯，講起黃土高原。佢哋第一反應：「即係《火舞黃沙》嗰度？」我忍唔住笑，你哋睇劇，我真係瞓過窯洞。25年前我幫香港樂施會去拍寫關於扶貧嘅故事，住進陝北窯洞。呢片黃土，其實唔止係電視場景。1935年紅...
17/07/2026

【我去過〈火舞黃沙〉嗰個地方】

早排同班同事食飯，講起黃土高原。佢哋第一反應：「即係《火舞黃沙》嗰度？」
我忍唔住笑，你哋睇劇，我真係瞓過窯洞。

25年前我幫香港樂施會去拍寫關於扶貧嘅故事，住進陝北窯洞。呢片黃土，其實唔止係電視場景。1935年紅軍長征到陝北，延安後來成為中共革命根據地，被叫做中國革命嘅「搖籃」。歷史好大場面，但我見到嘅，多數係日常。

夜晚通常一碗辣椒麵，簡單直接；沖涼唔好諗，刷牙都要計住水。村民為咗兩桶水行四個鐘，我膽粗粗跟住去，行到懷疑人生。嗰陣我先知，「資源」兩個字唔係口號。

我啲相入面，有女人喺山脊牽驢，兩桶水喺風入面晃；有窯洞入面暖炕嘅光，牆上貼住舊報紙；有小朋友坐喺門口抱住個蘋果笑到發光，嗰度最多出產蘋果，佢哋嘅快樂都好直接。仲有一張，幾個細路喺黃土坡上跑落嚟，塵土飛揚，個天闊到離譜。

同事話只係透過劇集認識呢度，我忽然想搵返啲相俾佢哋睇。
歷史書講革命，我相機記低生活。
你哋睇故事，我當年喺現場食風。

【Red Bull Dance Your Style 香港區決賽】星期日就係啦講真，每次去中環影相都覺得好魔幻，行多兩步間間屋都幾千萬，但呢條舊天橋偏偏有種水泥怪物嘅粗暴美感，根本係個天然嘅時空隧道。今次特登帶支魚眼鏡去「玩嘢」。既然依班 ...
16/07/2026

【Red Bull Dance Your Style 香港區決賽】星期日就係啦

講真，每次去中環影相都覺得好魔幻，行多兩步間間屋都幾千萬，但呢條舊天橋偏偏有種水泥怪物嘅粗暴美感，根本係個天然嘅時空隧道。

今次特登帶支魚眼鏡去「玩嘢」。既然依班 Dancer 喺度嚟料，我梗係要用最誇張嘅視角搞大佢！魚眼一推，天橋啲水泥弧線即刻被我拉到彎晒，成個畫面好似要把人吸入去咁。

魚眼鏡好似將啲手腳就快伸出螢幕，嘅近大遠小透視，張力簡直爆燈！拍攝嗰陣我貼到超近，差少少以為會被佢隻腳踢爆個鏡頭，但咪就係要呢種隨時一腳踢過嚟嘅臨場壓迫感囉！

把握最後機會登記成為觀眾評審喇👉🏻 redbull.hk/danceyourstyle

16強舞者
Billy (Freestyle / Waacking)
Bobby (Popping)
Chak (Locking)
Chlorine (Waacking)
Choku (Popping)
CJ (Krump) .htc
Fan (Waacking/ Krump)
Hero.C (Popping) .c
Jose (Locking)
Kayi (Locking)
Lasthope (Hip Hop) .tt
Luenmo LegionX (Hip Hop)
Ocean (House) .wcy
Seven (Waacking)
SiuSa (Waacking)
WanJ (Hip Hop)

活動詳情
日期: 7月19日 (星期日)
時間: 下午5-7時 （4:30左右會有個crew battle showcase)
地點: 香港文化中心露天廣場（長樓梯）

【又係梁兆華】有時做人真係好得意，一段溝通就可以勾起八年前嘅回憶。上個禮拜影甲組銀牌，梁兆華突然message問乜嘢風可以吹到我落場，我話朋友叫到。講起先記得，當年我寫過《【2018亞運系列】香港籃壇有一個叫做梁兆華！》，嗰份感覺其實一直都...
15/07/2026

