29/10/2019
很久沒有在fanspage發放相片，除了懶惰外，最主要是新的fanspage系統改變了玩法，以往發放相片可以在post內一次過將大量相片選擇後upload同post，依家就要逐張逐張click上去upload，浪費好多時間。當然遇到多相片系統會建議你製作一個photo album，但photo album的問題係fanspage有時候會無法顯示，最後唯有死死地氣逐張click等upload....
最近多左好多人問日本拍攝既計劃，好多人黎傾既時候見到D相都問係日本邊度呀，好特別既景但之前未見過。其實大部分既景點都比較少人去或者唔係咁多人知道，最主要揀呢D地方原因係唔想同遊客迫，尤其係唔想為左影一個大家熟悉既地方而排隊影，除左浪費時間外，新人都會因為太多人睇住佢地影相而變得唔自然，影響拍攝情緒，所以我地都會幫新人製定拍攝路線，希望俾到新鮮感外，更重要係唔會因爲人群擠擁而俾到壓力。
呢輯相俾過好多唔同客人睇，暫時都未有人一睇就估到日本既地理位置。我自己好喜歡呢度早上既寧靜，仲有櫻花樹數量很多，生滿係河既兩岸，好天氣既時候，水既倒影可以見到櫻花，係日本十大人氣熱門櫻花景點，和長野高遠城的"天下第一桜"齊名，講左咁耐，都要開估，正是青森的弘前城櫻花。從東京坐內陸機一小時到青森機場，大約駕駛一小時便到達弘前。
青森係日本本島最北既一個縣，每年桜花開放時間係介乎21-28/4。曾經有一本日本景點指南介紹弘前城前櫻花，被喻為死亡前必看既百景之一，書本可能有少少誇大，不過原因可能同弘前既櫻花開放有關。好多日本既原產吉野桜係滿開後都能保持一星期開放才凋散，唯獨弘前的桜花在滿開後三天便凋謝，而且佢生長速度好快，由二分到滿開可能只有三至四天時間，整個櫻花期由生長到散落只有短短一星期，所以好多人都好難遇到滿開既弘前櫻花，能遇到影到係十分幸運，所以我地能夠係滿開既弘前桜花影到相實在太幸福了。
黎緊下年我地四月整個月都會在日本拍攝桜花下的婚紗照，地區遍佈關東和東北地區，如果有興趣想影弘前櫻花，依家只剩低最後一個名額，想報名便要盡快了。
以下係我地下年日本各地既拍攝時間表:
28/1/2020---1/2/2020 冲繩桜花 (農歷新年期間限定, 只剩29-30/1名額一位)
1/4/2020---5/4/2020 關東地區桜花 (千葉，埼玉，東京地區拍攝，只剩最後2個名額)
8/4/2020---18/4/2020 甲信越及北陸地區桜花 (長野，山梨，富山，新瀉，已經全滿)
21/4/2020---26/4/2020 弘前及北上展勝地桜花 (只剩最後一個名額)
日本的拍攝我們已經包括了租車，路費和入油費用，往來景點不用為交通而煩惱。
#青森 #弘前 #秘密景點 #富士山 #山中湖 #清里 #長野 #秩父 #埼玉 #栃木 #グリムの森 #熊谷桜堤 #万平公園 #每天工作18小時 #千葉 #泉自然公園 #小湊鐵道 #養老渓谷 #油菜花田 #關東地區 #吉野桜 #垂桜 #婚紗照片
KnW Image and Photodesign
Makeup artist: Yoko Chan
Tel & whatapps: 9503-2232
Email: [email protected]
Web: www.knwimage.com
Fb: www.facebook.com/knwimage