【又係梁兆華】

有時做人真係好得意，一段溝通就可以勾起八年前嘅回憶。上個禮拜影甲組銀牌，梁兆華突然message問乜嘢風可以吹到我落場，我話朋友叫到。講起先記得，當年我寫過《【2018亞運系列】香港籃壇有一個叫做梁兆華！》，嗰份感覺其實一直都喺度。於是今晚又落去影多場，唔止你，滿貫嘅隊友我都有捕捉，希望大家都會鍾意。

近排我嘅拍攝手法比較隨心，我鍾意動感，鍾意一種彷彿捉唔住嘅節奏。會用超慢快門配合搖鏡（panning），刻意保留殘影同動態模糊，令主體喺相對清晰之中帶住速度感；有時提高ISO、開大光圈，用淺景深將背景壓暗，突出球員情緒同爆發力；亦會連拍捕捉最高點，再配合低角度構圖，加強張力。對我嚟講，相片唔只係定格，而係將時間拉長，留住嗰一下心跳。鍾唔鍾意都好，我自己覺得好玩。

八年前亞運嘅相大家可以喺呢度睇返
https://www.facebook.com/share/p/1GinUXdDyN/

@滿貫籃球隊
#滿貫籃球隊 #梁兆華
#港籃主場

【希臘怪物】上個月NBA希臘怪物「字母哥」同佢三位兄弟旋風式降臨香港，成個場面熱鬧過過年！佢哋去教班青訓球員打波，哇，唔講仲以為佢哋打緊NBA總決賽！四兄弟喺場邊瘋狂指手畫腳、咆哮式肉緊指導，緊張程度直逼生死戰。因為場邊四嚿肌肉嘅「內心大戲...
10/07/2026

【希臘怪物】

上個月NBA希臘怪物「字母哥」同佢三位兄弟旋風式降臨香港，成個場面熱鬧過過年！

佢哋去教班青訓球員打波，哇，唔講仲以為佢哋打緊NBA總決賽！四兄弟喺場邊瘋狂指手畫腳、咆哮式肉緊指導，緊張程度直逼生死戰。因為場邊四嚿肌肉嘅「內心大戲」，簡直好睇過場內球員嘅表現！

緊張完一輪，重頭戲嚟喇！字母哥同MIRROR四子正面交鋒玩射波遊戲。平時溫文爾雅嘅姜濤，一攞起個波，對眼團火即刻燒到上天花板，認真程度直達100分！只見佢屏息靜氣、眼神凌厲，嗰種「我一定要射入」嘅氣勢，直頭好似想一球將字母哥射翻希臘咁。

雖然大家身高差咗成個頭咁遠，但呢場「樂壇小生對決籃球怪物」嘅夢幻對決，娛樂性絕對爆燈！

#字母哥 #港籃主場

【發現外星人】闊別香港籃壇 N 年，尋晚突然「過客」上身，走咗去影南華對晉龍。冇見一排，尋晚一落去影，直頭有種「穿越時空」嘅感覺，乜都好熟悉，但身邊啲面孔又好似換晒班新血。⚠️ 溫馨提示：以後喺球場見到我，請保持冷靜，唔使通報天文台話發現外...
09/07/2026

【發現外星人】

闊別香港籃壇 N 年，尋晚突然「過客」上身，走咗去影南華對晉龍。

冇見一排，尋晚一落去影，直頭有種「穿越時空」嘅感覺，乜都好熟悉，但身邊啲面孔又好似換晒班新血。

⚠️ 溫馨提示：以後喺球場見到我，請保持冷靜，唔使通報天文台話發現外星人👽。我只係一個因為出面太熱、入嚟避暑兼睇波嘅「偽·維園阿伯」😂。各位，球場見！
basketball

Address

嘉業街
Hong Kong

Website

Alerts

Be the first to know and let us send you an email when Brian Ching 程詩詠 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Brian Ching 程詩詠:

Shortcuts

Share

Category